Juan 8:41 - Samarenyo Meaning-Based Bible (1984)

⁴¹ Ginbubuhat niyo an ginbuhat han amay niyo.” Nagbaton hira, “An Dyos la an amon Amay; kami an tinuod nga iya mga anak.”

Juan 8:41 Iomraidhean Croise

Exodo 4:22

Niyan kinahanglan pagsumatan mo hiya nga nasiring ako nga Ginoo, ‘Akon suhag nga lalake an Israel.

Isaias 63:16

Ikaw an amon amay. Diri makilala ha amon hira Abraham ug Jacob nga amon kaapoy-apoyan, kundi ikaw, O Ginoo, amo an amon amay nga dayuday nagtutubos ha amon.

Isaias 64:8

Kundi ikaw, O Ginoo, amo an amon amay. Sugad kami hin lapok ngan ikaw sugad hin parahimo hin daba. Ginhimo mo kami,

Jeremias 3:19

Nasiring an Ginoo, “Israel, karuyag ko unta hin pagkarawat ha iyo nga akon anak, ngan hin paghatag ha imo hin makaruruyag nga tuna, an gimamaupayi nga tuna ha bug-os nga kalibutan. Karuyag ko unta nga tawgon mo ako nga imo amay, ngan diri mo na gud bayaan.

Jeremias 31:20

“Israel, ikaw an akon minayuyo nga anak nga lalake, an anak nga akon gud ginhigugma. Kada pagluluwas ko han imo ngaran, hinnunumdoman ko ikaw upod an paghigugma. Nangangandoy ha imo an akon kasingkasing; magmamaloloy-on ako ha imo.

Oseas 1:2

Han syahan nga paghimangraw han Ginoo ngadto ha Israel pinaagi kan Oseas, nagsiring hiya kan Oseas, “Pakadto ngan pangasawa; magmamalingo hiya ha imo ngan sugad man an imo mga anak. Ha sugad nga paagi binayaan ako han akon katawhan ngan naglingo hira ha akon.”

Malaquias 1:6

An Ginoo nga Labi Kamakagarahum nasiring han kapadian, “An anak nga lalake nagpapasidungog han iya amay ngan an surugoon nagpapasidungog han iya agaron. Amay ako niyo—kay ano man nga diri ako niyo ginpapasidunggan? Agaron ako niyo—kay ano man nga diri ako niyo tinatahod? Gintatamay ako niyo, kundi napakiana kamo, ‘Gin-unan-o namon hin pagtamay ha imo?’

Malaquias 2:11

Ginsupak han mga tawo han Juda an ira saad sa Dyos ngan ginbuhat nira in makangingirhat nga butang didto ha Jerusalem ngan ha bug-os nga nasod. Ginhugawan nira an Templo nga hinihigugma han Ginoo. Nangasawa an kalalaken-an hin kababayen-an nga nagsisingba hin langyaw nga kadiyosan.

Juan 8:38

Naghihimangraw ako mahitungod han iginpakita ha akon han akon Amay, kundi binubuhat niyo an iginsumat ha iyo han iyo amay.”

Juan 8:44

Mga anak kamo han amay niyo, an Yawa, ngan naruruyag kamo pagsunod han ungara han amay niyo. Parapamatay hiya tikang pa ha tinikangan. Waray hiya dumapig han kamatuoran, kay waray man kamatuoran dida ha iya. Kon nagbubuwa hiya, nagbuhat la hiya sugad han iya kinaiya, kay buwaon man hiya, ngan amo hiya an amay han ngatanan nga buwa.

Deuteronomio 14:1

“Kamo amo an mga tawo han Ginoo nga iyo Dyos. Sanglit kon magmabidoon kamo tungod hin minatay, ayaw niyo pagsamara an iyo lawas o pagkiskisi an agtang han iyo ulo sugad han ginbubuhat han iba nga mga tawo.

Deuteronomio 32:6

Amo ba ini an pagdara niyo han Ginoo, kamo nga lurong ngan waray buot nga mga tawo? Iyo hiya amay ngan iyo hiya Magburuhat, ginhimo kamo niya nga usa nga nasod.

1 Juan 3:12

Kinahanglan diri kita masugad kan Cain; kanan Yawa hiya, ngan ginpatay niya an iya kalugaringon nga bugto hi Abel. Kay ano nga ginpatay hi Abel ni Cain? Kay maraot man an ginbuhat ni Cain, kundi matadong an ginbuhat han iya bugto hi Abel.