Juan 7:18 - Samarenyo Meaning-Based Bible (1984)

¹⁸ An tawo nga naghihimangraw ha iya kalugaringon nga pagburot-an asay la gintitinguha an iya kadungganan. Kundi an nagtitinguha hin pagpasidungog han nagsugo ha iya, tangkod nga tawo, ngan waray gud ikakasiring nga buwa ha iya.

Juan 7:18 Iomraidhean Croise

Juan 5:41

“Diri ako nag-uungara nga dayawon ako hin mga tawo.

1 Mga Taga-Tesalonica 2:6

Waray kami pagtinguha nga pagdayawon kami han mga tawo, ma tikang ha iyo o ma tikang han iba,

Juan 12:28

Amay ko, paghimayaa an imo ngaran!” Ngan nagyakan in tingog tikang ha langit, “Ginhimaya ko na ini, ngan paghihimayaon ko na liwat.”

1 Pedro 4:11

An magwarali kinahanglan magwali han mga pulong han Dyos; an nag-aalagad kinahanglan mag-alagad ha kusog nga iginhahatag ha iya han Dyos, basi pagdayawon an Dyos ha ngatanan nga mga butang pinaagi kan Jesu-Cristo, kay iya an kadungganan ngan kagamhanan ha kadayonan! Amen.

Mateo 6:9

Sanglit sugara hini an iyo pag-ampo: ‘Amay namon ha langit: Pagdayawon an imo baraan nga ngaran,

Mga Darahonon 25:27

Diri maupay para ha imo an labis na nga pagkaon hin dugos, sugad man an pagtinguha hin sobra na nga pagdayaw ha imo.

Numero 11:29

Binmaton hi Moises, “Nababaraka ka ba tungod han akon kaupayan? Ihatag unta han Ginoo an iya espiritu ngadto han ngatanan niya nga mga tawo, ngan paguliaton hira ngatanan sugad hin mga manaragna!”

Juan 11:4

Han pakabati ni Jesus hini, nagsiring hiya, “Diri ikamamatay ni Lazaro ini nga sakit. Nahinabo ini basi pasidunggan an Dyos, ngan pinaagi hito, pasidunggan man liwat an Anak han Dyos.”

Juan 8:54

Nagbaton hi Jesus, “Kon pasidunggan ko an akon kalugaringon, waray hinungdan an akon dungog. Nagpapasidungog ha akon an akon Amay—an ginsisiring niyo nga iyo Dyos.

Juan 12:43

Ginpalabi nira an pagdayaw ha ira han mga tawo kay han pagdayaw ha ira han Dyos.

1 Juan 2:29

Maaram kamo nga matadong hi Cristo, sanglit angay liwat hibaroan niyo nga an bisan hin-o nga nagbubuhat hin matadong anak han Diyos.