Levitico 1:2 - Samarenyo Meaning-Based Bible (1984)

² nga pinapagtuman han mga Israelita kon maghalad hira han ira mga hayop nga pagtutuboron. Kon maghalad an bisan hin-o hin hayop nga pagtutuboron, makakahimo hiya hin paghalad hin usa han iya mga baka o usa han iya mga karnero o mga kanding.

Levitico 1:2 Iomraidhean Croise

Genesis 4:3

Usa ka adlaw nagdara hi Cain hin mga abot han iya inani ngan iya iginhalad ini ngadto han Ginoo.

Genesis 4:5

kundi iginsikway niya hi Cain ngan an iya halad. Napungot hin duro hi Cain ngan nagkuriot hiya hin kasina.

1 Cronicas 16:29

Dayawa an mahimayaon nga ngaran han Ginoo, pagdara hin halad ngan pakadto han iya templo. Yukbo ha atubangan han Ginoo kon hiya magpakita ha iya pagkabaraan;

Esdras 3:5

ngan labot hini, naghalad hira han mga unong nga kinahanglan tuboron ngatanan ngan adton mga iginhahalad ha Pyesta han Subang nga Bulan ngan ha iba pa nga mga katirok diin ginsisingba an Ginoo, sugad man an ngatanan nga mga halad nga kinasingkasing an ira paghatag hini Ginoo.

Exodo 20:24

Paghimo kamo hin altar nga tuna para ha akon, ngan ighalad dida hini an iyo mga karnero ngan mga baka sugad nga mga halad nga tinubod ngan sugad nga mga halad hin pakig-urosa. Ha tagsa nga dapit nga akon igingahin nga pagsisingbahan niyo ha akon, makada ako ha iyo ngan magbibendisyon ako ha iyo.

Numero 15:3

Mahihimo pagdad-on ngadto han Ginoo in usa nga todo nga baka, usa nga karnero nga lalaki, usa nga karnero o usa nga kanding sugad nga usa nga halad nga susunogon, o usa nga unong nga tutuboron ha pagtuman hin saad, o hin usa nga kaburot-on nga halad, o hin usa nga halad kon nagsasaurog kamo han mga siringbahon nga pyesta; nakakalipay han Ginoo an alimyon hini nga mga halad.

Numero 5:15

Bisan hain hini nga duha nga kaso, dadad-on han bana an iya asawa ngadto han padi. Dadad-on liwat niya an kinahanglan nga halad nga usa ka kilo nga harina nga sebada, kundi diri niya iipisan ini hin lana hin olibo o bubutangan hin insyenso, kay halad ini hin usa nga nagtatahap nga bana, nga ginhihimo basi mahisabotan an kamatuoran.

Marcos 7:11

Kundi nagtututdo kamo nga kon may-ada sadang ikabulig in tawo han amay ngan iroy niya, kundi kon sumiring hiya, ‘Corban ini’ (karuyag sidngon, kanan Dyos ito),

Mga Taga-Roma 12:1

Sanglit, kabugtoan ko, tungod han dako nga kalooy han Dyos ha aton, nanginginyupo ako ha iyo; ighalad niyo ngadto sa Dyos an iyo kalugaringon sugad hin buhi nga halad nga tinubyan ha pag-alagad ha iya, ngan nakakalipay ha iya. Amo ini an matuod nga pagsingba nga angay niyo ighalad.

Mga Taga-Roma 12:6

Sanglit angay ta gamiton an aton magkalainlain nga mga upa, sumala han maupay nga kaburut-on nga iginhatag ha aton han Dyos. Kon paghimangraw han mensahe han Dyos amo an upa ha aton, kinahanglan buhaton ta ito sumala han aton pagtoo.

Mga Taga-Efeso 5:2

An gugma kinahanglan maghadi han iyo kinabuhi sugad han paghigugma ni Cristo ha aton, ngan iginhatag an iya kinabuhi tungod ha aton, sugad hin mahamot nga halad nga nakakalipay han Dyos.