Juan 4:21 - Samarenyo Meaning-Based Bible (1984)

²¹ Nagsiring hi Jesus ha iya, “Babaye, tuod na la ha akon: maabot an panahon nga diri na an mga tawo magsisingba han Amay dinhe hini nga bukid o didto ha Jerusalem.

Juan 4:21 Iomraidhean Croise

Isaias 66:1

Nasiring an Ginoo, “Akon trono an langit ngan akon tungtongan an tuna. Sanglit ano man nga balay an iyo pagtitindogon para ha akon, ano nga dapit an akon pag-uokyan?

Ezequiel 14:3

Nagsiring hiya, “Anak hin tawo, igintubyan hini nga mga tawo ngadto hin mga diyosdiyos an ira mga kasingkasing ngan tinutugotan nira an mga diyosdiyos hin pagmando ha ira ngadto hin pagpakasala. Ano an ira pakasiring nga mabaton ako ha ira?

Ezequiel 20:3

Nagsiring hiya, “Anak hin tawo, paghimangrawi ngan sidnga ini nga mga tawo nga nasiring an Ginoo nga Dyos: Kinmanhi ba kamo hin pagpakiana han akon kaburot-on? Sugad nga ako amo an buhi nga Dyos, diri ako matugot nga magpakiana kamo ha akon hin bisan ano. Ako, an Ginoo nga Dyos, an nagyakan.

Malaquias 1:11

Ginpapasidunggan ako hin mga tawo tikang ha bisan diin nga dapit han kalibutan. Nagtutubod hira hin insyenso didto han ngatanan nga dapit ngan naghahalad hira hin angay nga mga halad nga tinubod. Ginpapasidunggan ako nira ngatanan!

Mateo 18:20

Kay kon may duha o tulo nga magkatirok hin pag-ampo ha akon ngaran, aadto ako upod ha ira.”

Mateo 28:19

Sanglit pakadto kamo ha ngatanan nga mga katawhan ha bug-os nga kalibutan ngan himoa niyo hira nga akon mga tinun-an. Bunyagi hira ha ngaran han Amay, ngan han Anak, ngan han Espiritu Santo,

Lucas 21:24

Papatayon in pira pinaagi hin espada, ngan bibihagon an iba ngan ighahalen ngadto ha ngatanan nga mga nasod, ngan pagyayapakyapakan an Jerusalem han mga Hentil tubtob nga matapos an ira panahon han pagmando han mga Hentil han Jerusalem.

Juan 14:6

Nagbaton ha iya hi Jesus, “Amo ako an dalan, an kamatuoran, ngan an kinabuhi; waray makakadto han Amay kon diri pinaagi ha akon.”

Juan 16:2

Paiiwason kamo nira ha ira mga sinagoga. Maabot an panahon nga an magpapatay ha iyo makakahunahuna nga nag-aalagad hiya han Dyos.

Juan 16:32

Maabot an panahon, ngan aanhi na, nga magkakaburublag kamo ngatanan, kada usa, ha iya kalugaringon nga urukyan, ngan babayaan ako nga mag-uusaan. Kundi diri tinuod nga nag-uusaan la ako, kay kaupod ko an Amay.

Juan 4:23

Kundi maabot an panahon, ngan aanhi na, nga magsisingba han Amay ha espiritu ngan ha kamatuoran an matuod nga mga magsiringba. Amo ini nga mga magsiringba an naruruyagan han Amay nga magsisingba ha iya.

Juan 5:25

Susumatan ko kamo hin tinuod: Tiarabot an panahon, ngan inmabot na ini—nga makakabati an mga minatay han tingog han Anak han Dyos, ngan mabubuhi adton makabati hini nga tingog.

Juan 5:28

Ayaw kamo hipausa hini; tiarabot an panahon nga makakabati han iya tingog an ngatanan nga mga minatay ha lubnganan,

Mga Buhat 6:14

Nakabati kami nga nagsiring hiya nga pagrurub-on hini nga Jesus nga taga-Nazaret ini nga Templo ngan pagliliwaton an ngatanan nga mga turumanon nga iginbilin ni Moises ha aton!”

Mga Taga-Efeso 2:18

Pinaagi kan Cristo kita ngatanan, an mga Judiyo ngan mga Hentil, makakadangop na kita, dida hin usa la nga Espiritu, ha atubangan han Amay.

Mga Taga-Efeso 3:14

Sanglit tungod hini, naluhod ako ha atubangan han Amay,

1 Timoteo 2:8

Karuyag ko nga mag-ampo an kalalaken-an ha ngatanan nga dapit, kalalaken-an nga hinalad ngadto han Dyos, nga binayaw an ira mga kamot ha pag-ampo hin waray kasina o pagkaaway-away.

1 Pedro 1:17

Natawag kamo ha iya nga Amay, kon nag-aampo kamo sa Dyos. Naghuhukom hiya hin waray pinaurog han ngatanan nga mga tawo, sumala han nabuhat han tagsatagsa; sanglit kinahanglan gamiton niyo an nahisalin pa han iyo mga kinabuhi dinhe ha tuna hin dyosnon nga pagtahod ha iya.

Ginpadayag 21:22

Waray ako hinkit-an nga templo ha sakob han syudad kay an Templo amo an Ginoo nga Dyos nga Labi Kamakagarahum ngan an Kordero.