Levitico 2:10 - Samarenyo Meaning-Based Bible (1984)

¹⁰ Kanan kapadian na an salin han halad; labi hin ka baraan ini kay kinuha ini tikang han pagkaon nga iginhalad ngadto han Ginoo.

Levitico 2:10 Iomraidhean Croise

2 Cronicas 31:14

Hi Core nga anak ni Imna, usa nga Levita nga puno nga gwardya han Sinirangan Ganghaan han Templo amo an tinaporan han pagkarawat han mga regalo nga iginhahalad ngadto han Ginoo ngan han paghatag hini nga mga regalo.

Esdras 2:63

Ginsumatan hira han Judiyo nga gobernador nga diri hira makakakaon han pagkaon nga iginhalad sa Dyos tubtob nga may-ada padi nga makakagamit han Urim ug Tumim.

Ezequiel 44:29

An mga halad nga pagkaon, an mga halad para hin sala, ngan an mga halad para hin paglukat, amo ini an pagkaon han kapadian, ngan kakarawaton nira an ngatanan didto ha Israel nga iginggahin para ha akon.

Ezequiel 46:20

ngan nagsiring, “Amo ini an dapit nga ginlalagaan han kapadian han karne nga iginhahalad sugad nga mga halad para hin paglukat, ngan ginhuhudnoan han mga halad nga harina, basi waray baraan nga butang nga madara ngadto ha gawas nga bungsaran, kay bangin makadarahig ini han mga tawo.”

Levitico 10:12

Nagsiring hi Moises kan Aaron ngan han duha niya nga nahisalin nga mga anak nga kalalaken-an, hira Eleazar ug Itamar, “Kuhaa an halad nga pagkaon nga salin han pagkaon nga iginhalad ngadto han Ginoo, paghimo hin tinapay nga waray patubo ngan kaona ini ha ligid han altar, kay labi hin ka baraan ini nga halad.

Levitico 14:13

Pag-iihawon niya an nati nga karnero didto han baraan nga dapit diin gin-iihaw an mga hayop para han mga halad tungod hin sala ngan an mga halad nga tutuboron. Kinahanglan pagbuhaton niya ini kay, sugad han halad tungod hin sala, para han padi an halad hin pagbayad ngan baraan ini kaupay.

Levitico 2:3

Kanan kapadian na an salin han halad nga pagkaon labi hin baraan ini kay kinuha ini tikang han pagkaon nga iginhalad ngadto han Ginoo.

Levitico 21:22

Makakahimo hin pagkaon in sugad nga tawo han iginhalad ha akon nga pagkaon: an human na ighalad nga baraan nga pagkaon ngan an ginhahalad pa nga baraan nga pagkaon,

Levitico 5:13

Hini nga paagi han padi an halad para han sala han tawo, ngan pasasayloon hiya. Kanan padi na an salin han harina, sugad han nahisalin dida han halad nga pagkaon.

Levitico 6:16

Kakaonon han kapadian an salin hini. Paghihimoon ini nga tinapay nga hinudno nga waray patubo ngan kakaonon didto hin baraan nga dapit ha bungsaran han Tulda han Ginoo. Iginhatag ini han Ginoo ngadto han kapadian nga ira bahin han mga halad nga pagkaon. Labi ini hin ka baraan sugad han mga halad tungod hin sala ngan han mga halad hin pagbayad.

Levitico 6:23

An ngatanan nga pagkaon nga ginhalad hin usa nga padi kinahanglan diri kaonon; kinahanglan pagsunogon ini ngatanan.

Levitico 6:9

hin paghatag kan Aaron ngan han iya mga anak nga kalalaken-an han masunod nga mga turumanon para hin mga sinunog nga halad. Babayaan an sinunog nga halad dida han altar ha bug-os nga gab-i, ngan diri paparongon an kalayo.

Levitico 7:7

Usa la an turumanon para han halad tungod hin sala ngan han halad hin pagbayad: an karne kanan padi na nga nagtutubod han halad.

Numero 18:9

Han labi kabaraan nga mga halad nga diri tutuboron dida han altar, iyo an mga nasunod: an mga halad nga pagkaon, an mga halad tungod hin sala, ngan an mga halad hin paglukat. Imo ngan han imo mga anak nga kalalaken-an an ngatanan nga ihahalad ha akon nga mga halad nga baraan.

1 Samuel 2:28

Tikang han ngatanan nga mga tribo han Israel akon ginpili an iya panimalay nga akon kapadian nga mag-aalagad didto han altar, magtutubod han insyenso, ngan magsusul-ot han efod ha akon atubangan. Ngan gintagan ko hira han katungod hin pag-angkon hin usa ka bahin han mga halad nga gintutubod didto ha altar.