Juan 4:5 - Samarenyo Meaning-Based Bible (1984)

⁵ Inmabot hiya ha Sicar, usa nga bungto ha Samaria, nga hirani han tuna nga iginhatag ni Jacob kan Jose nga iya anak.

Juan 4:5 Iomraidhean Croise

Genesis 33:19

Ginpalit niya adto nga bahin han uma hin 100 ka bug-os nga salapi tikang han mga tulin ni Hamor nga amay ni Siquem.

Genesis 48:22

Ihinahatag ko ha imo ngan diri ngadto han imo kabugtoan an Siquem, ito nga malangbo nga tuna nga akon naagaw tikang han mga Amoreohanon pinaagi han akon espada ngan han akon pana.”

1 Hadi 13:32

Matutuman manta an mga pulong nga iya iginyakan ha pagsugo han Ginoo kontra han altar ha Betel ngan kontra han ngatanan nga mga dapit hin pagsingba ha mga bungto han Samaria.”

Lucas 9:52

May-ada niya mga ginsugo hin pag-una ha iya. Linmakat hira ngan kinmadto hin usa nga baryo han Samaria hin pag-andam han ngatanan para ha iya.

Juan 4:12

Hi Jacob nga amon ginikanan an naghatag ha amon hini nga atabay, ngan nanginom hini hira ngatanan: hiya, an iya mga anak, ngan an iya mga hayop. Labaw ka pa ba kan Jacob?”

Juan 4:39

Tinmoo kan Jesus in damo han mga Samaritano hito nga bungto kay nagsiring an babaye, “Ginsumatan ako niya han ngatanan nga akon nabuhat.”

Juan 4:6

Nakadto an atabay ni Jacob. Tungod han kakapoy han pagbaktas, linmingkod hi Jesus ha ligid han atabay, kay tikaurudto na.

Josue 24:32

An lawas ni Jose nga gindara han mga tawo han Israel tikang ha Ehipto ginlubong didto ha Siquem didto hin tuna nga ginpalit ni Jacob tikang han mga anak ni Hamor, an amay ni Siquem, hin 100 nga salapi. Ini nga tuna nasunod han mga tulin ni Jose.