Juan 9:7 - Samarenyo Meaning-Based Bible (1984)

⁷ ngan iya sidngon, “Kadto na, ngan paghiram-os didto ha linaw han Siloe.” (“Ginsugo” an kahulogan hini nga ngaran.) Sanglit kinmadto an tawo, naghiram-os hiya, ngan binmalik nga nakita na.

Juan 9:7 Iomraidhean Croise

Nehemias 3:15

Gintindog liwat ni Salum nga anak ni Colhose, nga punoan han Distrito han Mispa, an Ganghaan han Busay. Gin-atpan niya an aragian, iginpahimutang an mga ganghaan, ngan igintaod an mga sira ngan an mga trangka. Didto han Linaw Siloe gintindog niya an pader nga sapit han tanaman han hadi, tubtob han mga hagdan nga nalugsong tikang han Syudad ni David.

Mga Salmo 146:8

Iya ginpapakita an mga buta, iya ginbabangon adton natutumba. Magtadong katawhan iya hinigugma,

Exodo 4:11

Nagsiring ha iya an Ginoo, “Hin-o an nahatag han tawo han iya baba? Hin-o an naghihimo ha iya nga bungol o ngula? Hin-o an nahatag ha iya hin pakakita o naghihimo ha iya nga buta? Hi ako nga Ginoo.

Isaias 32:3

Bubuksan an ira mga mata ngan mga talinga para han mga kinahanglanon han mga tawo.

Isaias 35:5

Makakakita an mga buta, ngan makakabati an mga bungol.

Isaias 42:7

Bubuksan mo an mga mata han mga buta, ngan pagagawson mo adton aadto ha magsirom nga mga prisohan.

Isaias 43:8

Nagsiring an Dyos, “Ipatawag ngadto ha hukmanan an akon mga tawo. May-ada nira mga mata, kundi mga buta hira! may-ada nira mga durunggan, kundi mga bungol hira!

Isaias 8:6

Nagsiring hiya, “Tungod kay ini nga mga tawo waray uminom han malinaw nga tubig nga naawas tikang han Sapa han Siloa ngan tungod kay nangungurog hira hin kahadlok ha atubangan ni Hadi Rezin ug Hadi Peka,

Mateo 11:5

nakakakita na an mga buta, nakakalakat na an mga lulid, malinis na an mga sanlahon, nakakabati na an mga bungol, nabanhaw na an mga minatay, ngan iginpasangyaw na an Maupay nga Sumat ngadto han mga kablas.

Lucas 13:4

Ano man an hiunong han 18 nga nagkamatay ha Siloe, han kadat-ogi ha ira han lantawan? Naghuhunahuna ba kamo nga nagpapamatuod ini nga mas makasasala hira kay han iba nga mga tawo nga nag-uokoy ha Jerusalem?

Lucas 2:32

Kapawa nga magpapadayag ha mga Hentil han imo paagi ngan magdadara hin kadungganan han imo katawhan nga Israel.”

Juan 10:36

Mahitungod ha akon, ginpili ako han Amay ngan ginsugo nganhi ha kalibutan. Sanglit uunanhon pakasiring niyo nga nagpapasipara ako han Dyos tungod han pagsiring ko nga amo ako an Anak han Dyos?

Juan 11:37

Kundi an iba ha ira nagsiring, “Hiya nga nakapakita han mga mata han buta, diri ba hiya takos makapugong han kamatayon ni Lazaro?”

Juan 9:11

Nagbaton hiya, “Naghimo hin lapok an tawo nga Jesus an ngaran, ngan igindihog niya ha akon mata. Ngan ginpakadto ako niya ha Siloe hin paghiram-os. Sanglit napakadto ako, ngan han pakahiram-os ko la, nakakita ako.”

Juan 9:39

Nagsiring hi Jesus, “Kinmanhi ako hini nga kalibutan hin paghukom, basi makakita an mga buta, ngan mabuta an mga nakita.”

Mga Buhat 26:18

basi kabuksan mo an ira mga mata ngan pabalikon mo hira tikang ha kasisidman ngadto han kapawa, ngan tikang ha gahom ni Satanas ngadto han Dyos, ngan pinaagi han ira pagtoo ha akon pasayloon hira han ira mga sala ngan kumarawat hira han ira dapit dida han mga pinili nga mga tawo han Dyos!’

Mga Taga-Roma 8:3

An waray mahimo han Balaod tungod han kamaluya han aton kinaiya ginbuhat han Dyos. Ginhukman niya ha karat-an an sala ha aton lawasnon nga kinaiya pinaagi hin pagpadara han iya kalugaringon nga Anak; nga kinmanhi nga may kinaiya nga sugad han kinaiya hin salaan nga tawo, basi pagpuohon an sala.

Mga Taga-Galacia 4:4

Kundi han pag-abot na han igo nga panahon, ginpakanhi han Dyos an iya kalugaringon nga Anak. Kinmanhi hiya usa nga anak hin tunan-on nga iroy, ngan nag-ukoy ha ubos han Balaod han mga Judiyo,