Juan 7:10 - Samarenyo Meaning-Based Bible (1984)

¹⁰ Pinmaorhe hi Jesus han iya kabugtoan hin pagkadto ha pyesta; waray hiya magpadayag, kundi hilit la an iya pagkadto.

Juan 7:10 Iomraidhean Croise

Mga Salmo 26:8

Hinihigugma ko, O Ginoo, an balay nga imo inuokyan, diin nagpupuyo an imo kaanyag.

Mga Salmo 40:8

Hin kamaruruyagon ko pagbuhat han imo kaburut-on, O Dyos ko! Tinitipigan ko ha akon kasingkasing an imo pagturon-an.”

Amos 5:13

Sanglit maupay nala an paghilom ha sugad nga magraot nga mga panahon.

Mateo 10:16

“Pamati kamo! Sinusugo ko kamo sugad hin mga karnero ngadto ha panon hin mga lubo. Sanglit kinahanglan mag-ikmat kamo sugad hin mga halas ngan magmalumo kamo sugad hin sarapati.

Mateo 12:46

Nagyiyinakan pa hi Jesus ha mga tawo han pag-abot han iroy ngan kabugtoan niya. Naghulat ini hira ha gawas ngan karuyag makighimangraw ha iya.

Mateo 3:15

Kundi binmaton hi Jesus ha iya, “Pabay-i la anay ini yana. Kay dida hini nga paagi mahihimo naton an ngatanan nga ginkikinahanglan han Dyos.” Ngan tinmangdo hi Juan.

Marcos 3:21

Pakabati han iya kauropdan mahitungod hini, kinmadto hira hin pagkuha ha iya, kay nasumatan hira nga nawad-an na hiya hin maupay nga panmurubuot.

Juan 11:54

Sanglit waray na hiya magsudoy hin dayag ha Judea, kundi binmaya hiya ngan napakadto hin dapit nga hirani han kamingawan, ngadto hin bungto nga ginngangaranan nga Efraim. Nagpabilin hiya didto upod an iya mga tinun-an.

Juan 7:3

sanglit nagsiring kan Jesus an iya kabugtoan, “Bayai ini nga dapit ngan pakadto ha Judea, basi hikit-an han imo mga tinun-an an imo mga ginbubuhat.

Juan 7:5

Waray pagtoo ha iya bisan ngani an iya kabugtoan.)

Juan 7:9

Iginyakan ini niya ha ira, ngan nagpabilin hiya ha Galilea.

Mga Taga-Galacia 4:4

Kundi han pag-abot na han igo nga panahon, ginpakanhi han Dyos an iya kalugaringon nga Anak. Kinmanhi hiya usa nga anak hin tunan-on nga iroy, ngan nag-ukoy ha ubos han Balaod han mga Judiyo,