Juan 9:4 - Samarenyo Meaning-Based Bible (1984)

⁴ Kinahanglan tumanon ta an mga buruhaton han nagsugo ha akon, samtang nga adlaw pa; maabot an gab-i ngan waray na makakagtrabaho.

Juan 9:4 Iomraidhean Croise

Ecclesiastes 9:10

Panigurohi an bisan ano nga imo pagbubuhaton, kay didto ha kalibutan han mga patay nga imo kakadtoan waray na buhat, waray na hunahuna, waray na hibaro, ngan waray na kinaadman.

Mateo 20:7

Binmaton hira, ‘Kay waray man nagpatrabaho ha amon.’ Ginsiring hira niya, ‘Kon amo ito, kadto liwat kamo pagtrabaho ha akon urubasan.’

Marcos 3:3

Ginsiring ni Jesus an tawo nga patay an kamot, “Pakadi ha atubangan.”

Juan 10:32

Ginsiring hira ni Jesus, “Damo nga mga mag-upay an akon nabuhat ha iyo atubangan nga sugo han akon Amay; hain man hini nga mga buhat in pinasisikaran niyo hin pagbato ha akon?”

Juan 10:37

Sanglit angay diri kamo tumoo ha akon kon diri ako nagbubuhat han mga buhat han akon Amay.

Juan 12:35

Nagbaton hi Jesus, “Halipotay na la nga panahon an pag-upod ha iyo han kapawa. Pagpadayon ha iyo dalan samtang aada pa ha iyo an kapawa, basi diri kamo abotan han kasisidman; kay an naglalakat ha kasisidman diri maaram kon tipakain hiya.

Juan 17:4

Iginpakita ko ha tuna an imo himaya; ginhuman ko na an iginpabuhat mo ha akon.

Juan 4:34

Nagsiring hi Jesus ha ira, “An akon pagkaon amo an pagtuman han kaburot-on han nagsugo ha akon ngan paghuman han iya ipinapagbuhat ha akon.

Juan 5:19

Sanglit ginbaton hira ni Jesus, “Susumatan ko kamo hin tinuod: diri nagbubuhat an Anak hin iya la kalugaringon; nagbubuhat hiya han nakikita niya nga ginbubuhat han iya Amay. Kon ano an ginbubuhat han Amay, amo man liwat an ginbubuhat han Anak.

Juan 5:36

Kundi may-ada ko saksi para ha akon, nga labaw pa kay han pagsaksi ni Juan: an mga buhat nga akon gintutuman, an mga buhat nga ginpapatuman ha akon han Amay, mga saksi ini hira para ha akon, ngan nagpapahayag nga ginsugo ako han Amay.

Juan 7:33

Nagsiring hi Jesus, “Madaliay na la an akon pakig-urosa ha iyo, ngan mabalik na ako ngadto han nagsugo ha akon.

Mga Buhat 4:20

Kay diri kami kapupugngan hin pagyakan han amon hinkit-an ngan hinbatian.”

Mga Taga-Galacia 6:10

Sanglit ha kada panahon nga may higayon kita, magbuhat kita hin maupay ha ngatanan, kundi labi na gud han mga sakop han aton panimalay hin pagtoo.

Mga Taga-Efeso 5:16

Pahimulosi niyo hin maupay an tagsa nga higayon nga iyo maaangkon, kay salaan ini nga mga adlaw.

Mga Taga-Colosas 4:5

Pagtagam kamo han iyo panggawi ngadto hadton diri mga magtinuohon. Pahimulosi niyo hin maupay an ngatanan nga higayon.