Juan 21:6 - Samarenyo Meaning-Based Bible (1984)

⁶ Nagsiring hiya ha ira, “Huloga an iyo pukot ha tuo han sakayan, ngan makakadakop kamo.” Sanglit ginhulog nira an pukot, ngan waray na hira pakakaakos hin pag-alsa tungod han kadamo han isda.

Juan 21:6 Iomraidhean Croise

Mga Salmo 8:8

han katamsihan, kaisdaan ug an mga buhat ha kadagatan.

Ezequiel 47:10

Tikang han mga Burabod han Engadi ngadto gud han mga Burabod han Eneglaim, magkakamay-ada mga mangirisda dida han baybayon han dagat, ngan pagbibitaron nira didto an ira mga pukot hin pagbulad. Magkakamay-ada didto sugad kadamo han magkalainlain nga kaisdaan han Dagat Mediteraneo.

Mateo 7:27

Inmuranos, binmaha an mga salog, ngan inagmakan han makusog nga hangin adto nga balay, ngan napukan. Kamakalilisang an pagkapukan hadto nga balay!”

Juan 2:5

Gintugon han iroy ni Jesus an mga surugoon, “Buhata gud an bisan ano nga igsugo niya ha iyo.”

Mga Buhat 2:41

Damo ha ira in tinmoo han iya mensahe ngan ginbunyagan hira. Mga 3,000 nga mga tawo an nahidugang han hugpo hito nga adlaw.

Mga Buhat 4:4

Kundi tinmuo in damo han nagpakabati han mensahe, ngan inmabot na hin mga 5,000 an mga tawo.