Levitico 16:3 - Samarenyo Meaning-Based Bible (1984)

³ Makakasulod la hiya han Labi ka Baraan nga Dapit dida la kon magdara hiya hin usa nga lalaki nga nati nga baka para hin usa nga halad tungod hin sala, ngan hin usa nga lalaki nga karnero para hin usa nga halad nga tutuboron.”

Levitico 16:3 Iomraidhean Croise

Levitico 1:10

Kon maghalad an tawo hin usa han iya mga karnero o mga kanding, kinahanglan lalaki ini ngan waray gud mga dum-it.

Levitico 1:3

Kon maghalad hiya hin usa han iya mga baka basi pagtuboron, kinahanglan magdara hiya hin lalaki nga waray gud mga dum-it. Kinahanglan ighalad ini niya ngadto han agian han Tulda han Ginoo basi karawaton hiya han Ginoo.

Levitico 16:6

Ighahalad niya in usa nga lalaki nga baka nga usa nga halad nga tutuboron hin pagkuha han iya kalugaringon nga mga sala ngan han mga sala han iya panimalay.

Levitico 4:1

Ginsugo han Ginoo hi Moises

Levitico 4:3

Kon an Labaw nga Padi an nakasala, ngan tungod hini madarahigan hin sala an mga tawo, ighahalad niya in usa nga todo nga baka nga waray gud mga dum-it, ngan ighahalad ini ngadto han Ginoo para han iya sala.

Levitico 8:14

Niyan gindara ni Moises an todo nga baka para han halad tungod hin sala, ngan ipinandong nira Aaron ngan han iya mga anak nga kalalaken-an an ira mga kamot dida han ulo han baka.

Levitico 8:18

Sunod, gindara ni Moises an lalaki nga karnero para han halad nga ginsusunog ngan ipinandong nira Aaron ngan han iya mga anak nga kalalaken-an an ira mga kamot dida han ulo han karnero.

Levitico 9:2

Nagsiring hiya kan Aaron, “Kuha hin usa nga todo nga baka ngan hin usa nga lalaki nga karnero nga waray mga dum-it, ngan ighalad ini ngadto han Ginoo, an baka para hin halad tungod hin sala ngan an karnero para hin halad nga tutuboron.

Levitico 9:3

Niyan sidnga an mga tawo han Israel hin pagkuha hin usa nga lalaki nga kanding para hin halad tungod hin sala, usa nga nati nga baka nga usa ka tuig an panuigon, ngan usa nga nati nga karnero nga usa ka tuig an panuigon nga waray mga dum-it para hin halad nga tutuboron,

Hebreo 9:12

Han pagkadto ni Cristo han tulda ngan pagsulod niya makausa ngan para han ngatanan ngadto hin Labi ka Baraan nga Dapit, waray hiya magdara han dugo hin mga kanding ngan mga baka basi ihalad; kundi asay lugod iginhalad niya an iya kalugaringon nga dugo, ngan nakaangkon para ha aton hin dayon nga katalwasan.

Hebreo 9:7

Kundi an Labaw nga Padi la an napakadto han tulda ha sulod ngan gintutuman ini niya makausa la ha kada tuig. Nagdadara hiya hin dugo nga ihinahalad niya sa Dyos para han iya kalugaringon ngan para han mga sala nga nabuhat han mga tawo hin waray pakasabot nga nakasala hira.