Juan 5:3 - Samarenyo Meaning-Based Bible (1984)

³ Nakada hini nga mga balkon in damo nga mga magsakit—mga buta, mga piay, ngan mga lulid. [Naghuhulat hira nga bumantad an tubig,

Juan 5:3 Iomraidhean Croise

1 Hadi 13:4

Han pakabati la hini ni Hadi Jeroboam, iya gintudlok an manaragna ngan nagsugo, “Dakpa ito nga tawo!” Dida dayon tinmikig an butkon han hadi sanglit waray na ini niya mabutong hin pagbalik.

Mga Darahonon 8:34

Magmamalipayon an tawo nga namamati ha akon— an tawo nga nagbabantay han akon porta ha kada adlaw, nga naghuhulat didto han aragian ngadto han akon urokyan.

Pagnguyngoy 3:26

Sanglit maupay gud para ha aton an paghulat hin mapailobon han matalwason nga pagbulig han Ginoo.

Zacarias 11:17

Maghihingaraot ito nga waray pulos nga magmarangno! Ginbayaan niya an iya panon. Mawawaray hiya gahom tungod hin araway. Maluya na an iya butkon ngan mabubuta an iya tuo nga mata.”

Mateo 15:30

Sinmagka hiya hin pungtod ngan linmingkod. Hinmarani ha iya in kadam-an nga mga tawo nga nagdara hin mga piay, mga buta, mga lulid, mga ngula, ngan damo pa nga mga magsakit, ngan gindara nira ha tiilan ni Jesus; ngan gintambal hira niya.

Mateo 4:24

Nahibantog hiya ha bug-os nga Siria, sanglit gindara ngada ha iya an ngatanan nga mga nag-antos hin magkalainlain nga sakit ug balatian: mga sinasangkayan, mga bungtogon, ngan mga lulid. Gintambal hira ngatanan ni Jesus.

Lucas 7:22

Ginbaton ni Jesus an mga sinugo ni Juan, “Balik ngan pagsumati niyo hi Juan han hinkit-an ngan hinbatian niyo: nakakakita na an mga buta, nakakalakat na an mga piay, ginlinisan na an mga sanlahon, nakakabati na an mga bungol, ginbanhaw na an mga minatay, ngan iginwali na an Maupay nga Sumat ha mga kablas.

Juan 5:2

Didto ha Jerusalem, hirani han Portahan han mga karnero, may usa nga linaw nga parigoan, nga may lima nga mga balkon. Betsata an ngaran hini ha Hebreohanon.

Juan 5:4

kay may panahon nga nalugsong ha linaw in usa nga anghel han Ginoo ngan inuukay niya an tubig. An una nga makalugsong nga masakit, katapos maukay an tubig, nauupay han bisan ano nga iya sakit.]

Mga Taga-Roma 8:25

Kundi kon naglalaom kita han diri naton nakikita, nagpapaabot kita hito hin mailobon.

Santiago 5:7

Sanglit, kabugtoan ko, pagmailobon kamo, tubtob han pag-abot han Ginoo. Kitaa niyo an kamailobon han parauma samtang naghuhulat han pag-ani han abot han iya uma. Naghuhulat hiya nga mapailobon han panahon han kat-uran.