Juan 8:16 - Samarenyo Meaning-Based Bible (1984)

¹⁶ Kundi kon maghukom man lugaring ako, matuod an akon paghukom, kay diri man ako la an maghuhukom; kaupod ko an Amay nga nagsugo ha akon.

Juan 8:16 Iomraidhean Croise

Mga Salmo 98:9

Kay makanhi hiya, tuna hahadian, iya paghahadian mga katawhan! An bug-os nga tuna hinin kalibutan subay han hustisya ug han kaangayan.

Mga Salmo 99:4

Gamhanan hadi, higugma mo'n matadong, ha Israel hustisya im' ginparig-on; ikaw an nagdara han pagkamatadong, ngan pagtagad han ngatanan nga turopong.

Isaias 9:7

Magpapadayon hin kamainuswagon an iya hadianon nga gahom; dayuday magmamalinaw an iya ginhadian. Maghahadi hiya nga sumurunod ni Hadi David, ngan ipapakita niya an iya gahom dida han pagkamatadong ug katadongan, tikang yana tubtob han kataposan nga panahon. Pagbubuhaton gud ini ngatanan han Ginoo nga Labi Kamakagarahum.

Zacarias 9:9

Pagrayhak, pagrayhak, mga tawo han Sion! Goliat hin kalipay, kamo nga mga tawo han Jerusalem! Tan-awa, naabot an iyo hadi ngada ha iyo! Naabot hiya nga madinaogon ngan daogan, kundi mapinaubsanon ngan nasakay dida hin asno— dida hin usa nga nati hin asno.

Juan 16:32

Maabot an panahon, ngan aanhi na, nga magkakaburublag kamo ngatanan, kada usa, ha iya kalugaringon nga urukyan, ngan babayaan ako nga mag-uusaan. Kundi diri tinuod nga nag-uusaan la ako, kay kaupod ko an Amay.

Juan 8:29

Ngan kaupod ko an nagsugo ha akon; waray ako niya pagpabay-i nga mag-usaan, kay dayuday ko binubuhat an nakakalipay ha iya.”

Mga Buhat 17:31

Kay nagtalaan hiya hin adlaw nga paghuhukman niya hin matadong an kalibutan pinaagi han tawo nga iya ginpili. Ginpamatud-an niya ini ha ngatanan pinaagi han pagbanhawa niya hini nga tawo.”

Ginpadayag 19:11

Niyan hinkit-an ko nga nabuksan an langit, ngan nakadto in busag nga kabayo. Matinumanon nga Matuod an ngaran han nasakay hini; an iya katadongan amo an naghuhukom ngan nakikig-away.

1 Samuel 16:7

Kundi nagsiring ha iya an Ginoo, “Ayaw pagtan-awa an iya kahitaas ngan kagwapo. Nadiri ako ha iya, kay an akon paghunahuna diri sugad hin paghukom hin tawo. Tinatan-aw han tawo an iya pamahongpahong, kundi tinatan-aw ko an kasingkasing.”