Juan 2:11 - Samarenyo Meaning-Based Bible (1984)

¹¹ Ginbuhat ni Jesus ini nga syahan han iya mga milagro didto ha Cana, ha Galilea. Iginpadayag niya didto an iya gahom, ngan tinmoo ha iya an iya mga tinun-an.

Juan 2:11 Iomraidhean Croise

1 Hadi 17:24

Binmaton hiya, “Yana maaram na ako nga tawo ka han Dyos ngan tinuod gud nga nakikighimangraw ha imo an Ginoo!”

Mga Salmo 72:19

Harangdon nga ngaran n'ya daygon hin dayon, kahuraan niya an tuna pagpun-on. Amen! Amen!

Mga Salmo 96:3

Ha kanasoran iyo igpakilala iya pagkaharangdon, iya himaya, ngan an mga gamhanan nga buhat niya ha ngatanan nga katawhan han tuna.

Exodo 14:31

Han paghikit-i han mga Israelita han dako nga gahom nga ginamit han Ginoo hin pagpirde han mga Ehiptohanon, nahadlok hira nga puno hin pagtahod han Ginoo; ngan sinmarig hira han Ginoo ngan kan Moises nga iya surugoon.

Exodo 4:9

Kon diri pa hira tumood ha imo bisan pa hini nga duha nga mga milagro, ngan kon diri hira mamati han imo igsusumat ha ira, kuha hin tubig tikang han Nilo ngan ighuwad ini dida han tuna. Mahihimo nga dugo an tubig.”

Ecclesiastes 9:7

Pagpadayon la—pagpatakas hin pagkaon ngan pagkalipay; inom han imo bino ngan pagrayhak. Diri manginginlabot an Dyos.

Isaias 40:5

Niyan igpapadayag an himaya han Ginoo, ngan hikikit-an ini han ngatanan nga katawhan. An Ginoo ngahaw an nagyakan hini.”

Malaquias 2:2

Kinahanglan pasidunggan ako niyo pinaagi han iyo binubuhat. Kon diri kamo mamati ha akon, ikakada ko an gaba ha iyo. Higagabaan an mga butang nga iyo kinakarawat para han iyo kabuhian. Ngani ginabaan na ini, kay diri niyo tinutuman hin kinasingkasing an akon sugo.

Juan 1:14

Nahimo nga tawo an Pulong, ngan puno hin grasya ngan kamatuoran, nag-ukoy dinhe ha aton. Hinkit-an naton an iya himaya—an himaya nga kinarawat niya ha iya pagka bugtong nga Anak han Dyos Amay.

Juan 1:17

Ginhatag han Dyos an Balaod pinaagi kan Moises; kundi inmabot an grasya ngan kamatuoran pinaagi kan Jesu-Cristo.

Juan 1:43

Pagkabuwas naghunahuna hi Jesus hin pagkadto ha Galilea. Hin-agian niya hi Felipe ngan ginsiring niya, “Upod ha akon!” (

Juan 1:50

Ngan nagsiring hi Jesus ha iya, “Natoo ka ba, tungod la nga nagsiring ako ha imo nga hinkit-an ko ikaw ha sirong han igos? Hikikit-an mo in larulabaw pa hini nga mga butang!”

Juan 10:41

Pinmakadto ha iya in damo nga mga tawo. Nagsiring hira, “Waray magbuhat hi Juan hin mga orosahon, kundi puros matuod an iginsiring niya mahitungod hini nga tawo.”

Juan 11:15

kundi tungod ha iyo nalilipay ako nga waray ako didto upod ha iya, basi tumoo kamo. Kadtoa ta hiya.”

Juan 11:47

Sanglit nakigkita han Labaw nga Hukmanan an mga puno han kapadian ngan mga Parisiyo ngan nagsiring, “Ano an aton bubuhaton? Nagbubuhat ini nga tawo hin damo nga mga orosahon!

Juan 12:18

Sanglit gintapo hiya han kadam-an, kay hinbatian nira nga ginbuhat niya ini nga urosahon.

Juan 12:37

Bisan kon ginbuhat niya ini ngatanan nga mga urosahon ha atubangan nira, waray gihapon hira tumoo ha iya,

Juan 12:41

Ginsiring ini ni Isaias kay hinkit-an niya an gahom ni Jesus, ngan nagyakan hiya mahitungod ha iya.

Juan 14:13

Ngan bubuhaton ko an bisan ano nga iyo pangaroon ha akon ngaran, basi pagdayawon an Amay pinaagi han Anak.

Juan 16:27

kay nahigugma ha iyo an Amay ngahaw. Nahigugma hiya ha iyo kay nahigugma man kamo ha akon ngan tinmoo kamo nga tinmikang ako han Dyos.

Juan 16:30

Maaram na kami yana nga sayod ka han ngatanan; diri ka nagkikinahanglan nga may magpinakiana pa ha imo. Nakakapatoo ini ha amon nga tikang ka han Dyos.”

Juan 2:1

Paghagos hin duha ka adlaw, nagkaada kasal didto ha bungto han Cana, ha Galilea. Nakadto an iroy ni Jesus.

Juan 2:23

Samtang nakadto ha Jerusalem hi Jesus, ha panahon han Pyesta han Paglabay, damo in tinmoo ha iya, han pakakita nira han nabuhat niya nga mga milagro.

Juan 3:2

Usa ka gab-i, kinmadto hiya kan Jesus ngan nagsiring hiya, “Rabi, maaram kami nga magturutdo ka nga ginpadara han Dyos, kay waray makakahimo han mga orosahon nga imo ginbubuhat, gawas kon an Dyos aada ha iya.”

Juan 4:3

Han paghibaro ni Jesus hini, binmaya anay hiya han Judea, ngan binmalik ngadto ha Galilea.

Juan 4:46

Binmalik hi Jesus ngadto ha Cana, ha Galilea, diin ginhimo niya nga bino an tubig. May-ada didto usa nga opisyal han bungto nga may anak nga lalake nga masakit didto ha Capernaum.

Juan 4:54

Amo ini an ikaduha nga milagro nga ginbuhat ni Jesus han pag-abot niya ha Galilea tikang ha Judea.

Juan 5:23

basi magpasidungog han Anak an ngatanan, sugad han ira pagpasidungog han Amay. Bisan hin-o nga diri nagpapasidungog han Anak, diri man nagpapasidungog han Amay nga amo an nagsugo ha iya.

Juan 6:14

Nagsiring an mga tawo didto nga nagpakakita hini nga ginbuhat ni Jesus, “Amo na gud ini an Manaragna nga mapakanhi ha kalibutan!”

Juan 6:2

Nagsunod ha iya in kadam-an nga mga tawo, kay hinkit-an nira an iya mga milagro hin panambal han mga magsakit.

Juan 6:26

Nagbaton hi Jesus, “Susumatan ko kamo hin tinuod: ginbibiling ako niyo kay kinmaon kamo han tinapay ngan nagkabubusog kamo, diri tungod nga hinsabtan niyo an mga tigaman han akon gahom.

Juan 6:30

Nagpakiana liwat hira, “Ano nga tigaman han imo gahom an imo bubuhaton basi namon hikit-an, ngan sumarig kami ha imo? Ano man an bubuhaton mo?

Juan 7:31

Kundi tinmoo ha iya in damo nga mga tawo, ngan nagsiring, “Kon umabot an Mesiyas, magbubuhat ba hiya hin labaw pa nga mga milagro kay han nabuhat hini nga tawo?”

Juan 9:16

Nagsiring an pira han mga Parisiyo, “Diri mahihimo nga tikang sa Dyos an tawo nga nagbuhat hini, kay diri niya gintutuman an Balaod han Adlaw nga Iparahuway.” Kundi nagsiring an iba, “Uunanhon hin tawo nga makasasala pakahimo hin mga orosahon nga sugad hini?” Ngan nagkabahinbahin hira.

2 Mga Taga-Corinto 3:18

Sanglit kita ngatanan, nga waray tahob an aton bayhon, naginladawan han kalamrag han himaya han Ginoo; ngan ini ngahaw nga himaya nga natikang han Ginoo nga amo an Espiritu, magbabalhin ha aton basi masugad kita ha iya dida hin labi kamalamrag nga himaya.

2 Mga Taga-Corinto 4:17

Ngan ini nga gutiay ngan lumalabay la nga kakurian nga gin-aantos namon mahatag hin dako kaupay ngan waray kataposan nga balos, nga labaw pa gud han mga kakurian.

2 Mga Taga-Corinto 4:6

An Dyos nga nagsiring, “Masilaw an kapawa tikang han kasisidman!” amo ngahaw an Dyos nga nagpasilaw han iya kapawa ha aton mga kasingkasing paghatag ha aton ha kapawa han pagkilala han himaya han Dyos nga nasilaw ha bayhon ni Cristo.

Deuteronomio 5:24

ngan nagsiring, ‘Iginpakita ha aton han Ginoo nga aton Dyos an iya pagkagamhanan ngan an iya pagkaharangdon han pakabati ta ha iya nga nagyayakan tikang ha butnga han kalayo! Yana nga adlaw aton hinkit-an nga mahihimo pa mabuhi in usa ka tawo bisan kon naghimangraw ha iya an Dyos.

1 Juan 5:13

Nagsusurat ako ha iyo hini basi hibaroan niyo nga may-ada niyo kinabuhi nga waray kataposan—kamo nga natoo han ngaran han Anak han Dyos.