Juan 5:7 - Samarenyo Meaning-Based Bible (1984)

⁷ Binmaton an masakit, “Waray man nagdadara ha akon ngadto ha linaw kon inuokay na an tubig. Samtang tilugsong pa la ako, hin-uunhan na ako han iba.”

Juan 5:7 Iomraidhean Croise

Mga Salmo 142:4

Ha akon pagsiplat nakikita ko nga waray usa nga ha akon naninimangno; waray naugop ug nalolooy nga tawo.

Mga Salmo 72:12

Mga kablas nga nagtatawag ha iya, iya manta nga binubuligan hira; sugad man an mga tawo nga kabos na, ngan adton mga ginpasibay-an nala.

Juan 5:2

Didto ha Jerusalem, hirani han Portahan han mga karnero, may usa nga linaw nga parigoan, nga may lima nga mga balkon. Betsata an ngaran hini ha Hebreohanon.

Juan 5:3

Nakada hini nga mga balkon in damo nga mga magsakit—mga buta, mga piay, ngan mga lulid. [Naghuhulat hira nga bumantad an tubig,

Juan 5:4

kay may panahon nga nalugsong ha linaw in usa nga anghel han Ginoo ngan inuukay niya an tubig. An una nga makalugsong nga masakit, katapos maukay an tubig, nauupay han bisan ano nga iya sakit.]

Juan 5:6

Hinkit-an hiya nga nahigda didto, ngan maaram hi Jesus nga maiha na hin duro an kasakit han tawo; sanglit ginsiring hiya, “Karuyag mo ba mag-upay?”

Mga Taga-Roma 5:6

Kay han waray pa naton sadang mahimo, nagpakamatay hi Cristo para han mga magpakasasala, ha amo nga panahon nga gintalaan han Dyos.

1 Mga Taga-Corinto 9:24

Sayod man kamo nga dida hin paisan-isan, nadalagan an ngatanan nga naapi, kundi usa la ha ira in nakarawat han primyo. Sanglit paniguro kamo hin pagdalagan basi madaog niyo an primyo.

Deuteronomio 32:36

Tatalwason han Ginoo an iya mga tawo, kon hikikit-an niya nga maluya na hira. Malolooy hiya hadton mga nag-aalagad ha iya, kon hikit-an niya an ira pagkamakalolooy.