Juan 9:2 - Samarenyo Meaning-Based Bible (1984)

² Nagpakiana ha iya an iya mga tinun-an, “Magturutdo, kanay man sala nga natawo hiya nga daan buta? Iya ba kalugaringon o kanan iya mga kag-anak?”

Juan 9:2 Iomraidhean Croise

Exodo 20:5

Ayaw kamo pagyukbo o pagsingba hin bisan ano nga diyosdiyos, kay ako amo an Ginoo nga iyo Dyos ngan maabugho ako nga Dyos. Kinakastigo ko adton mga nagdudumot ha akon ngan an ira mga tulin, tubtob ngadto han ikatulo ngan ikaupat nga katulinan.

Mateo 16:14

Nagbaton hira, “May nasiring nga hiya amo hi Juan nga Parabunyag; nasiring an iba nga hiya amo hi Elias; ngan nasiring na man liwat an iba nga hiya amo hi Jeremias o usa han mga manaragna.”

Mateo 23:7

karuyag nira nga yumukbo ha ira an mga tawo didto ha mga taboan, ngan tawgon hira nga ‘Magturutdo.’

Mateo 23:8

Diri kinahanglan tawgon kamo nga ‘Magturutdo,’ kay magburugto la kamo ngatanan, ngan uusa la an iyo Magturutdo.

Lucas 13:2

Nagbaton hi Jesus ha ira, “Tungod nga pinanmatay ini nga mga taga-Galilea hin sugad nga paagi, naghuhunahuna ba kamo nga nagpapamatuod ini nga mas makasasala hira kay han iba nga mga taga-Galilea?

Juan 4:31

Hito ngahaw nga takna naghinangyo an mga tinun-an kan Jesus, “Magturutdo, kaon na!”

Juan 9:1

Han naglalakat hi Jesus, nakakita hiya hin tawo nga daan buta tikang han iya katawo.

Juan 9:34

Binmaton hira, “Natawo ngan nagtubo ka ha sala—ngan karuyag mo magtutdo ha amon?” Ngan ginpagawas hiya nira ha sinagoga.

Mga Buhat 28:4

Hinkit-an han mga taga puro an halas nga nabitay ha kamot hi Pablo, ngan may hinsiring ha ira, “Waray ruhaduha nga parapamatay ini nga tawo, kundi an palad nagbuot nga diri hiya mabuhi bisan kon natalwas na hiya ha dagat.”