Juan 2:18 - Samarenyo Meaning-Based Bible (1984)

¹⁸ Gin-ayat hi Jesus han mga punoan nga Judiyo, “Ano nga milagro an ipakikita mo ha amon hin pagpasabot nga may-ada ka katungod hin pagbuhat hini?”

Juan 2:18 Iomraidhean Croise

1 Hadi 13:3

Ngan nagpadayon hin pagsiring an manaragna, “Mabubungkag ini nga altar, ngan magsasarang an mga agbon dida hini. Niyan mahibabaroan mo nga naghimangraw ha akon an Ginoo.”

Exodo 7:9

“Kon magkinahanglan an hadi nga magpakita kamo hin milagro, basi may karig-onan an iyo ginbubuhat, sidnga hi Aaron hin pagkuha han iya tungkod. Ig-itsa ini ngadto ha atubangan han hadi, ngan mahihimo ini nga halas.”

Mateo 21:23

Binmalik hi Jesus ngadto han Templo. Han nagtututdo hiya, hinmarani ha iya an mga puno han kapadian ngan an katigurangan nga mga Judiyo, ngan nagpakiana, “Ano an imo katungod hin pagbuhat hini nga mga butang? Hin-o an naghatag ha imo hini nga katungod?”

Marcos 8:11

Nagkaabot in mga Parisiyo ngan nagtikang pakiglantugi kan Jesus. Karuyag nira pagbitik ha iya sanglit nangaro hira nga magbuhat hiya hin milagro nga magpapakita nga uyon ha iya an Dyos.

Lucas 11:29

Han nagdadaisog an mga tawo nga naglilibot kan Jesus, nagpadayon hiya hin pagsiring, “Pagkamaraot han mga tawo hini nga panahon! Nangangaro hira hin milagro, kundi waray ihahatag ha ira labot han milagro ni Jonas.

Juan 1:19

Nagsugo an mga punoan nga Judiyo didto ha Jerusalem hin kapadian ngan mga Levita hin pagpakiana kan Juan kon hin-o hiya.

Juan 1:25

nagpakiana kan Juan, “Kay ano nga nagbubunyag ka man, kon diri ka man ngay-an an Mesiyas, o hi Elias, o an Manaragna?”

Juan 6:30

Nagpakiana liwat hira, “Ano nga tigaman han imo gahom an imo bubuhaton basi namon hikit-an, ngan sumarig kami ha imo? Ano man an bubuhaton mo?

Mga Buhat 4:7

Ginpaatubang ha ira an mga apostoles ngan ginpakianhan nira, “Gin-unan-o niyo hin pagbuhat hini? Ano an iyo gahom, ngan kanay ngaran an iyo ginamit?”

Mga Buhat 5:28

Nagsiring hiya, “Amon kamo gindid-an hin mahigpit nga diri kamo magtutdo ha ngaran hini nga tawo, kundi kitaa an iyo ginbuhat! Iginpasarang niyo ha bug-os nga Jerusalem an iyo pagturon-an, ngan karuyag pa niyo nga kami an pagbasolon han iya pagkamatay!”