Juan 7:7 - Samarenyo Meaning-Based Bible (1984)

⁷ Diri makakagdumot an kalibutan ha iyo, kundi nagdudumot ito ha akon, kay waray hunong an akon pagpamatuod nga maraot an iya mga paagi.

Juan 7:7 Iomraidhean Croise

1 Hadi 21:20

Han paghikit-i la ni Acab kan Elias, nagsiring hiya, “Hin-abtan mo ba ako, akon kaaway?” “Oo, hin-abtan ko ikaw,” binmaton hi Elias. “Nagpatakas ka hin pagbuhat han sayop ha atubangan han Ginoo.

1 Hadi 22:8

Binmaton hi Acab, “May-ada pa usa, hi Miqueas nga anak ni Imla. Kundi napupungot ako ha iya, kay diri gud hiya nananagna hin maupay para ha akon; pirme la maraot.” “Ayaw pagyakan hin sugad hito,” binmaton hi Josafat.

Mga Salmo 109:5

Han maupay asay la ginbalos an maraot, han akon paghigugma, asay la an pagdumot.

Mga Darahonon 15:12

Diri napasagdon an mga parayawnon diri gud hira naaro hin sagdon hadton mga mas makinaadmananon.

Mga Darahonon 8:36

Nagdadaot han iya kalugaringon an tawo nga diri makakaagi ha akon; nahigugma han kamatayon an bisan hin-o nga nagdudumot ha akon.”

Isaias 29:21

Pagpupuohon han Dyos adton mga nagraogdaog han iba nga mga tawo, adton mga nagpupugong nga diri pagkastigohon an mga magtinalapasnon, ngan adton mga nagbibinuwa, basi an tangkod nga mga tawo diri katagan han katadungan.

Isaias 49:7

Nagsiring an baraan nga Dyos ngan manunubos han Israel ngadto han tinamay kaupay, nga gindudumtan han mga nasod, ngan surugoon hin mga punoan: “Hikikit-an han mga hadi nga binuhian ka na ngan matindog hira hin pagtahod ha imo; hikikit-an liwat ini han mga prinsipe, ngan mayukbo hira hin pagpasidungog ha imo.” Mahinanabo ini kay ginpili han Ginoo an iya surugoon; gintuman han baraan nga Dyos an iya mga saad han Israel.

Jeremias 20:8

Ha kada pagyayakan ko, kinahanglan gumoliat ako hin pagsiring, “Panlupig! Kabungkagan!” Ginoo, dayuday ginpapakaalohan ako ngan ginyuyubit, kay ginsasangyaw ko an imo mensahe.

Levitico 13:10

nga mag-uusisa ha iya. Kon may mabusag nga katol ha iya panit nga nakakapabusag han mga buhok dida han katol ngan puno ini hin nana,

Zacarias 11:8

Waray ako makailob han tulo nga magmarangno nga nagdumot ha akon, ngan ginpatay ko hira ngatanan sulod hin usa ka bulan.

Malaquias 3:5

Nasiring an Ginoo nga Labi Kamakagarahum, “Mapakita ako dida ha iyo hin paghukom, ngan magpapamatuod ako dayon kontra hadton mga nagbubuhat hin diwata, kontra han mga parapanlibog, kontra hadton nagsasaksi hin buwa, hadton mga naglilimbong han suhol han ira mga magtratrabaho, ngan hadton mga nasingabot han mga balo nga kababayen-an, mga ilo, ngan mga lumalangyaw—kontra han ngatanan nga diri nagtatahod ha akon.

Lucas 6:26

“Pagkamakaharadlok kon pagdinayawon kamo han ngatanan nga mga tawo, kay ginsiring han ira mga kaapoy-apoyan ini ngahaw nga mga butang mahitungod han buwaon nga mga manaragna.

Juan 17:14

Iginhatag ko ha ira an imo mensahe ngan nagdumot ha ira an kalibutan, kay diri man hira kanan kalibutan, sugad gud nga diri man ako kanan kalibutan.

Juan 3:19

Amo ini an paagi han paghukom: inmabot an kapawa ha kalibutan, kundi ginpalabi han mga tawo an kasisidman kay han kapawa, kay nagbubuhat man hira hin maraot.

Mga Taga-Roma 8:7

Sanglit nagigin kaaway han Dyos an tawo nga lawasnon la an iya panhunahuna; kay diri hiya nasugot han Balaod han Dyos, ngan ha pagkatinuod, diri gud hiya makakahimo hin pagsugot.

Mga Taga-Galacia 4:16

Nahimo ba nga kaaway ako niyo yana tungod kay nagsumat ako ha iyo han kamatuoran?

Santiago 4:4

Mga tawo nga waray pagtoo! Diri ba kamo maaram nga an pakigsangkay han kalibutan amo an pakig-away han Dyos? Magigin kaaway han Dyos an karuyag magin sangkay han kalibutan.

1 Juan 4:5

Ini nga mga diri matuod nga manaragna naghihimangraw mahitungod han mga butang han kalibutan, ngan namamati ha ira an kalibutan, kay kanan kalibutan man hira.