Juan 6:9 - Samarenyo Meaning-Based Bible (1984)

⁹ “May-ada dinhe lalakehay nga may lima ka bug-os nga sebada nga tinapay ngan hin duha nga isda. Kundi ano man la ini para hin sugad kadamo nga mga tawo?”

Juan 6:9 Iomraidhean Croise

1 Hadi 4:28

Naghatag liwat an kada gobernador han iya bahin han sebada ug sakati, kon diin ini pagkinahanglana, para han mga kabayo han karuwahe ngan han mga hayop ha uma.

2 Hadi 7:1

Binmaton hi Eliseo, “Pamatii an siring han Ginoo! Hini nga takna buwas, makakapalit ka na ha merkado han Samaria hin mga duha ka gantang nga trigo o mga upat ka gantang nga sebada hin usa la ka bug-os nga salapi!”

Mga Salmo 147:14

Gintatalwas n'ya an im' mga pag-ultan, tikang han tanan nga mga kataragman. Ngan iya ka gud ginpapatagusyahan hadton giuupayi nga katrigohan.

Mga Salmo 78:19

Siring nira, “Makakahimo an Dyos nga Ginoo, ha kamingawan pag-andam hin sasaro?

Mga Salmo 78:41

Agsob nira an Dyos pagsarihan, an baraan ha Israel pagpakurian.

Mga Salmo 81:16

Pakakaonon ko ikaw han gimamaupayi nga trigo ngan patutunghon ko ikaw hin ihalas nga dugos.”

Ezequiel 27:17

Ginbaydan han Juda ug Israel an imo mga baligya hin trigo, dugos, lana hin olibo, ngan mga panakot.

Mateo 14:17

Nagbaton hira, “Lilima la ka bug-os an aton tinapay ngan duduha an isda.”

Mateo 16:9

Diri la gihapon kamo nasabot? Diri ba kamo nahinunumdom han pagpinitpinit ko han lima ka bug-os nga tinapay para han lima ka yukot nga mga tawo? Pira ka alat an napuno niyo han nanhisalin?

Marcos 6:38

Pinmakiana hi Jesus ha ira, “Pipira la an iyo tinapay? Panginanoa daw niyo.” Han kasayod na nira, ginsumatan hiya, “Lima la ka bug-os ngan duha nga isda.”

Marcos 8:19

an pagpinitpinit ko han lima nga mga tinapay para han lima ka yukot ngan mga tawo? Pira ka alat an natirok niyo han nanhisalin pa nga mga tinapay?” “Dose,” nagbaton hira.

Lucas 9:13

Kundi ginsiring hira ni Jesus, “Kamo ngahaw an hatag ha ira hin sadang nga pagkaon.” Binmaton hira, “Lilima la an aton tinapay ngan duduha an isda. Karuyag ba nimo nga makadto ngan mapalit kami hin pagkaon para hini ngatanan nga mga tawo?”

Juan 11:21

Nagsiring hi Marta kan Jesus, “Ginoo, diri unta napatay an akon bugto kon nakanhi ka pa!

Juan 11:32

Inmabot hi Maria ha dapit diin nakadto hi Jesus. Pakakita niya kan Jesus, hinmapa hiya ha atubangan niya ngan nagsiring, “Ginoo, diri unta napatay an akon bugto kon nakanhi ka pa!”

Juan 21:10

Ngan nagsiring ha ira hi Jesus, “Pagdara ngadi hin mga isda nga iyo pa la nadakop.”

Juan 21:13

Sanglit dinmaop hi Jesus, ginkuha an tinapay, ngan iginhatag ha ira, ngan sugad man an mga isda.

Juan 21:9

Paghaw-as na nira, hinkit-an nira in mga baga nga may ginsusugba nga isda ngan mga tinapay.

Juan 6:11

Ginkuha ni Jesus an tinapay, nagpasalamat sa Dyos, ngan igindurot ini ngadto han mga tawo nga nagkakalingkod didto. Amo man an ginbuhat niya han duha nga isda, ngan natagan an ngatanan tubtob han ira karuyag.

Juan 6:7

Binmaton hi Felipe, “Bisan talagudti la an ipanhatag ha kada usa, magkikinahanglan gud ini ngatanan hin kapin hin kanan P400.00 nga tinapay.”

2 Mga Taga-Corinto 8:9

Kay sayod man kamo han grasya han aton Ginoo Jesu-Cristo; nga bisan kon bahandianon hiya, nagpakakablas han iya kalugaringon tungod ha iyo, basi mariko kamo pinaagi han iya ka kablas.

Deuteronomio 32:14

Hinmatag hin damo nga gatas an ira kabakahan ug kakandingan; nagkamay-ada hira han gimamag-upayi nga kakarnerohan, kakandingan, ngan kabakahan, han gimamaupayi nga trigo ngan han pinili nga bino.

Deuteronomio 8:8

usa nga tuna nga hura hin trigo ug sebada, mga ubas, mga igos, mga granada, mga olibo, ug dugos.

Ginpadayag 6:6

Hinbatian ko in tingog tikang han upat nga buhi nga mga binuhat nga nagsiring, “Usa ka litro nga trigo ngan tulo ka litro nga sebada an mapapalit han usa ka adlaw nga suhol han nagtrabaho. Kundi ayaw pagpasipad-i hin pagkarag han lana hin mga olibo ug han bino han mga ubas!”