Juan 5:2 - Samarenyo Meaning-Based Bible (1984)

² Didto ha Jerusalem, hirani han Portahan han mga karnero, may usa nga linaw nga parigoan, nga may lima nga mga balkon. Betsata an ngaran hini ha Hebreohanon.

Juan 5:2 Iomraidhean Croise

Nehemias 12:39

ngan tikang didto linabyan namon an Ganghaan ni Efraim, an Ganghaan ni Jesana, an Ganghaan Isda, an Lantawan ni Hananel, ngan an Lantawan Gatos, ngadto han Ganghaan Karnero. Didto kami abot hirani han ganghaan ngadto han Templo.

Nehemias 3:1

Sugad hini an pagtindog na liwat han pader han syudad. Gintindog na liwat nira Eliasib nga Labaw nga Padi ngan han iya igkasi kapadian an ganghaan nga ginngaranan an Ganghaan han mga Karnero, iginhalad ini nira, ngan iginpahimutang an mga portahan. Iginhalad nira an pader tubtob han Lantawan nga ginngaranan an Lantawan han Usa ka Gatos ngan han Torre ni Hananel.

Nehemias 3:32

Gintindog han mga panday hin bulawan ngan han mga magparatigayon an kataposan nga bahin tikang han kwarto dida han kanto tubtob han Ganghaan Karnero.

Isaias 22:11

nagtindog kamo hin biriawan hin tubig ha sakob han syudad nga mabiaw han tubig nga naawas tikang han daan nga linaw. Kundi nagpakabungol la kamo han Dyos nga maiha na nga naglarang hiya hini ngatanan ngan iya na pagbuot nga mahinanabo.

Isaias 22:9

Hin-agian niyo an mga dapit han mga pader han Jerusalem nga kinahanglan pag-aydon. Gin-usisa niyo an ngatanan nga kabablayan didto ha Jerusalem ngan ginruba niyo in pira han mga balay basi makakuha kamo hin mga bato para hin pag-ayad han mga pader han syudad. Basi makatirok kamo hin tubig,

Juan 19:13

Han pakabati ni Pilato hini nga mga pulong, iginawas niya hi Jesus, ngan linmingkod ha lingkoran han maghurukom dida han dapit han ginngangaranan “An Plataporma nga bato.” (“Gabata” an ngaran hini ha Hebreo.)

Juan 19:17

Ginmuwa hiya nga nagpapas-an han iya kros, ngan inmabot ha dapit nga gintatawag “An Dapit han Klabera.” (“Golgota” an tawag hini ha Hebreo.)

Juan 19:20

Nakabasa hini in damo nga mga Judiyo kay diri man hirayo tikang han syudad an dapit nga ginraysangan kan Jesus. Iginsurat an pahibaro ha pinulongan nga Hebreo, Latin, ngan Griego.

Juan 20:16

Nagsiring hi Jesus ha iya, “Maria!” Inmatubang hi Maria ngan nagsiring ha iya ha Hebreo, “Raboni!” (“Magturutdo” an kahulogan hini.)

Juan 5:3

Nakada hini nga mga balkon in damo nga mga magsakit—mga buta, mga piay, ngan mga lulid. [Naghuhulat hira nga bumantad an tubig,

Juan 7:21

Binmaton hi Jesus, “Usa pa la nga milagro an akon ginbuhat, ngan nahipausa na kamo ngatanan.

Mga Buhat 21:40

Tinugotan hiya han kapitan, sanglit tinmindog hi Pablo dida han hagdanan ngan nagsenyas han iya kamot hin pagpamingaw han mga tawo. Han pagmingaw na nira, nagyakan hi Pablo ha pinulongan nga Hebreo:

Ginpadayag 16:16

Niyan gindara han mga espiritu an kahadian ngadto hin dapit nga ha Hebreo tinatawag nga “Armagedon.”

Ginpadayag 9:11

May-ada nira hadi nga nagmamangulo ha ira, usa nga anghel nga tinaporan han kahiladman. “Abaddon” an iya ngaran ha Hebreo, “Apolyon” ha Griego (“An Magpuruo” an kahulogan).