Juan 2:5 - Samarenyo Meaning-Based Bible (1984)

⁵ Gintugon han iroy ni Jesus an mga surugoon, “Buhata gud an bisan ano nga igsugo niya ha iyo.”

Juan 2:5 Iomraidhean Croise

Genesis 41:55

Han pagtikang na hin paggutoma han mga Ehiptohanon, nagsangpit hira han hadi hin pangaro hin pagkaon. Sanglit iya ginpakadto hira kan Jose ngan iginpabuhat niya an kan Jose iginsiring ha ira.

Genesis 6:22

Ginbuhat ni Noe an ngatanan nga iginsugo han Dyos.

Ezequiel 12:7

Ginbuhat ko an iginsiring ha akon han Ginoo. Hito nga adlaw nagputos ako sugad han binubuhat hin usa nga kalagiw, ngan hito nga kulopay, han tipagsisirom na, nagbuho ako dida han bungbong pinaagi han akon mga kamot ngan ginmawas ako. Samtang nagkikita an ngatanan, ginpas-an ko an putos ngan linakat ako.

Mateo 12:46

Nagyiyinakan pa hi Jesus ha mga tawo han pag-abot han iroy ngan kabugtoan niya. Naghulat ini hira ha gawas ngan karuyag makighimangraw ha iya.

Juan 15:14

Ngan kasangkayan ko kamo, kon buhaton niyo an akon iginsusugo ha iyo.

Mga Buhat 9:6

Buhat ngan pakadto ha syudad, ngan didto pagsusumatan ka kon ano an imo pagbubuhaton.”

Hebreo 11:8

Tungod hin pagtoo, nagsugot hi Abraham han pagtawga ha iya han Dyos, ngan napakadto hiya han tuna nga iginsaad han Dyos nga ihahatag ha iya. Binayaan niya an iya kalugaringon nga tuna ug diri maaram hiya kon tikain hiya.

Hebreo 5:9

Han kahingpit na niya, nahimo hiya nga burabod han dayon nga katalwasan para hadton ngatanan nga masinugtanon ha iya.

Mga Maghurukom 13:14

Kinahanglan diri gud hiya kumaon hin bisan ano nga natikang han puno han ubas; kinahanglan diri hiya uminom hin bino o makahurobog nga irimnon o kumaon hin bisan ano nga igindidiri nga pagkaon. Kinahanglan tumanon gud niya an ngatanan nga iginsiring ko ha iya.”

Ruth 3:6

Sanglit kinmadto hi Ruth ha giriokan ngan ginbuhat niya sumala han ginsiring ha iya han iya ugangan nga babaye.