Juan 3:10 - Samarenyo Meaning-Based Bible (1984)

¹⁰ Nagbaton hi Jesus, “Bantogan ka nga magturutdo ha Israel, ngan diri ka ba nakakasabot hini?

Juan 3:10 Iomraidhean Croise

1 Cronicas 29:19

Ihatag ha akon anak, hi Solomon, an kinasingkasing nga paghingyap hin pagsugot han ngatanan nga imo igsusugo ha iya ngan paghingyap hin pagtindog han Templo nga akon na gin-andaman.”

Mga Salmo 51:10

Linisi an akon kasingkasing, O Dyos, ngan pagbag-ohi ako hin mapinadayonon nga espiritu.

Mga Salmo 51:6

Pagkatangkod ug kamatuoran an imo ginkikinahanglan; pun-a an akon hunahuna han imo kinaadman.

Mga Salmo 73:1

Maupay gud an Dyos han mga Israelita, hadton may kinasingkasing nga paghigugma.

Isaias 56:10

Nasiring hiya, “Mga buta an ngatanan nga mga pangulo nga angay unta magpahimatngon han akon mga tawo! Waray gud nira hinbabaroan nga bisan ano. Sugad la hira hin kaayaman nga parabantay nga diri nag-uusig—nalukot la ini ngan nag-iinop. Karuyag la nira an pagkinaturog!

Isaias 9:16

Ginlipatlipat ngan ginggupong hira hadton mga nagmamangulo hini nga mga tawo.

Jeremias 31:33

Amo ini an bag-o nga ginsaaran nga akon paghihimoon han mga tawo han Israel: Igbubutang ko ha ira mga hunahuna an akon balaod ngan igsusurat ko ini dida han ira mga kasingkasing. Magigin Dyos ako nira, ngan magigin akon mga tawo hira.

Ezequiel 11:19

Tatagan ko hira hin bag-o nga kasingkasing ngan bag-o nga hunahuna. Kukuhaon ko an ira matig-a nga kasingkasing ngan liliwanan ko hin malumo nga kasingkasing.

Mateo 11:25

Hito nga panahon nagsiring hi Jesus, “O Amay, Ginoo han langit ngan han tuna! Nagpapasalamat ako ha imo, kay imo iginpahayag hadton mga tapang an imo gintago ha mga mag-aram ug may-ada hibaro.

Mateo 15:14

Ayaw kabaraka ha ira! Mga buta hira nga mga pangulo; ngan kon magtutugway in buta hin igkasi buta, mahuhulog hira nga duha ngadto hin kali.”

Mateo 22:29

Ginbaton hira ni Jesus, “Pagkasayop niyo! Tungod ini nga diri kamo maaram han Kasuratan o han gahom han Dyos.

Lucas 2:46

Han pag-ikatulo ka adlaw, hin-agian nira hiya didto ha Templo, nga nalingkod upod han mga magturutdo nga Judiyo, namamati ngan nagpapakiana ha ira.

Lucas 5:17

Usa ka adlaw han nagtututdo hi Jesus, nagkalingkod didto in mga Parisiyo ngan mga magturutdo han Balaod nga inmabot tikang han tagsa nga bungto ha Galilea, Judea, ug Jerusalem. Nakada kan Jesus an gahom han Ginoo hin pagtambal han magsakit.

Juan 3:9

“Uunanhon man ini?” nagpakiana hi Nicodemo.

Mga Buhat 5:34

Kundi tinmindog in usa ha ira, usa nga Parisiyo nga ginngaranan nga Gamaliel, usa nga magturutdo han Balaod, nga tinahod kaupay han ngatanan nga mga tawo. Nagsugo hiya nga pagawson anay an mga apostoles,

Mga Taga-Roma 2:28

Kon baga sidngon, hin-o gud an tinuod nga Judiyo? Hin-o gud an tinuod nga tinori? An tinuod nga Judiyo diri adton Judiyo ha panagway la; an tinuod nga tinori diri adton ha lawas la.

Deuteronomio 10:16

Sanglit tikang yana pagsugot kamo han Ginoo ngan ayaw na pagpatig-aha an iyo mga ulo.

Deuteronomio 30:6

Mahatag an Ginoo nga Dyos ha iyo ngan han iyo mga tulin hin masinugtanon nga mga kasingkasing, basi higugmaon hiya niyo ha bug-os nga kasingkasing, ngan magpadayon kamo hin pag-ukoy didto hito nga tuna.

Mga Taga-Filipos 3:3

Hi kita, diri hira, an matuod nga gintori, kay nagsisingba kita han Dyos pinaagi han iya Espiritu, ngan nalilipay kita dida ha aton pakig-usa kan Cristo Jesus; waray kita magtapod han mga seremonyas.

Mga Taga-Colosas 2:11

Natori kamo dida han iyo pakig-usa kan Cristo, diri han pagtori nga ginbuhat hin tawo, kundi an pagtori nga ginbuhat ni Cristo, nga amo an pagkatalwas tikang han gahom hini nga makasasala nga lawas.