Juan 4:23 - Samarenyo Meaning-Based Bible (1984)

²³ Kundi maabot an panahon, ngan aanhi na, nga magsisingba han Amay ha espiritu ngan ha kamatuoran an matuod nga mga magsiringba. Amo ini nga mga magsiringba an naruruyagan han Amay nga magsisingba ha iya.

Juan 4:23 Iomraidhean Croise

1 Cronicas 29:17

Maaram ako ngan ginsasarihan mo an kasingkasing han tawo ngan nalilipay ka han tawo nga tangkod ug matadong; kinasingkasing an akon paghatag hini ha imo ngan kinmita ako nga malipayon an mga tawo nga nagtirok dinhe hin pagdara hin mga halad ha imo.

Mga Salmo 147:11

Kundi asay lugod nalilipayan n'ya, adton nahadlok ngan natahod ha iya. Adton naglalaom, nasarig, natagya, dida han dayuday n'ya nga paghigugma.

Mga Salmo 17:1

Pamatii, O Ginoo, an akon matadong nga pangamuyo; tagda an akon pagtawag hin pakibulig! Pamatii an akon pag-ampo, kay waray limbong dinhe ha akon.

Mga Salmo 32:2

Palaran an tawo nga diri paghukman, han Ginoo han iya mga karat-an; ngan waray dida ha iya kinabuhi, an mga paglimbong, mga pagtiyupi.

Mga Salmo 51:6

Pagkatangkod ug kamatuoran an imo ginkikinahanglan; pun-a an akon hunahuna han imo kinaadman.

Mga Darahonon 15:8

Kon nag-aampo an mga mag-upay nalilipay an Ginoo, kundi napupungot hiya han mga halad nga gindadara ha iya han magraot nga mga tawo.

Kanta han mga Kanta 2:14

Sugad ka hin sarapati nga natago ha mga lungag hin bato. Pakitaa ako han imo mahusay nga bayhon ngan pabatia ako han imo manamit nga tingog.

Isaias 10:20

Maabot in panahon nga an mga tawo han Israel nga nahisalin nga buhi diri na matapod han nasod nga haros magbungkag ha ira. Masarig na hira hin inungod han Ginoo nga baraan nga Dyos han Israel.

Isaias 29:13

Nagsiring an Ginoo, “Nasiring ini nga mga tawo nga nagsisingba hira ha akon, kundi waray la kahulogan an ira mga pulong, ngan hirayo ha akon an ira mga kasingkasing. An ira tuluohan waray iba kundi mga turumanon ngan mga sinunod nga pamatasan hin tawo nga ira la ginsag-ulo.

Isaias 43:21

Amo hira an mga tawo nga akon ginhimo para ha akon ngahaw, ngan magkakanta hira hin mga pagdayaw ha akon!”

Isaias 58:2

Ginsisingba ako nira adlaw-adlaw. Nagsiring hira nga nagtitinguha hira hin paghibaro han akon mga paagi ngan pagsugot han akon mga balaod. Nasiring hira nga karuyag nira nga tagan ko hira hin matadong nga mga balaod, ngan nalilipay hira hin pagsingba ha akon.”

Jeremias 3:10

Ngan katapos hini ngatanan, pinmasangil la hi Juda nga diri matinumanon nga bugto ni Israel hin pagbalik ha akon; diri gud hiya tangkod. Ako nga Ginoo an nagyakan.”

Jeremias 4:2

tutugotan ko na kamo hin pagsumpa ha akon ngaran. Niyan hahangyoon ako han ngatanan nga mga nasod hin pagpakaupay ha ira, ngan pagdadayawon ako nira.”

Ezequiel 22:30

Namiling ako hin tawo nga makakagtindog hin pader, nga makakatukdaw dida han mga dapit diin narumpag an mga pader, ngan makakapanalipod han tuna kon pag-iburungkagon na ini han akon kapungot, kundi waray gud ako makaagi.

Juan 1:17

Ginhatag han Dyos an Balaod pinaagi kan Moises; kundi inmabot an grasya ngan kamatuoran pinaagi kan Jesu-Cristo.

Juan 12:23

Nagbaton hi Jesus ha ira, “Inmabot na yana an takna nga pagpapasidunggan an Anak han Tawo.

Juan 16:2

Paiiwason kamo nira ha ira mga sinagoga. Maabot an panahon nga an magpapatay ha iyo makakahunahuna nga nag-aalagad hiya han Dyos.

Juan 16:32

Maabot an panahon, ngan aanhi na, nga magkakaburublag kamo ngatanan, kada usa, ha iya kalugaringon nga urukyan, ngan babayaan ako nga mag-uusaan. Kundi diri tinuod nga nag-uusaan la ako, kay kaupod ko an Amay.

Juan 4:21

Nagsiring hi Jesus ha iya, “Babaye, tuod na la ha akon: maabot an panahon nga diri na an mga tawo magsisingba han Amay dinhe hini nga bukid o didto ha Jerusalem.

Juan 5:25

Susumatan ko kamo hin tinuod: Tiarabot an panahon, ngan inmabot na ini—nga makakabati an mga minatay han tingog han Anak han Dyos, ngan mabubuhi adton makabati hini nga tingog.

Juan 5:28

Ayaw kamo hipausa hini; tiarabot an panahon nga makakabati han iya tingog an ngatanan nga mga minatay ha lubnganan,

Mga Taga-Roma 1:9

Saksi ko an Dyos nga matuod an akon iginyayakan—an Dyos nga akon gin-aalagad ha bug-os nga kasingkasing pinaagi hin pagwali ko han Maupay nga Sumat mahitungod han iya Anak. Sayod an Dyos nga dayuday hinunumdoman ko kamo ha akon mga pag-ampo.

Mga Taga-Roma 8:15

Kay an Espiritu nga iginhatag han Dyos ha iyo diri mag-ooripon ha iyo ngan diri maghahadlok ha iyo; lugod hihimoon kamo han Espiritu nga mga anak han Dyos, ngan pinaagi han gahom han Espiritu matawag kita han Dyos, “Amay ko!”

Mga Taga-Roma 8:26

Ha amo nga paagi, an Espiritu nabulig liwat ha aton dida han aton kamaluya. Kay diri kita maaram kon uunanhon naton an pag-ampo; kundi an Espiritu ngahaw an nanginginyupo han Dyos para ha aton pinaagi hin mga pangaraba nga makuri ipagawas ha mga pulong.

Mga Taga-Galacia 4:6

Ha pagpakita nga mga anak kamo niya, ginpakanhi han Dyos ha aton mga kasingkasing an Espiritu han iya Anak, an Espiritu nga natawag, “Amay, akon Amay.”

Mga Taga-Efeso 6:18

Buhata niyo ini ngatanan pinaagi hin pag-ampo, ha pangaro han tambulig han Dyos. Pag-ampo kamo ha ngatanan nga higayon, sumala han pag-aghat han Espiritu. Tungod hini pag-ikmat kamo ngan ayaw gud pag-undang; dayuday pag-ampo para han ngatanan nga mga tawo han Dyos.

Mga Taga-Filipos 3:3

Hi kita, diri hira, an matuod nga gintori, kay nagsisingba kita han Dyos pinaagi han iya Espiritu, ngan nalilipay kita dida ha aton pakig-usa kan Cristo Jesus; waray kita magtapod han mga seremonyas.

Josue 24:14

“Ngan yana,” nagpadayon hi Josue, “pagsingba kamo han Ginoo ngan pag-alagad kamo nga matinumanon ug matinuohon ha iya. Isalikway niyo an mga kadiyosan nga ginsingba han iyo mga ginikanan didto ha Mesopotamia ug Ehipto ngan asay gud la an Ginoo an iyo pag-alagad.

1 Pedro 2:9

Kundi kamo amo an pinili nga tulin, an kapadian han Hadi, an baraan nga nasod, an kalugaringon nga bungto han Dyos, nga ginpili hin pagsangyaw han orosahon nga mga buhat han Dyos nga nagtawag ha iyo tikang han kasisidman ngadto han iya kalugaringon nga makaaramdok nga kapawa.

1 Samuel 12:24

Sugta niyo an Ginoo ngan alagda hiya niyo nga matinumanon ngan ha bug-os nga kinasingkasing. Hinumdomi an dagko nga mga butang nga iya ginbuhat para ha iyo.