Juan 8:9 - Samarenyo Meaning-Based Bible (1984)

⁹ Han pakabati nira hini, nagpatag-usa hira hin pagbaya, tikang han mga magurang. Nahibilin na la hi Jesus, ngan an babaye nga nakada pa harani ha iya.

Juan 8:9 Iomraidhean Croise

1 Hadi 17:18

Nagsiring kan Elias an balo, “Tawo han Dyos, kay ano nga ginbuhat mo ini ha akon? Kinmanhi ka ba hin pagpahinumdom ha akon han akon mga sala, basi mamatay an akon anak?”

1 Hadi 2:44

Maaram ka hin duro han ngatanan nga mga karat-an nga imo ginbuhat ha akon amay nga hi David. Kakastigohon ka han Ginoo tungod hini.

An Basahan ni Job 20:27

Ginpapadayag han langit an sala hini nga tawo, ngan saksi an tuna kontra ha iya.

An Basahan ni Job 20:5

waray maraot nga tawo nga nagmalipayon hin maiha.

Mga Salmo 40:14

Magupong unta ngan mapirde hin hingpit adton mga nagtitinguha hin pag-iparatay ha akon. Magbalik unta ngan maalohan adton mga nalilipay tungod han akon mga kakurian!

Mga Salmo 50:21

Ginbuhat niyo ini ngatanan ngan waray la ako magyakan, sanglit naghunahuna kamo nga pareho la ako ha iyo. Kundi yana ginsasaway ko kamo ngan nagsusumbong ako ha atubangan niyo.

Mga Salmo 71:13

Mapirde ngan malaglag unta adton mga nagtitimaraot ha akon! Mahiubos ngan maalohan unta adton mga nagtitinguha paghibang ha akon!

Ecclesiastes 7:22

ngan maaram ka ngahaw nga nakadamo ka na magtamay hin iba nga mga tawo.

Lucas 13:17

Tungod hini nga iya baton naawod an mga kaaway ni Jesus, samtang an ngatanan nga mga tawo nalipay tungod han ngatanan nga urosahon nga mga butang nga iya ginbuhat.

Juan 8:10

Hinmangad hi Jesus ngan nagpakiana ha iya, “Hain naman hira, Mana? Waray ba nahibilin hin pagsirot ha imo?”

Juan 8:12

Naghimangraw na liwat hi Jesus ha ira, “Ako an kapawa han kalibutan. Magkakamay-ada kapawa han kinabuhi an bisan hin-o nga magsunod ha akon, ngan diri na gud hiya maglalakat ha kasisidman.”

Juan 8:2

Han pagkabuwas han temprano pa, binmalik hiya ha templo. Ginalirongan hiya han mga tawo, ngan linmingkod hiya ngan nagtikang hin pagtutdo ha ira.

Juan 8:3

Gindara han mga magturutdo han Balaod ngan mga Parisiyo in usa nga babaye nga hindakpan nga nanlibog, ngan ginpatindog hiya ha atubangan nira ngatanan.

Juan 8:8

Ngan tinmamod na liwat hiya ngan nagsurat ha tuna.

Mga Taga-Roma 2:15

An ira ginawian nagpapakita nga an mga iginsusugo han Balaod nahisusurat ha ira mga kasingkasing. An ira mga konsensya nagpapakita liwat nga matuod ini, tungod kay usahay nasabot hira kon nasupak an ira mga panhunahuna o kon nauyon ba ini ha ira.

Mga Taga-Roma 2:22

Nasiring ka nga diri tugot an panlibog, kundi manlilibog ka ngay-an? Nadiri ka hin mga kadiyosan, kundi maninikas ka ngay-an hin mga templo?

1 Juan 3:20

Kon paghukman kita han aton konsensya, maaram kita nga labaw han aton konsensya an Dyos nga maaram han ngatanan.