Juan 7:13 - Samarenyo Meaning-Based Bible (1984)

¹³ Kundi tungod han ira kahadlok han mga punoan nga Judiyo, waray tawo nga ginmahom hin paghimangraw mahitungod ha iya.

Juan 7:13 Iomraidhean Croise

Mga Darahonon 29:25

May kataragman an pagkabaraka han ginhuhunahuna ha imo han iba, kundi waray ka na kataragman kon sumarig ka han Ginoo.

Juan 19:38

Katapos hini, ginhangyo hi Pilato ni Jose nga taga-Arimatea, nga tugotan hiya pagkuha han lawas ni Jesus. (Tinun-an ni Jesus ini hi Jose, kundi hilom la, kay nahadlok hiya han mga punoan nga Judiyo.) Gintugotan hiya ni Pilato, sanglit kinmadto hi Jose ngan gintanggal niya an lawas ni Jesus.

Juan 20:19

Han pagkagab-i na hadto ngahaw nga Domingo, nagtirok an mga tinun-an ha sulod hin balay nga trinangkahan an mga porta, kay nahadlok hira han mga punoan nga Judiyo. Ngan inmabot hi Jesus ngan tinmukdaw ha butnga nira ngan nagsiring, “An kalinaw maada ha iyo.”

Juan 3:2

Usa ka gab-i, kinmadto hiya kan Jesus ngan nagsiring hiya, “Rabi, maaram kami nga magturutdo ka nga ginpadara han Dyos, kay waray makakahimo han mga orosahon nga imo ginbubuhat, gawas kon an Dyos aada ha iya.”

Juan 7:1

Katapos hini, nagsudoy hi Jesus ha Galilea. Waray hiya maruyag pagsudoy ha Judea, kay gin-iiparatay hiya didto han mga punoan nga Judiyo.

Juan 7:11

Nagpinamiling ha iya an mga Judiyo didto han pyesta ngan nagpinakiana hira kon hain hiya.

Juan 7:15

Nanhipausa an mga Judiyo ngan nagsiring, “Gin-unan-o hini nga tawo pakaangkon hin dako nga kinaadman, nga waray man ngani hiya makasulod hin eskwilahan?”

Juan 9:22

Ginyakan ini han mga kag-anak kay nahadlok hira han mga punoan nga Judiyo nga nagkasarabot na nga daan hin pagpagawas ha sinagoga hin bisan hin-o nga magtug-an nga hi Jesus amo an Mesiyas.

Juan 9:34

Binmaton hira, “Natawo ngan nagtubo ka ha sala—ngan karuyag mo magtutdo ha amon?” Ngan ginpagawas hiya nira ha sinagoga.

Ginpadayag 2:13

Maaram ako kon diin ka pag-uokoy; aadto ka han dapit nga hinmumutangan han trono ni Satanas. Inmunong ka ha akon ngan waray mo bayai an imo pagtoo ha akon, bisan ha panahon han pagpataya kan Antipas, an akon matapod nga saksi, didto han inuokyan ni Satanas.