Juan 6:6 - Samarenyo Meaning-Based Bible (1984)

⁶ Ginsiring ini niya hin pagsari kan Felipe; ha tinuod, maaram hiya nga daan kon ano an iya bubuhaton.)

Juan 6:6 Iomraidhean Croise

Genesis 22:1

Waray pag-iha ginsarihan han Dyos hi Abraham. Gintawag hiya han Dyos, “Abraham!” Binmaton hi Abraham, “Oo, aadi ako namamati.”

2 Cronicas 32:31

ngan bisan han pag-abot han mga sinugo nga mga taga-Babilonia hin pagpakiana han talagsaon nga nahinabo ha tuna, ginpabay-an la han Dyos hi Ezequias han iya kalugaringon nga paagi, basi la kasarihan hiya ngan hisabotan kon ano gud an nakada ha iya kasingkasing.

2 Mga Taga-Corinto 13:5

Usisaha ngan paghukmi niyo an iyo kalugaringon kon an iyo kinabuhi aada ba ha pagtoo. Diri ba kamo maaram nga aada ha iyo hi Cristo Jesus? Gawas la kon napakyas na gud kamo.

Deuteronomio 13:3

ayaw kamo pamati ha iya. Ginagamit hiya han Ginoo nga iyo Dyos hin pagsari ha iyo, kon nahigugma ba kamo han Ginoo ha bug-os niyo nga kasingkasing.

Deuteronomio 33:8

Nagsiring hiya mahitungod han tribo ni Levi: “Ipinapasabot mo, O Ginoo, an imo kaburot-on pinaagi han Urim ug Tumim nga ginbabantayan han mga Levita nga matinumanon mo nga mga surugoon; Ginsarihan mo hira didto ha Masa, Ngan hinsabotan mo nga matinumanon hira didto han katubigan han Meriba.

Deuteronomio 8:16

Didto ha kamingawan gintagan kamo niya hin mana nga pagkaon nga waray pa gud katilawi han iyo kaapoy-apoyan. Ginpadad-an kamo hin mga kakurian hin pagsari ha iyo, basi ha kataposan makagbendisyon hiya ha iyo hin mag-upay nga mga butang.

Deuteronomio 8:2

Hinumdomi an pagpangulo ha iyo han Ginoo nga iyo Dyos dida hini nga maiha nga pagtalabok niyo han kamingawan hini nga naglabay nga 40 ka tuig, nga nagpadara hiya hin mga kakurian hin pagsari ha iyo, basi hibaroan niya an karuyag niyo pagbuhaton, ngan kon magsusugot ba kamo han iya mga sugo.

Ginpadayag 2:2

Maaram ako han imo ginbuhat; maaram ako han pagkamakuri han imo pagkabudlay, ngan han imo kamailobon. Maaram ako nga nadiri ka han mga magraot nga tawo, ngan imo ginsarihan adton mga napaka apostol, ngan imo hinsabutan nga mga buwaon ngay-an hira.