Juan 8:11 - Samarenyo Meaning-Based Bible (1984)

¹¹ “Waray, bisan usa,” nagbaton an babaye. Nagsiring hi Jesus, “Diri liwat ako magsisirot ha imo. Hala, kadto na, kundi ayaw na pagpinakasala.”]

Juan 8:11 Iomraidhean Croise

An Basahan ni Job 34:31

Job, iginkompisal mo ba ngadto sa Dyos an imo mga sala, ngan nagsaad hin diri na pagpakasala?

Mga Darahonon 28:13

Diri ka gud magmamainuswagon kon tagoon mo an imo kasal-anan. Igkompisal ngan bayai ini ngan han Dyos ikaw kalolooyan.

Isaias 55:6

Balik kamo ngadto han Ginoo ngan pag-ampo kamo ha iya yana nga hirani hiya.

Lucas 13:3

Diri! Susumatan ko kamo nga kon diri kamo bumaya han iyo mga sala, mapatay kamo ngatanan sugad ha ira.

Lucas 13:5

Diri! Susumatan ko kamo nga kon diri kamo bumaya han iyo mga sala, mapatay kamo ngatanan sugad ha ira.”

Lucas 15:10

Ha amo nga paagi, susumatan ko kamo, nalilipay an mga anghel han Dyos, tungod hin usa nga makasasala nga nabaya na han sala.”

Lucas 15:32

Kundi kinahanglan maglipay ngan magrayhak kita, kay namatay ini nga imo bugto, kundi yana buhi na hiya; nawara, kundi yana hin-agian na hiya.’”

Lucas 15:7

Ha amo nga paagi, susumatan ko kamo, mas dako an kalipay ha langit tungod hin usa nga nagbabasol nga makasasala kay hin nobentay nuybe nga magtadong nga diri nagkikinahanglan hin pagbasol.

Lucas 5:32

Waray ako kumanhi hin pagtawag nga basi magbasol an mga magtadong, kundi hin pagtawag han mga makasasala.”

Lucas 9:56

ngan nagpadayon hira ngadto hin lain nga baryo.

Juan 18:36

Nagsiring hi Jesus, “Diri kanan hini nga kalibutan an akon ginhadian. Kon kanan kalibutan pa an akon ginhadian, nakikig-away unta an akon mga sakop basi diri ako mahulog ha kamot han mga Judiyo. Diri, diri kanan hini nga kalibutan an akon ginhadian!”

Juan 3:17

Kay waray magsugo an Dyos han iya Anak nganhi hin paghukom han kalibutan, kundi hin pagtalawas han kalibutan.

Juan 5:14

Katapos hini, iginkatapo hiya ni Jesus didto han Templo ngan ginsiring hiya, “Kitaa maupay ka na; bayai na an imo sala, kay bangin lugod labaw pa kamaraot an mahinabo ha imo.”

Juan 8:15

Naghuhukom kamo hin tinawo gudla nga paagi; diri ako naghuhukom bisan kan kanay.

Mga Taga-Roma 2:4

O gintatamay mo ba an dako nga kalooy han Dyos ngan an iya pagpaumaya ngan pagpailob? Diri ka ba maaram nga maloloy-on an Dyos kay tinguha niya nga magbasol ka?

1 Mga Taga-Corinto 5:12

Kay ngani diri ito akon katungod hin paghukom han mga tawo ha gawas. An Dyos an maghuhukom ha ira. Kundi diri ba kamo angay maghukom han mga kaapi han iyo kalugaringon nga katig-oban? Sumala han siring han Kasuratan, “Paiwasa tikang han iyo hugpo an maraot nga tawo.”

Deuteronomio 16:18

“Pagtudlok kamo hin mga maghurukom ngan iba nga mga opisyal didto han kada bungto nga ihahatag ha iyo han Ginoo nga iyo Dyos. Kinahanglan maghukom hira han mga tawo hin waray pinaurog.

Deuteronomio 17:9

ngan itubyan an iyo kalipongan ngadto han kapadian nga Levita ngan ngadto han labaw nga maghurukom nga natorno hito nga takna, ngan hira an papaghukma han kalipongan.

2 Pedro 3:15

Isipa niyo nga an kamapinailobon han Ginoo usa ini nga higayon nga hinahatag ha iyo basi matalwas kamo, sumala han iginsurat ha iyo ni Pablo nga aton hinigugma nga bugto ngan ginamit niya an kinaadman nga iginhatag ha iya han Dyos.