Levitico 19:3 - Samarenyo Meaning-Based Bible (1984)

³ Kinahanglan tumahod an kada usa ha iyo han iya iroy ngan han iya amay, ngan kinahanglan pagtumanon niyo an Adlaw nga Iparahuway, sumala han akon iginsugo. Hi ako an Ginoo nga iyo Dyos.

Levitico 19:3 Iomraidhean Croise

Genesis 48:12

Niyan ginkuha ni Jose tikang han mga paa ni Jacob an mga bata, ngan hinmapa hi Jose ha atubangan ni Jacob.

Nehemias 9:14

Gintutdoan mo hira hin paglihe ngan pagsantos han imo Adlaw nga Iparahuway, ngan iginhatag mo ha ira an imo mga balaod pinaagi kan Moises nga imo surugoon.

Exodo 16:29

Hinumdomi nga ako nga Ginoo naghatag ha iyo hin usa nga adlaw hin pagpahuway. Sanglit dida han ikaunom nga adlaw mahatag ako ha iyo hin pagkaon nga igo hin kanan duha ka adlaw. Dida han ikapito nga adlaw kinahanglan magpabilin an tagsatagsa dida han iya hinmumutangan ngan diri hiya bumaya han iya balay.”

Exodo 20:12

“Tahora niyo an iyo amay ug an iyo iroy, basi maghilawig an iyo kinabuhi didto han tuna nga ihinahatag ko ha iyo.

Exodo 20:8

“Tumana niyo an Adlaw nga Igparahuway ngan pagbaraana ini nga adlaw.

Exodo 21:15

“Kinahanglan patayon an bisan hin-o nga magkastigo han iya amay o iroy.

Exodo 21:17

“Kinahanglan patayon an bisan hin-o nga magtunglo han iya amay o iroy.

Mga Darahonon 1:8

Anak ko, pamatii an igintututdo ha imo han imo amay ngan tumana an tugon ni imo nanay.

Mga Darahonon 23:22

Pamatii an imo amay; kon diri hiya, diri ka mahihimugso dinhe ha kalibutan. Kon lagas na an imo nanay, ipakita an imo pagdayaw ha iya.

Mga Darahonon 30:11

May mga tawo nga nagmamaldisyon han ira mga amay, ngan diri nagdadayaw han ira mga nanay.

Mga Darahonon 30:17

Bisan hin-o nga nagyuyubit han iya amay o nagtatamay han iya nanay kon lagas na, angay hiya itubong ha mga manaol o paglukaton hin mga uwak an iya mga mata.

Isaias 58:13

Nagsiring an Ginoo, “Kon paglihi-an niyo an Adlaw nga Iparahuway, ngan diri niyo pagbuhaton an iyo la kalugaringon nga mga kaupayan dida hito nga adlaw; kon iyo pagmahalon an akon baraan nga adlaw ngan pagpasidunggan ini pinaagi hin diri paglakat, pagtrabaho, o paghimangraw hin waray la pulos dida hito nga adlaw,

Ezequiel 20:12

Ginhimo ko nga tigaman han ginsaaran namon an pagtuman han Adlaw nga Iparahuway hin pagpahinumdom ha ira nga ako nga Ginoo amo an nagbaraan ha ira.

Levitico 11:44

Ako amo an Ginoo nga iyo Dyos, sanglit kinahanglan nga baraan an iyo kinabuhi kay baraan man ako.

Levitico 19:25

Kundi dida han ikalima ka tuig makakaon na niyo an bunga. Kon pagtumanon niyo ini, mamumunga hin darudamo pa an iyo kakahoyan. Hi ako an Ginoo nga iyo Dyos.

Levitico 19:30

Pagtumana niyo an Adlaw nga Iparahuway ngan pagpasidunggi niyo an dapit nga ginsisingbahan ha akon. Hi ako an Ginoo.

Levitico 19:31

“Ayaw kamo pagpasagdon hin mga tawo nga espiritista ngan mga diwatahan. Kon pagbuhaton ini niyo, magmamahugaw kamo sumala han seremonyas. Hi ako an Ginoo nga iyo Dyos.

Levitico 19:34

Upaya an pagdumaraa niyo ha ira sugad han pagdumara niyo han iyo igkasi Israelita, ngan paghigugmaa hira sugad han iyo paghigugma han iyo kalugaringon. Hinumdomi nga hadto anay mga lumalangyaw man kamo didto ha tuna han Ehipto. Hi ako an Ginoo nga iyo Dyos.

Levitico 23:3

May-ada niyo unom ka adlaw hin pagtuman han iyo mga buruhaton, kundi hinumdomi niyo nga an ikapito nga adlaw, nga Adlaw nga Igparahuway, usa ini nga adlaw hin pagpahuway. Ayaw kamo pagbuhat dida hini nga adlaw, kundi pag-urosa kamo hin pagsingba. Kanan Ginoo an Adlaw nga Igparahuway bisan diin kamo pag-uokoy.

Levitico 26:2

Pagtumana niyo an mga siringbahan nga pyesta ngan pagpasidunggi an dapit nga ginsisingbahan ha akon. Hi ako an Ginoo.

Malaquias 1:6

An Ginoo nga Labi Kamakagarahum nasiring han kapadian, “An anak nga lalake nagpapasidungog han iya amay ngan an surugoon nagpapasidungog han iya agaron. Amay ako niyo—kay ano man nga diri ako niyo ginpapasidunggan? Agaron ako niyo—kay ano man nga diri ako niyo tinatahod? Gintatamay ako niyo, kundi napakiana kamo, ‘Gin-unan-o namon hin pagtamay ha imo?’

Deuteronomio 27:16

“‘Higagabaan han Dyos an bisan hin-o nga magpakaalo han iya amay o iroy.’ “Ngan an ngatanan nga mga tawo mabaton, ‘Amen!’

Deuteronomio 5:16

“‘Tahora niyo an iyo amay ngan an iyo iroy sugad nga ako nga Ginoo nga iyo Dyos an nagsusugo ha iyo, basi maghingaupay kamo ngan maghilawig an iyo kinabuhi didto han tuna nga ihinahatag ko ha iyo.

Hebreo 12:9

Mahitungod han aton mga amay dinhe ha tuna, nakastigo hira ha aton, kundi tinatahod ta hira. Sanglit labi na gud nga karawaton naton an pagkastigo han aton espirituhanon nga Amay basi katagan kita hin kinabuhi!