Levitico 10:2 - Samarenyo Meaning-Based Bible (1984)

² Ha gilayon nagpadara hin kalayo an Ginoo ngan ginsunog hira. Namatay hira ha atubangan han Ginoo.

Levitico 10:2 Iomraidhean Croise

2 Samuel 6:7

Nasina dayon kan Uza an Ginoo nga Dyos ngan ginpatay hiya tungod kay kinaptan man niya an Kahon han Ginsaaran. Namatay hi Uza didto ha ligid han Kahon han Ginsaaran,

1 Hadi 13:28

Sinmakay hiya ngan hin-agian niya an lawas han manaragna nga nalunay ha dalan, nga natukdaw sapit han lawas an asno ngan an liyon. Waray kaona han liyon an lawas o dasmagi an asno.

1 Hadi 18:38

Nagpadara hin kalayo an Ginoo ngan gin-ugtang an halad, an kahoy, ngan an mga bato, ginsunog an tuna ngan ginpamara an tubig dida han kali.

2 Hadi 1:10

Binmaton hi Elias, “Kon tawo man ako han Dyos, kumunsad unta tikang ha langit in kalayo ngan sunogon ka ngan an imo mga tawo ngada hin kamatay niyo!” Kinmunsad dayon in kalayo, ginsunog an opisyal ngan an iya mga tawo ngan namatay hira.

2 Hadi 1:12

Binmaton hi Elias, “Kon tawo man ako han Dyos, kumunsad unta tikang ha langit in kalayo ngan sunogon ka ngan an imo mga tawo ngada hin kamatay niyo!” Kinmunsad dayon in kalayo, ginsunog an opisyal ngan an iya mga tawo, ngan namatay hira.

1 Cronicas 13:10

Nasina dayon kan Uza an Ginoo nga Dyos ngan ginpatay hiya tungod kay kinaptan niya an Kahon han Ginsaaran. Didto namatay hi Uza ha atubangan han Dyos,

1 Cronicas 15:13

Tungod kay waray man kamo didto han syahan nga pagdara hini, ginkastigo kita han Ginoo nga Dyos kay waray man kita maghatag han angay nga pagsingba ha iya.”

1 Cronicas 24:2

Namatay hira Nadab ug Abihu nga buhi pa an ira amay ngan waray nira mga tulin, ngan nahimo nga padi hira Eleasar ug Itamar.

An Basahan ni Job 1:16

Waray pa hiya katatapos hin pagyakan, inmabot liwat in lain nga surugoon ngan nagsiring, “Ginlintian an mga karnero ngan an mga paramangno ngan nagkamatay hira ngatanan. Ako gudla an nakapalagiw hin pagsumat ha imo.”

Mga Salmo 50:3

Tiarabot an aton Dyos, kundi diri ha kahilom; ha atubangan niya may naglalahimgad nga kalayo, ha palibot niya may makusog nga bagyo.

Exodo 24:1

Nagsiring kan Moises an Ginoo, “Sagka han bukid ngadi ha akon, ikaw ngan hira Aaron, Nadab, Abiu, ngan hin 70 han mga pangulo han Israel; ngan yukbo kamo hin pagsingba samtang antaw pa kamo ha akon.

Isaias 30:33

Gin-andam hin maiha na in usa nga dapit nga may dako nga kalayo nga magsusunog han hadi han Asiria. Hilarom ngan hiluag ini, ngan gintambakan hin damo nga kahoy. An ginhawa han Ginoo nga sugad hin sapa nga kalayo amo an magpapalaga hini.

Levitico 10:5

Sanglit dinmuok hira ngan kinaptan an mga panapton han mga minatay ngan gindara nira ngadto ha gawas han kampo sumala han iginsugo ni Moises.

Levitico 16:1

Naghimangraw an Ginoo kan Moises kahuman han kamatay han duha nga anak nga kalalaken-an ni Aaron, nga ginpatay tungod han paghalad nira ngadto han Ginoo hin kalayo nga diri baraan.

Levitico 9:24

Ha gilayon nagpadara an Ginoo hin kalayo nga nag-ugtang an halad nga tutuboron ngan an magtambok nga mga bahin dida han altar. Han pakakita hini han mga tawo, ginmoliat hira ngatanan ngan hinmapa hira ha tuna.

Numero 16:35

Niyan nagpadara an Ginoo hin kalayo nga naglarab ngan nag-ugtang han 250 nga mga tawo nga naghalad han insyenso.

Numero 16:49

An kadamo han mga tawo nga nagkamatay kapin hin 14,700, waray labot hadton mga nagkamatay tungod han pag-ato ni Core.

Numero 26:61

Nagkamatay hira Nadab ug Abihu han paghalad nira hin kalayo nga diri baraan ngadto han Ginoo.

Mga Buhat 5:10

Natumba hiya dayon ha tiilan ni Pedro ngan namatay. Sinmulod an mga batan-on nga kalalaken-an ngan hinkit-an nira nga patay na hiya. Gindara hiya nira ha gawas ngan iginlubong sapit han iya bana.

Mga Buhat 5:5

Han pakabati gud la hini ni Ananias, natumba hiya ngan namatay. Duro an kahadlok han ngatanan nga nagpakabati hini.

1 Mga Taga-Corinto 10:11

Nahinabo ini ngatanan ha ira basi magin susbaranan para han iba, ngan iginsurat ini basi makapahimangno ha aton. Kay nag-uokoy kita ha panahon nga diri na maiha maabot an pagkatapos.

1 Samuel 6:19

Ginpatay han Ginoo in 70 nga kalalaken-an han Betsemes kay hinmiling hira han Kahon han Ginsaaran. Ngan nagmabidoon an mga tawo kay damo ha ira an ginpatay han Ginoo.