Levitico 13:3 - Samarenyo Meaning-Based Bible (1984)

³ Uusisahon han padi an katol, ngan kon nagbusag na an mga buhok dida han katol ngan diri na la katol ha panit kundi hasta na ngadto han unod, sanla ini nga sakit ngan igpapahibaro han padi nga mahugaw ini nga tawo.

Levitico 13:3 Iomraidhean Croise

Genesis 13:3

Niyan binmaya hiya didto ngan nagbalhin hiya tikang ha usa nga kampo ngadto ha lain nga kampo tipakadto ha Betel. Inmabot hiya han dapit nga nabubutnga han Betel ug Hai, nga ginkampohan niya hadto anay

Ezequiel 16:30

Amo ini an igyayakan han Ginoo nga Dyos: “Ginbuhat mo ini ngatanan. Hin pagkawaray alo nimo!

Ezequiel 44:23

“Pagtututdoan han kapadian an akon mga tawo han kalainan han baraan ngan han diri baraan ngan han malinis sumala han seremonyas ngan han diri.

Oseas 7:9

ngan diri hira nasabot nga ini nga ira pagtapod hin mga lumalangyaw, nakapaluya han ira kusog. Inihap na an ira mga adlaw, kundi diri ngani hira maaram hini.

Levitico 10:10

Kinahanglan mahibaroan mo an kalainan han mga butang nga baraan ngan han ordinaryo la nga mga butang, han malinis sumala han seremonyas ngan han diri malinis.

Levitico 13:10

nga mag-uusisa ha iya. Kon may mabusag nga katol ha iya panit nga nakakapabusag han mga buhok dida han katol ngan puno ini hin nana,

Levitico 13:2

Kon in usa ka tawo may-ada katol ha iya panit, o hubag o namumula nga mahirimo nga sanla, kinahanglan pagdad-on hiya ngadto han padi nga tulin ni Aaron.

Levitico 13:20

Pagsususihon hiya han padi, ngan kon hilarom na an hubag ngan nagbusag an mga buhok dida hini, igpapahibaro han padi nga mahugaw hiya. Sanla ini nga sakit nga nagtikang dida han hubag.

Levitico 13:4

Kon mabusag na an katol, kundi diri pa hilarom ngan diri pa mabusag an mga buhok, iglalain han padi ini nga tawo sulod hin pito ka adlaw.

Levitico 13:8

Uusisahon na liwat hiya han padi, ngan kon hisabotan nga nagsarang an katol, igpapahibaro han padi nga mahugaw na liwat hiya; sanla ini nga sakit.

Levitico 14:37

ngan pag-uusisahon an alamag. Kon may-ada na baga birde o pula nga mga dapit nga daw nagkukutkot han bungbong,

Levitico 14:54

Amo ini an mga turumanon hiunong han sakit nga sanla,

Levitico 5:3

Kon malipat in usa ka tawo hin pagkapot hin bisan ano nga mahugaw nga aada ha tawo, bisan kon ano ini, makakasala hiya kon makasabot hiya han iya nabuhat.

Hageo 2:11

Nagsiring hiya, “Pangaroi an kapadian hin baton hini nga pakiana:

Malaquias 2:7

Katungdanan ini han kapadian hin pagtutdo han matuod nga hibaro bahin han Dyos. Kinahanglan kumadto ha ira an mga tawo hin pag-aram han akon kaburot-on, kay amo hira an magsarangyaw han Ginoo nga Labi Kamakagarahum.

Mateo 16:19

Ihahatag ko ha imo an mga yawi han Ginhadian han Langit; an imo diri hubaran dinhe ha tuna diri man liwat huhubaran dinhe ha langit; ngan an imo hubaran dinhe ha tuna huhubaran man liwat didto ha langit.”

Juan 20:23

Kon pasayloon niyo an mga sala han mga tawo, pasasayloon hira; ngan kon diri niyo pasayloon hira, diri man hira pasasayloon.”

Mga Buhat 20:28

Bantayi niyo an iyo kalugaringon ngan sugad man an bug-os nga panon nga igintapod ha iyo han Espiritu Santo. Mangnoi niyo an singbahan han Dyos nga gin-angkon niya pinaagi han kamatayon han iya kalugaringon nga Anak.

Mga Taga-Roma 7:7

Niyan, ano man an aton isisiring? Nga maraot ngay-an an Balaod? Diri! Kundi kon diri tungod han Balaod, diri ako nakilala kon ano an sala. Diri unta ako nasasayod kon ano an pagkaipa kon waray magsiring an Balaod, “Diri ka maipa.”

1 Timoteo 1:20

Nahiupod ha ira hira Himeneo ug Alejandro, nga akon na igintubyan ngadto han gahom ni Satanas, basi katutdoan hira hin diri na pagpakaraot han Dyos.

2 Timoteo 3:13

kundi an magraot nga mga tawo magpapadayon hin paghingaraot, maglilimbong hira han iba, ngan kalilimbongan man liwat hira.

Hebreo 13:7

Hinumdomi an iyo anay mga pangulo nga naghimangraw ha iyo han mensahe han Dyos. Panumdoma niyo kon gin-unan-o nira hin pagkabuhi ngan pagkamatay, ngan subda an ira pagtoo.

Ginpadayag 2:23

Papatayon ko liwat adton mga sumusunod ha iya, ngan an ngatanan nga mga singbahan makakasabot nga amo ako an nakakatugkad han mga panhunahuna nga mga ungara han tagsatagsa nga tawo. Babaloson ko an kada usa ha iyo sumala han iya nabuhat.