Juan 8:3 - Samarenyo Meaning-Based Bible (1984)

³ Gindara han mga magturutdo han Balaod ngan mga Parisiyo in usa nga babaye nga hindakpan nga nanlibog, ngan ginpatindog hiya ha atubangan nira ngatanan.

Juan 8:3 Iomraidhean Croise

Ezequiel 16:38

Pagsisirotan ko ikaw tungod hin panlibog ngan hin panmatay, ngan ha akon kapungot ngan kangalas, pagkakastigohon ko ikaw hin kamatayon.

Ezequiel 23:45

Paghuhukman hira hin magtadong nga mga tawo ha sumbong hin panlibog ngan panmatay, kay nanlibog hira ngan dugoon an ira mga kamot.”

Numero 15:33

Gindara ini nga tawo ngadto kanda Moises, Aaron, ngan han bug-os nga bungto,

Mateo 2:4

Gintirok niya an ngatanan nga mga puno han kapadian ngan mga magturutdo han Balaod, ngan ginpakianhan hira, “Diin ba matatawo an Mesiyas?”

Juan 8:2

Han pagkabuwas han temprano pa, binmalik hiya ha templo. Ginalirongan hiya han mga tawo, ngan linmingkod hiya ngan nagtikang hin pagtutdo ha ira.

Juan 8:4

Nagsiring hira kan Jesus, “Magturutdo, hindakpan ini nga babaye nga nanlibog.

Juan 8:9

Han pakabati nira hini, nagpatag-usa hira hin pagbaya, tikang han mga magurang. Nahibilin na la hi Jesus, ngan an babaye nga nakada pa harani ha iya.

Juan 9:13

Ngan gindara nira ngadto han mga Parisiyo an tawo nga hadto anay buta.

Mga Buhat 4:7

Ginpaatubang ha ira an mga apostoles ngan ginpakianhan nira, “Gin-unan-o niyo hin pagbuhat hini? Ano an iyo gahom, ngan kanay ngaran an iyo ginamit?”

Mga Taga-Roma 7:3

Sanglit kon makigtampo hiya hin lain nga lalake samtang buhi pa an iya bana, pagngangaranan hiya nga paralibog; kundi kon patay na an iya bana, talwas na hiya han balaod, ngan diri na hiya pagngangaranan nga paralibog kon mangasawa hiya hin lain nga lalake.