Levitico 2:1 - Samarenyo Meaning-Based Bible (1984)

¹ Kon may maghalad hin pagkaon ngadto han Ginoo, kinahanglan iya paggilingon anay ini nga mahimo nga harina. Kinahanglan pagbutangan ini niya hin lana hin olibo ug insyenso,

Levitico 2:1 Iomraidhean Croise

Exodo 29:2

Gamita an gimamaupayi nga harina nga trigo, kundi waray patubo. Paghimo hin mga tinapay nga may lana hin olibo, ngan an iba waray lana hin olibo, ngan paghimo liwat hin magnipis nga torta nga hinirogan hin lana.

Isaias 43:23

Waray niyo pagdad-a ha akon an iyo mga halad nga tinubod nga mga karnero; waray ako niyo pagpasidunggi pinaagi han iyo mga halad nga tinubod. Waray ko kamo pagpabug-ati pinaagi hin pagpirit ha iyo hin paghatag hin mga halad, o hin pagpagul-i pinaagi hin pag-inaro ko ha iyo hin insyenso.

Isaias 66:20

Papaulion nira an ngatanan niyo nga igkasi mga nasodnon tikang han kanasoran sugad hin usa nga regalo ha akon. Ira pagdadad-on hira ngadto han akon baraan nga pungtod didto ha Jerusalem nga sakay hin mga kabayo, mga mula, ngan mga kamelyo, ngan hin mga karuwahe ngan mga karomata, sugad nga gindadara han mga Israelita ngadto han Templo in mga halad nga pagkaon dida hin mga surudlan nga maglinis sumala han seremonyas.

Ezequiel 46:20

ngan nagsiring, “Amo ini an dapit nga ginlalagaan han kapadian han karne nga iginhahalad sugad nga mga halad para hin paglukat, ngan ginhuhudnoan han mga halad nga harina, basi waray baraan nga butang nga madara ngadto ha gawas nga bungsaran, kay bangin makadarahig ini han mga tawo.”

Joel 1:9

Waray na pagkaon o bino nga ighahalad didto han Templo; nagmamabidoon an kapadian kay waray nira mga halad para han Ginoo.

Joel 2:14

Bangin magliwat han iya hunahuna an Ginoo nga iyo Dyos ngan pagpakaupayon kamo hin hura nga mga abot. Niyan makakaghalad kamo ha iya hin pagkaon ug bino.

Levitico 14:10

Dida han ikawalo ka adlaw dadad-on niya in duha nga lalaki nga nati nga karnero ngan hin usa nga babayi nga karnero nga usa pa la ka tuig an panuigon, ngan waray mga dum-it; duha ka kilo nga harina nga sinaktan hin lana hin olibo, ngan tunga hin litro nga lana hin olibo.

Levitico 24:7

Butangi hin puraw nga insyenso an kada rumbay sugad nga usa nga hinumdoman nga halad nga pagkaon ngadto han Ginoo liwan han tinapay.

Levitico 5:11

Kon an tawo diri makakahatag hin duha nga sarapati o duha nga tukmo, magdadara hiya hin usa ka kilo nga harina sugad nga halad tungod hin sala. Diri niya bubutangan ini hin lana hin olibo o insyenso, kay halad ini tungod hin sala, diri halad nga pagkaon.

Levitico 6:7

Tuluboron han padi an halad para han sala han tawo, ngan pasasayloon hiya.

Levitico 9:17

Gindara niya an halad nga pagkaon ngan kinmuha hiya hin usa ka kumkom nga harina ngan ginsunog ini didto han altar. (Labot la ini han ikinaadlaw nga halad nga ginsusunog.)

Levitico 9:4

ngan hin usa nga lalaki nga baka ngan hin usa nga lalaki nga karnero para hin halad hin pagkaurosa. Ighahalad ini nira ngadto han Ginoo upod han halad nga pagkaon nga sinaktan hin lana. Kinahanglan pagbuhaton ini nira kay mapakita ha ira an Ginoo yana nga adlaw.”

Malaquias 1:11

Ginpapasidunggan ako hin mga tawo tikang ha bisan diin nga dapit han kalibutan. Nagtutubod hira hin insyenso didto han ngatanan nga dapit ngan naghahalad hira hin angay nga mga halad nga tinubod. Ginpapasidunggan ako nira ngatanan!

Numero 18:9

Han labi kabaraan nga mga halad nga diri tutuboron dida han altar, iyo an mga nasunod: an mga halad nga pagkaon, an mga halad tungod hin sala, ngan an mga halad hin paglukat. Imo ngan han imo mga anak nga kalalaken-an an ngatanan nga ihahalad ha akon nga mga halad nga baraan.

Numero 28:5

nga inupdan an kada usa hin usa nga halad nga pagkaon nga usa ka kilo nga harina nga sinaktan hin usa ka litro han gimamaupayi nga lana hin olibo.

Numero 29:18

Ighalad upod hini an ngatanan nga iba nga mga halad nga ginkikinahanglan para han syahan nga adlaw.

Numero 8:8

Niyan magdadara hira hin nati nga baka nga lalaki ngan hin harina nga sinaktan hin lana hin olibo nga ginkikinahanglan nga halad nga pagkaon; ngan makuha ka hin lain nga baka nga lalaki para han halad tungod hin sala.

Juan 6:35

Nagsumat hi Jesus ha ira, “Ako amo an pagkaon nga nahatag han kinabuhi. An napakadi ha akon diri na gud gugutomon; ngan an nasarig ha akon diri na gud uuhawon.

1 Juan 2:20

Kundi iginbubo ha iyo ni Cristo an Espirito Santo, sanglit maaram kamo ngatanan han kamatuoran.

1 Juan 2:27

Kundi ginbub-an kamo ni Cristo han iya Espiritu. Samtang aada ha iyo an iya Espiritu, diri kamo nagkikinahanglan hin magtututdo ha iyo, kay an iya Espiritu an nagtututdo ha iyo mahitungod han ngatanan nga butang, ngan an igintututdo niya, diri buwa. Sanglit tumana niyo an igintutdo han Espiritu ngan pagpabilin kamo dida kan Cristo.

Judas 1:20

Kundi kamo, kasangkayan ko, ipadayon an pagpadig-on han iyo baraan nga pagtoo. Pag-ampo kamo ha gahom han Espiritu Santo,

Ginpadayag 8:3

Inmabot in lain nga anghel nga nakakadara hin bulawan nga surudlan hin insyenso, ngan tinmukdaw ha atubangan han altar. Gintagan hiya hin damo nga insyenso basi idugang han mga pag-ampo han ngatanan nga mga tawo han Dyos, ngan ihalad dida han bulawan nga altar nga nakada ha atubangan han trono.