Juan 20:9 - Samarenyo Meaning-Based Bible (1984)

⁹ Waray pa gihapon hira makasabot han kasuratan nga nagsiring nga kinahanglan mabanhaw hiya.)

Juan 20:9 Iomraidhean Croise

Mga Salmo 16:10

Kay imo ako ginsalipdan han kamatayon, pirme ako ha imo masinugtanon. Ngan diri ka gud ha akon masalikway, nga mahitampo ako han mga patay.

Isaias 25:8

Pagbubungkagon hin kadayonan han Ginoo nga Dyos an kamatayon! Papahiron niya an mga luha tikang han ngatanan nga mga mata ngan kukuhaon niya an kaarawdan nga gin-antos han iya katawhan ha bug-os nga kalibutan. An Ginoo an nagyakan.

Isaias 26:19

Mabubuhi gihapon adton amon mga tawo nga nagkamatay! Mababanhaw an ira mga lawas! An ngatanan nga nangangaturog didto han ira mga lubnganan magmamata ngan magkakanta tungod hin kalipay! Sugad nga an yamog nakakapatugnaw han tuna, pagbubuhion man han Ginoo adton mga maiha na nga nagkamatay.

1 Mga Taga-Corinto 15:4

nga iginlubong hiya ngan ginbanhaw ha ikatulo ka adlaw sumala han nahisurat ha Kasuratan;

Lucas 24:26

Diri ba kinahanglan mag-antos anay an Mesiyas hini nga mga butang san-o hiya makasulod han iya himaya?”

Mateo 22:29

Ginbaton hira ni Jesus, “Pagkasayop niyo! Tungod ini nga diri kamo maaram han Kasuratan o han gahom han Dyos.

Oseas 13:14

Diri ko tatalwason ini nga mga tawo tikang han kalibutan han mga patay o babawion hira tikang han gahom han kamatayon. Hala kamatayon, dad-a na an imo mga peste! Hala, kalibutan han mga patay, dad-a na an imo pagkabungkag! Diri na gud ako malolooy hini nga mga tawo.

Juan 2:22

Sanglit han kabanhaw na niya, nahinumdom an iya mga tinun-an hini nga iya ginyakan, ngan tinmoo hira han kasuratan ngan han mga pulong nga iginsiring ni Jesus.

Lucas 9:45

Kundi waray hira makasabot kon ano an kahulugan hini, ngan nahadlok hira hin pagpakiana ha iya mahitungod hini nga butang.

Mga Salmo 22:15

Sugad kamamara hin tapotapo an akon but-ol, ngan nadukot an akon dila ha langag-langag han akon baba. Ginbayaan mo ako sugad hin patay dida ha tapotapo han tuna.

Mga Buhat 2:24

Kundi ginbanhaw hiya han Dyos ngan iginawas hiya tikang han gahom han kamatayon, kay diri gud mahihimo nga magarongan hiya han kamatayon.

Mga Buhat 17:3

Iya iginsaysay ha ira an Kasuratan, ngan ginpamatud-an niya nga an Cristo kinahanglan mag-antos ngan mabanhaw tikang ha mga minatay. Nagsiring hi Pablo, “Ini nga Jesus nga akon iginwawali ha iyo amo an Cristo!”