Juan 6:7 - Samarenyo Meaning-Based Bible (1984)

⁷ Binmaton hi Felipe, “Bisan talagudti la an ipanhatag ha kada usa, magkikinahanglan gud ini ngatanan hin kapin hin kanan P400.00 nga tinapay.”

Juan 6:7 Iomraidhean Croise

2 Hadi 4:43

kundi binmaton hiya, “Makakasadang ba ini hin usa ka gatos nga mga tawo?” Binmaton hi Eliseo, “Ipakaon ito ha ira, kay nagsiring an Ginoo nga mangangaon hira ngan may-ada pa masasalin.”

Mateo 18:28

“Ginmawas an tawo ngan iginkita hin iya igkasi surugoon nga nakautang hin pira la ka pesos ha iya. Ginrabot hiya, ginkaptan ha liog, ngan ginsiring, ‘Baydi ako han imo nautang!’

Marcos 6:37

Binmaton hi Jesus, “Kamo ngahaw in hatag ha ira hin pagkaon.” Nagpakiana hira, “Karuyag ba nimo nga lumakat kami pagpalit hin kanan 400.00 nga tinapay ngan ipakaon ha ira?”

Juan 1:43

Pagkabuwas naghunahuna hi Jesus hin pagkadto ha Galilea. Hin-agian niya hi Felipe ngan ginsiring niya, “Upod ha akon!” (

Juan 1:44

Taga-Betsaida ini hi Felipe, ngan amo liwat an bungto nira Andres ug Pedro.)

Juan 1:45

Hin-agian ni Felipe hi Natanael ngan ginsumatan hiya, “Amon hin-agian an tawo nga iginsurat ni Moises ha basahan han Balaod, ngan iginsurat liwat han mga manaragna. Amo hiya hi Jesus, an anak ni Jose nga taga-Nazaret.”

Juan 1:46

Nagpakiana hi Natanael, “May-ada ba maupay nga matikang ha Nazaret?” “Tana, ngan kitaa,” nagbaton hi Felipe.

Juan 1:48

Nagpakiana hi Natanael ha iya, “Ano hin pakakilala mo ha akon?” Binmaton hi Jesus, “Hinkit-an ko ikaw han nakadto ka ha sirong han kahoy nga igos, han waray ka pa tatawga ni Felipe.”

Juan 12:5

“Kay ano nga waray lugod ibaligya ini nga pahamot hin sais syintos pesos ngan ihatag an kwarta ha mga kablas?”