Juan 8:6 - Samarenyo Meaning-Based Bible (1984)

⁶ Iginsiring nira ini hin pagbitik ha iya, basi mahisumbong nira hi Jesus. Kundi tinmamod hi Jesus ngan nagsurat ha tuna pinaagi han iya tudlo.

Juan 8:6 Iomraidhean Croise

Genesis 49:9

Sugad hin liyon hi Juda, Nga napatay han iya natutukob ngan nabalik ngadto han iya pahuwayan, Ngan didto naunat ngan naluob. Waray gud nagpapasipara hin pagsamok ha iya.

Mga Salmo 39:1

Nagsiring ako, “Maghihirot ako han akon binubuhat nga diri ako makasala pinaagi han akon dila; diri ako magyayakan hin bisan ano samtang hirani an magraot nga mga tawo.”

Mga Darahonon 26:17

An paghiapi hin lantugi nga waray mo labot, sugad la hin pagdakop hin ayam nga nalabay ha kalsada pinaagi hin paggamit ha talinga.

Ecclesiastes 3:7

an panahon hin paggisi ngan an panahon hin pagtangkop, an panahon hin pagmingaw ngan an panahon hin pagyakan.

Jeremias 17:13

O Ginoo, ikaw an paglaom han Israel; kaaalohan an ngatanan nga magsasalikway ha imo. Maaaraw hira sugad hin mga ngaran nga iginsurat dida han tapotapo, kay iginsikway nira ikaw nga Ginoo, nga burabod han buhi nga tubig.

Daniel 5:5

Tigda la nga pinmakita in usa nga kamot hin tawo ngan nagtikang ini hin pagsurat dida han bungbong han palasyo, nga napapawaan hin maupay han mga suga. Ngan hinkit-an han hadi an kamot samtang nagsusurat ini.

Amos 5:10

Kamo nga mga tawo napupungot hin bisan hin-o nga nagsasaway han diri matadong ngan nagyayakan han bug-os nga kamatuoran didto ha hukmanan.

Amos 5:13

Sanglit maupay nala an paghilom ha sugad nga magraot nga mga panahon.

Numero 14:22

waray mabubuhi hini nga mga tawo hin pagsulod ngadto hito nga tuna. Hinkit-an nira an akon himaya ngan an mga milagro nga akon ginbuhat didto ha Ehipto ngan didto ha kamingawan, kundi ginsarihan nira hin makadamo na an akon pagpailob, ngan dinmiri hira hin pagsugot ha akon.

Mateo 10:16

“Pamati kamo! Sinusugo ko kamo sugad hin mga karnero ngadto ha panon hin mga lubo. Sanglit kinahanglan mag-ikmat kamo sugad hin mga halas ngan magmalumo kamo sugad hin sarapati.

Mateo 15:23

Kundi waray magbaton hi Jesus ha iya. Dinmaop an iya mga tinun-an ngan naghangyo kan Jesus, “Paiwasa hiya! Nagsusunodsunod hiya ha aton ngan maaringasa hiya!”

Mateo 16:1

May pira nga mga Parisiyo ngan mga Sadusiyo nga dinmaop kan Jesus. Karuyag nira pagbitik ha iya, sanglit nangaro hira nga magpakita hiya ha ira hin milagro nga tikang ha langit basi hira makasabot nga tikang hiya sa Dyos.

Mateo 19:3

Kinmadto ha iya in mga Parisiyo ngan nagsari hin pagbitik ha iya pinaagi hin pagpakiana, “Natugot ba an aton Balaod nga in lalake makigbulag han iya asawa, hin bisan ano la nga pasangil?”

Mateo 22:18

Kundi nakasabot hi Jesus han ira maraot nga panhunahuna, sanglit nagsiring hiya, “Mga salingkapaw! Kay ano nga nagtatalingoha kamo hin pagbitik ha akon?

Mateo 22:35

Ngan in usa ha ira nga magturutdo han Balaod karuyag magbitik kan Jesus pinaagi hin pakiana.

Mateo 26:63

Kundi hinmilom la hi Jesus. Nagsiring liwat ha iya an Labaw nga Padi, “Ha ngaran han Dyos nga buhi, pinapagsumpa ko ikaw: pagsumati kami kon amo ka ba an Mesiyas, an Anak han Dyos.”

Marcos 10:2

Hinmarani ha iya in mga Parisiyo ngan nagtalingoha hin pagbitik ha iya. Nagpakiana hira, “Itinutugot ba han aton Balaod an pakigbulag han lalake han iya asawa?”

Marcos 12:15

Kundi hinsabtan ni Jesus an ira tuyo hin pagbitik ha iya, ngan binmaton hiya, “Kay ano nga ginbibitik ako niyo? Ikadi in usa nga kwarta nga salapi ngan pakitaa ako.”

Marcos 3:2

May-ada didto mga tawo nga karuyag magbutangbutang hin sayop kan Jesus, sanglit nag-inaw hira kon magtambal ba hiya ha Adlaw nga Iparahuway.

Marcos 8:11

Nagkaabot in mga Parisiyo ngan nagtikang pakiglantugi kan Jesus. Karuyag nira pagbitik ha iya sanglit nangaro hira nga magbuhat hiya hin milagro nga magpapakita nga uyon ha iya an Dyos.

Lucas 10:25

Inmabot in usa nga magturutdo han Balaod ngan nagtalinguha hin pagbitik kan Jesus. Nagpakiana hiya, “Magturutdo, ano an kinahanglan ko buhaton basi maangkon ko an dayon nga kinabuhi?”

Lucas 11:16

Karuyag han iba magbitik ha iya, sanglit nangaro hira ha iya nga magbuhat hiya hin milagro pagpakita nga hiya ginpadara han Dyos.

Juan 8:2

Han pagkabuwas han temprano pa, binmalik hiya ha templo. Ginalirongan hiya han mga tawo, ngan linmingkod hiya ngan nagtikang hin pagtutdo ha ira.

1 Mga Taga-Corinto 10:9

Kinahanglan diri naton pagsarihan an Ginoo sugad han ginbuhat hin pira ha ira—ngan pinanmatay hira hin mga halas.