Juan 5:4 - Samarenyo Meaning-Based Bible (1984)

⁴ kay may panahon nga nalugsong ha linaw in usa nga anghel han Ginoo ngan inuukay niya an tubig. An una nga makalugsong nga masakit, katapos maukay an tubig, nauupay han bisan ano nga iya sakit.]

Juan 5:4 Iomraidhean Croise

2 Hadi 5:10

Nagsugo hin surugoon hi Eliseo nga sumatan hi Naaman nga kumadto ngan lumurop hiya ha Salog Jordan makapito, ngan mauupay an iya sakit.

Mga Salmo 119:60

Ngan diri manta nakon paglalanganon, an imo mga sugo akon pagsusugton.

Mga Darahonon 6:4

Ayaw gud itugot nga mahingaturog ka o nga pumahuway ka.

Mga Darahonon 8:17

Hinihigugma ko adton mga nahigugma ha akon; makakaagi ha akon an bisan hin-o nga namimiling ha akon.

Ecclesiastes 9:10

Panigurohi an bisan ano nga imo pagbubuhaton, kay didto ha kalibutan han mga patay nga imo kakadtoan waray na buhat, waray na hunahuna, waray na hibaro, ngan waray na kinaadman.

Ezequiel 47:8

Nagsiring hiya ha akon, “Nag-aawas ini nga tubig dida han tuna ngadto ha sinirangan, ngan nalugsong ngadto han Kahamub-an han Jordan, ngan ngadto han Dagat nga Patay. Kon naawas ini ngadto han Dagat nga Patay, liniliwanan hini hin matab-ang nga tubig an mapag-ad nga tubig hito nga dagat.

Oseas 13:13

May higayon nga mabuhi an Israel, kundi lurong hin duro hira hin pagpahimulos hini—sugad hin bata nga tikatarawo nga nadiri paggawas ha tiyan!

Zacarias 13:1

“Kon umabot na ito nga panahon,” nasiring an Ginoo nga Labi Kamakagarahum, “matubod in burabod nga maglilinis han mga tulin ni David ngan han mga tawo han Jerusalem han ira sala ngan pagsingba hin mga diyosdiyos.

Zacarias 14:8

Kon umabot na ito nga panahon, mag-aawas tikang ha Jerusalem in masulog nga tubig, an katunga hini ngadto han Patay nga Dagat ngan an katunga ngadto han Mediteraneo. Mag-aawas ini ha bug-os nga tuig, ha panahon han kathuraw sugad man han kat-uran.

Mateo 11:12

Tikang han pagwali ni Juan ngada yana, nahiagom na an Ginhadian han langit hin makusog nga mga pagsulong, ngan an mag-isog nga mga tawo naniniguro nga maagaw ini nira.

Mateo 6:33

Sanglit unaha gud niyo pamiling han iya Ginhadian ngan han iya kaburut-on, ngan ihahatag niya ha iyo an iba ngatanan nga mga butang.

Lucas 13:24

“Tilingohaa niyo hin pagsulod han haligot nga porta, kay susumatan ko kamo nga damo in karuyag sumulod, kundi diri makakahimo.

Lucas 16:16

“Tubtob la han panahon ni Juan nga Parabunyag an Balaod ni Moises ngan an mga sinurat han mga manaragna. Tikang hadto iginwawali na an Maupay nga Sumat hiunong han Ginhadian han Dyos, ngan nagpipirit hin pagsulod an ngatanan.

Juan 5:3

Nakada hini nga mga balkon in damo nga mga magsakit—mga buta, mga piay, ngan mga lulid. [Naghuhulat hira nga bumantad an tubig,

Juan 5:5

May didto usa nga tawo nga 38 ka tuig na an iya kasakit.

Juan 5:7

Binmaton an masakit, “Waray man nagdadara ha akon ngadto ha linaw kon inuokay na an tubig. Samtang tilugsong pa la ako, hin-uunhan na ako han iba.”

1 Mga Taga-Corinto 6:11

An iba ha iyo hadto sugad hini nga mga tawo. Kundi ginlinisan na kamo han sala; igintubyan na kamo ngadto sa Dyos; ngan gin-isip na kamo nga matadong sa Dyos pinaagi han ngaran han Ginoo Jesu-Cristo ngan pinaagi han Espiritu Santo.

1 Juan 1:7

Kundi kon nag-uokoy kita ha kapawa-sugad nga aada hiya ha kapawa—may-ada naton minagburugto nga pagkaurosa ngan an dugo ni Jesus nga iya Anak naghugas han aton ngatanan nga sala.