Juan 5:10 - Samarenyo Meaning-Based Bible (1984)

¹⁰ sanglit ginsiring han mga punoan nga Judiyo an tawo nga naupay, “Adlaw nga Iparahuway yana, ngan supak ha aton Balaod an pagdara han imo higdaan.”

Juan 5:10 Iomraidhean Croise

Isaias 58:13

Nagsiring an Ginoo, “Kon paglihi-an niyo an Adlaw nga Iparahuway, ngan diri niyo pagbuhaton an iyo la kalugaringon nga mga kaupayan dida hito nga adlaw; kon iyo pagmahalon an akon baraan nga adlaw ngan pagpasidunggan ini pinaagi hin diri paglakat, pagtrabaho, o paghimangraw hin waray la pulos dida hito nga adlaw,

Jeremias 17:21

Sidnga hira nga kon nahigugma hira han ira kinabuhi, kinahanglan diri hira magdara hin bisan ano ha Adlaw nga Iparahuway; kinahanglan didi hira magdara hin bisan ano ha Adlaw nga Iparahuway; kinahanglan diri hira magdara hin bisan ano kon masulod hira han mga ganghaan han Jerusalem,

Jeremias 17:27

Kundi kinahanglan magsugot hira ha akon ngan maglihi han Adlaw nga Iparahuway sugad nga usa nga baraan nga adlaw. Kinahanglan diri hira magdara hin bisan ano nga darad-on kon masulod hira han mga ganghaan han Jerusalem dida hito nga adlaw, kay kon pagbuhaton nira ini, pagsusuritan ko an mga ganghaan han Jerusalem. Pagsusunogon han kalayo an mga palasyo han Jerusalem, ngan diri ini mapaparong.”

Mateo 12:10

May-ada didto tawo nga patay an usa nga kamot. May pira ka tawo didto nga karuyag nga isumbong hi Jesus nga nagbuhat hin maraot; sanglit nagpakiana hira ha iya, “Supak ba ha aton Balaod an pagtambal ha Adlaw nga Iparahuway?”

Marcos 2:24

Nagsiring an mga Parisiyo kan Jesus, “Diri tugot han aton Balaod nga mangutos an imo mga tinun-an ha Adlaw nga Iparahuway.”

Marcos 3:4

Pinmakiana hi Jesus han mga tawo, “Ano an tugot han aton Balaod nga sadang buhaton ha Adlaw nga Iparahuway? Pagbulig ba, o pagdaot? Pagtalwas ba hin kinabuhi, o pagkuha ba hin kinabuhi?” Kundi waray hira mag-aringasa.

Lucas 13:14

Nasina an opisyal han sinagoga nga nagtambal hi Jesus ha Adlaw nga Iparahuway, sanglit nagsiring hiya ha mga tawo, “May unom ka adlaw diin kinahanglan magtrabaho kita; sanglit pakanhi kamo hin pagpatambal dida hito nga mga adlaw, kundi diri ha Adlaw nga Iparahuway!”

Lucas 23:56

Niyan nanguli hira ngan nag-andam hin mga pahamot ngan mga idirihog han iya lawas. Pinmahuway hira ha Adlaw nga Iparahuway sumala han sugo han Balaod.

Lucas 6:2

Nagsiring in pira nga mga Parisiyo, “Kay ano nga ginbubuhat niyo an igindidiri han aton Balaod hin pagbuhat ha Adlaw nga Iparahuway?”

Juan 1:19

Nagsugo an mga punoan nga Judiyo didto ha Jerusalem hin kapadian ngan mga Levita hin pagpakiana kan Juan kon hin-o hiya.

Juan 5:11

Binmaton hiya, “Ginsiring ako han tawo nga nagtambal ha akon, ‘Dad-a an imo higdaan ngan lakat.’”

Juan 5:15

Ngan linmakat an tawo ngan iya ginsumatan an mga punoan nga Judiyo nga hi Jesus an nagtambal ha iya.

Juan 5:16

Tungod hini nagtikang hira pagdumot kan Jesus, kay ginbuhat niya ini nga pagtambal ha Adlaw nga Iparahuway.

Juan 7:23

Kon nagtuturi kamo ha Adlaw nga Iparahuway basi matuman an balaod ni Moises, kay ano nga nangangahalas kamo ha akon tungod nga gintambal ko in usa nga tawo ha Adlaw nga Iparahuway?

Juan 9:16

Nagsiring an pira han mga Parisiyo, “Diri mahihimo nga tikang sa Dyos an tawo nga nagbuhat hini, kay diri niya gintutuman an Balaod han Adlaw nga Iparahuway.” Kundi nagsiring an iba, “Uunanhon hin tawo nga makasasala pakahimo hin mga orosahon nga sugad hini?” Ngan nagkabahinbahin hira.