Juan 7:3 - Samarenyo Meaning-Based Bible (1984)

³ sanglit nagsiring kan Jesus an iya kabugtoan, “Bayai ini nga dapit ngan pakadto ha Judea, basi hikit-an han imo mga tinun-an an imo mga ginbubuhat.

Juan 7:3 Iomraidhean Croise

Genesis 37:20

Tana, pataya ta hiya ngan iglabog ta an iya lawas ngadto hin usa nga atabay nga mamara. Masiring kita nga ginpatay hiya hin ihalas nga mananap. Niyan kikitaon ta kon ano gud an dadangatan han iya mga inop.”

Jeremias 12:6

Ginlingo ka ngani han imo kabugtoan nga kalalaken-an nga mga sakop han kalugaringon mo nga panimalay; naapi hira han mga pagpakaraot ha imo. Ayaw pagtapod ha ira, bisan kon maghihimangraw hira hin pakigsangkay ha imo.”

Mateo 12:46

Nagyiyinakan pa hi Jesus ha mga tawo han pag-abot han iroy ngan kabugtoan niya. Naghulat ini hira ha gawas ngan karuyag makighimangraw ha iya.

Marcos 3:21

Pakabati han iya kauropdan mahitungod hini, kinmadto hira hin pagkuha ha iya, kay nasumatan hira nga nawad-an na hiya hin maupay nga panmurubuot.

Marcos 3:31

Inmabot an iroy ni Jesus ngan an iya kabugtoan. Waray hira sumakob han balay, kundi nagpatugon la hira nga may-ada tuyo nira ha iya.

Lucas 8:19

Kinmadto kan Jesus an iroy ngan kabugtoan niya, kundi waray makahirani ha iya tungod han damo nga mga tawo.

Lucas 8:20

May nagsiring kan Jesus, “Aadto ha gawas an iroy ngan kabugtoan mo, ngan karuyag makigkita ha imo.”

Juan 2:2

Gindapit liwat ngadto hini nga pagkasal hi Jesus, pati an iya mga tinun-an.

Juan 6:60

Nakabati hini in damo han iya mga tinun-an ngan nagsiring, “Makuri hin duro matugkad ini nga pagturon-an. Hin-o in makakasantop hini?”

Juan 6:66

Tungod hini, binmulag in damo han iya mga tinun-an ngan waray na bumunyog ha iya.

Juan 7:10

Pinmaorhe hi Jesus han iya kabugtoan hin pagkadto ha pyesta; waray hiya magpadayag, kundi hilit la an iya pagkadto.

Juan 7:4

Kon karuyag hin tawo nga kilal-on hiya hin maupay, ipapadayag niya an iya ginbubuhat. Tungod nga nagbubuhat ka man hini nga mga butang, pagpakilala ha bug-os nga kalibutan!” (

Juan 7:5

Waray pagtoo ha iya bisan ngani an iya kabugtoan.)

Mga Buhat 2:14

Niyan tinmindog hi Pedro upod an onse nga mga apostoles ngan nagyakan ha ira ha dako nga tingog, “Mga igkasi ko Judiyo, ngan kamo ngatanan nga nag-uokoy ha Jerusalem, pamatii ako niyo ngan tugoti ako hin pagsumat ha iyo kon ano an karuyag sidngon hini.

1 Samuel 17:28

Hinbatian ni Eliab, an gimamagurangi nga bugto ni David, nga nakikighimangraw hi David han mga tawo. Nasina hiya kan David ngan nagsiring, “Nag-aano ka dinhe? Hin-o man an nagmamangno han imo mga karnero didto ha kamingawan? Listo ka gud! Kinmanhi ka la hin pagkita han araway!”