Juan 2:4 - Samarenyo Meaning-Based Bible (1984)

⁴ Nagbaton hi Jesus, “Babaye, ayaw ako pagbut-i han akon bubuhaton. Waray pa abot an akon panahon.”

Juan 2:4 Iomraidhean Croise

2 Samuel 16:10

“Waray niyo labot hini,” nagsiring an hadi kan Abisai ug Joab nga iya bugto. “Kon gintunglo ako niya kay ginsugo hiya han Ginoo, hin-o man in magahom hin pagpakiana kay ano nga ginbuhat man niya ini?”

2 Samuel 19:22

Kundi nagsiring hi David kanda Abisai ug Joab nga iya bugto, “Hin-o in nagpakiana ha iyo? Iyo ba ako tatagan hin kasamok? Ako amo na an hadi han Israel yana, ngan waray Israelita nga papatayon yana nga adlaw.”

1 Hadi 17:18

Nagsiring kan Elias an balo, “Tawo han Dyos, kay ano nga ginbuhat mo ini ha akon? Kinmanhi ka ba hin pagpahinumdom ha akon han akon mga sala, basi mamatay an akon anak?”

Ecclesiastes 3:1

An ngatanan dinhe ha kalibutan nahinanabo ha panahon nga gintalaan han Dyos.

Mateo 15:28

Sanglit binmaton hi Jesus ha iya, “Babaye, pagkadako han imo pagtoo! Matutumanan ka han imo pinangangaro!” Ngan naupay an iya anak hito ngahaw nga takna.

Mateo 8:29

Sinminggit hira dayon, “Ano an imo karuyag ha amon, Anak han Dyos? Kinmanhi ka ba hin pagkastigo ha amon nga diri pa man igo nga panahon?”

Lucas 2:49

Ginbaton niya hira, “Kay ano hin pagbiniling niyo ha akon? Diri ba kamo maaram nga kinahanglan hahani ako ha balay han akon Amay?”

Juan 12:23

Nagbaton hi Jesus ha ira, “Inmabot na yana an takna nga pagpapasidunggan an Anak han Tawo.

Juan 13:1

Bisperas na adto han Pyesta han Paglabay. Maaram na hi Jesus nga inmabot na an iya takna hin pagbaya hini nga kalibutan ngan hin pagkadto han Amay. Dayuday ginhigugma niya an iya mga sakop dinhe ha kalibutan, ngan ginhigugma niya hira tubtob gud ha kataposan.

Juan 2:3

Han kaubos na han bino, ginsiring hi Jesus han iroy niya, “Waray na hira bino.”

Juan 20:13

Nagpakiana hira ha iya, “Babaye, kay ano nga nagtitinangis ka?” Nagbaton hiya, “Ginkuha nira an akon Ginoo ngan diri ako maaram kon diin nira igbutang hiya.”

Juan 20:15

Nagpakiana hi Jesus ha iya, “Babaye, kay ano nga nagtitinangis ka? Hin-o an imo ginbibiling?” Naghunahuna hiya nga an magmarangno adto han tanaman, sanglit ginsiring niya, “Mano, kon ikaw man lugaring an nagkuha ha iya, sumati ako kon diin mo igbutang hiya, ngan kukuhaon ko hiya.”

Juan 7:30

Ngan gin-idarakop hiya nira, kundi waray naglabot ha iya, kay waray pa man umabot an iya takna.

Juan 7:6

Nagsiring hi Jesus ha ira, “Waray pa umabot an akon igo nga panahon, kundi pirme igo ha iyo an ngatanan nga panahon.

Juan 7:8

Kamo na la in pasingadto ha pyesta; diri ako makadto hini nga pyesta; kay waray pa umabot an akon igo nga panahon.”

Juan 8:20

Ginsiring ni Jesus ini ngatanan samtang magtututdo hiya ha Templo, ha kwarto nga burutangan han mga surudlan han halad. Ngan waray nagdakop ha iya, kay waray pa man umabot an iya takna.

2 Mga Taga-Corinto 5:16

Sanglit diri na kami naghuhukom bisan kan kanay pinaagi hin mga suruklan nga hinimo la hin tawo. Bisan kon ha usa nga panahon ginhukman namon hi Cristo sumala hin kanan tawo nga mga suruklan, kundi waray na kami magbuhat hini yana.

Deuteronomio 33:9

Nagpakita hira hin darudako nga pag-ugop ha imo Kay han ira mga kag-anak, kabugtoan nga kalalaken-an, o mga anak. Ginsugot nira an imo mga sugo, Ngan nagmatinumanon hira han imo ginsabotan.