Levitico 13:2 - Samarenyo Meaning-Based Bible (1984)

² Kon in usa ka tawo may-ada katol ha iya panit, o hubag o namumula nga mahirimo nga sanla, kinahanglan pagdad-on hiya ngadto han padi nga tulin ni Aaron.

Levitico 13:2 Iomraidhean Croise

2 Samuel 3:29

Mahingada unta kan Joab ngan han iya panimalay an kastigo para hini! Mamay-ada unta tawo dida han iya panimalay nga masakit hin gonorea o sanla, o nga waray gamit ngan magluya, o mamatay ha pag-awayan, o mawaray igo nga pagkaon!”

2 Hadi 5:1

Tinahod gud ngan pinalabi han hadi han Siria hi Naaman nga kapitan han kasondalohan nga Siriahanon, kay pinaagi ha iya ginpadaog han Ginoo an kasondalohan nga Siriahanon. Gamhanan hiya nga sondalo, kundi sanlahon hiya.

2 Hadi 5:27

Sanglit mahingangada ha imo an sanla ni Naaman, ngan tatap-onan han sanla ha kadayonan ikaw ngan an imo mga tulin!” Han paglakat ni Gihasi, sanlahon na hiya—sugad hin gapas kabusag an iya panit.

Isaias 1:6

Waray gud maupay nga bahin han imo lawas tikang ha alimpoporo ngadto ha rapadapa han imo tiil. Luob ka hin mga pilas, mga kaduntan, ngan mga kasamdan nga waray paglinisi, pagbutka ngan pagtambala.

Isaias 3:17

Kundi sisirotan ko hira—magrurubo an ira buhok pinaagi hin mga katol ngan madadangas hira.”

Levitico 13:1

Iginhatag han Ginoo kanda Moises ug Aaron ini nga mga turumanon.

Levitico 13:3

Uusisahon han padi an katol, ngan kon nagbusag na an mga buhok dida han katol ngan diri na la katol ha panit kundi hasta na ngadto han unod, sanla ini nga sakit ngan igpapahibaro han padi nga mahugaw ini nga tawo.

Levitico 13:8

Uusisahon na liwat hiya han padi, ngan kon hisabotan nga nagsarang an katol, igpapahibaro han padi nga mahugaw na liwat hiya; sanla ini nga sakit.

Levitico 14:3

ngan iggagawas hiya han kampo ngan didto pag-uusisahon hiya. Kon upay na an sakit,

Levitico 14:35

Bisan hin-o nga makakaagi hin alamag dida han iya balay, kinahanglan kumadto ngan igsumat ini ha padi.

Malaquias 2:7

Katungdanan ini han kapadian hin pagtutdo han matuod nga hibaro bahin han Dyos. Kinahanglan kumadto ha ira an mga tawo hin pag-aram han akon kaburot-on, kay amo hira an magsarangyaw han Ginoo nga Labi Kamakagarahum.

Numero 12:10

ngan pagbaya na han dampog tikang han Tulda, naluob dayon an panit ni Miriam hin sanla nga sakit ngan nagburusag ini sugad hin gapas. Han pagsiplat ha iya ni Aaron ngan han paghikit-i nga naluob hi Miriam han sakit nga sanla,

Numero 12:12

Ayaw gad itugot nga masugad hiya hin natawo nga daan patay, kanay lawas hapit na madunot ha paggawas han tiyan ni iya nanay.”

Mateo 8:4

Ginsiring hiya ni Jesus, “Pamati! Ayaw pagsumat bisan kan kanay, kundi kadto dayon ha padi ngan pakita ha iya. Kahuman, paghalad sugad han iginsugo ni Moises, pagpakita han mga tawo nga malinis ka na.”

Marcos 1:44

“Pamati, ayaw pagsumat bisan kan kanay. Pakadto dayon ha padi ngan pakita ha iya; kahuman, paghalad sugad han sugo ni Moises basi hisabtan nga upay ka na.”

Lucas 17:14

Hinkit-an hira ni Jesus ngan ginsiring, “Kadto na, ngan pausisa kamo han kapadian.” Nalinisan hira han tipakadto pa la hira.

Lucas 5:14

Gintugon hiya ni Jesus, “Ayaw ini igsumat bisan kan kanay, kundi kadto dayon ha padi ngan pausisa ha iya; ngan paghalad sugad han iginsugo ni Moises, pagpakita han ngatanan nga malinis ka na.”

Deuteronomio 24:8

“Kon nag-aantos kamo hin makaharadlok nga sakit ha panit, kitaa gud nga talinguhaon niyo hin pagtuman han igintugon ha iyo han kapadian nga Levita; pagsunda niyo an mga tugon nga akon iginhatag ha ira.

Deuteronomio 28:27

Padadad-an kamo han Ginoo hin mga hubag sugad han ginbuhat niya han mga Ehiptohanon. Pararangrangon niya in mga kaduntan ha iyo mga lawas. Maluluob kamo hin mga nuka ngan sahid an pangatol han iyo kalawasan, kundi waray niyo hiaagian nga tambal hini.