Levitico 16:2 - Samarenyo Meaning-Based Bible (1984)

² Nagsiring an Ginoo, “Sidnga hi Aaron nga imo bugto nga dida han angay nga takna makadto hiya ha luyo han biray ngadto han Labi ka Baraan nga Dapit, kay amo ito an dapit diin mapakita ako dida hin usa nga dampog ha igbaw han takop han Kahon han Ginsaaran. Kon diri hiya magsugot, papatayon hiya.

Levitico 16:2 Iomraidhean Croise

1 Hadi 6:16

Ikinadto ha kataposan han Templo an surusulod nga kwarto nga gintawag nga Labi Kabaraan nga Dapit. Siyam ka metros an kahilaba hini, ngan binongbongan ini hin tabla nga sidro tikang ha salog ngadto ha alkoba.

1 Hadi 8:6

Niyan gindara han kapadian an Kahon han Ginsaaran ngadto han Templo ngan iginbutang ini didto han Labi Kabaraan nga Dapit, ha ubos han mga kerubin.

Exodo 30:10

Kinahanglan pagbubuhaton ni Aaron hin makausa ha kada tuig an seremonyas hin paglinis han altar pinaagi hin pagbutang han dugo han hayop nga iginhalad para hin sala dida han upat nga mga sungaysungay han altar. Kinahanglan pagbuhaton ini ha kada tuig ha ngatanan nga panahon nga tiarabot. Kinahanglan baraan gud ini nga altar nga iginhalad ha akon nga Ginoo.”

Levitico 16:13

Didto ha atubangan han Ginoo igbubutang niya an insyenso dida han mga baga, ngan makakalukop an aso han insyenso han takop han Kahon han Ginsaaran, basi diri niya hikit-an ini ngan diri hiya mamatay.

Levitico 16:34

Pagtutumanon ini nga mga turumanon ha ngatanan nga panahon nga tiarabot. Kinahanglan pagbuhaton ini nga seremonyas hin makausa ha kada tuig hin paglinis han mga tawo han Israel han ngatanan nira nga mga sala. Sanglit gintuman ni Moises sumala han iginsugo han Ginoo.

Levitico 8:35

Kinahanglan magpabilin kamo didto han agian han Tulda adlaw gab-i sulod hin pito ka adlaw, ngan aada kamo hin pagtuman han iginsugo han Ginoo. Kon diri, mapatay kamo. Amo ini an iginsugo ha akon han Ginoo.”

Numero 17:10

Nagsiring kan Moises an Ginoo, “Ibalik an tungkod ni Aaron ngadto ha atubangan han Kahon han Ginsaaran. Hihiposon ini nga usa nga pahimatngon para han magsinupilon nga mga Israelita, nga kon diri umundang an ira pagnginurutob magkakamatay hira.”

Numero 18:7

Kundi ikaw ngan an imo mga anak nga kalalaken-an la an magtutuman han ngatanan nga mga katungdanan han pagkapadi nga manginginlabot han altar ngan han mga butang nga aadto ha sakob han Labi ka Baraan nga Dapit. Iyo an pag-alagad hini nga mga butang, kay iginhatag ko ha iyo an regalo han pagkapadi. Papatayon an bisan hin-o nga diri takos nga tawo nga humarani han mga butang nga baraan.”

Numero 4:5

Iginhatag han Ginoo kan Moises an masunod nga mga tugon. Kon panahon na hin pagbalhin hin kampo, masulod han Tulda hi Aaron ngan an iya mga anak nga kalalaken-an, papaloson nira an biray ha atubangan han Kahon han Ginsaaran, ngan tatahoban hini an Kahon.

Mateo 27:51

Tigda la nga nagisi ha butnga an biray han Templo, tikang ha igbaw ngadto ha ubos. Nabay-og an tuna, nagkabubuka an mga bato,

Hebreo 6:19

Ini nga paglaom amo an angkla han aton kinabuhi. Marig-on ini ngan kasasarigan, ngan nakakatahos han biray han langitnon nga templo, ngadto han labi ka baraan nga sulod han templo.

Hebreo 9:25

An Labaw nga Padi nga Judiyo nasulod han Baraan nga Dapit ha kada tuig ngan dara niya in dugo hin mananap. Kundi waray sumulod hi Cristo paghalad hin makadamo han iya kalugaringon,

Hebreo 9:3

Ha luyo han ikaduha nga biray may-ada tulda nga ginngaranan nga Labi ka Baraan nga Dapit.

Hebreo 9:5

Ha igbaw han kahon nakada an pakuan nga mga binuhat nga nagpapasabot nga aada an Dyos. Nabuklad an ira mga pako pagpandong han dapit diin iginpasaylo an mga sala. Kundi diri pa yana panahon pagsaysay hin tukib han ngatanan nga mga butang.

Ginpadayag 15:8

Nalukop an templo hin aso nga tikang han himaya ug gahom han Dyos, ngan waray nakakasulod ngadto han templo tubtob han katapos han pito nga mga peste nga dara han pito nga mga anghel.