Juan 18:5 - Samarenyo Meaning-Based Bible (1984)

⁵ Nagbaton hira, “Hi Jesus nga taga-Nazaret.” “Amo ako,” nagsiring hiya. Natindog didto upod ha ira an malingo nga Judas.

Juan 18:5 Iomraidhean Croise

Juan 19:19

Iginsurat ni Pilato in usa nga pahibaro ngan iginpataod ini ha kros. Amo ini an ginsurat: “Hi Jesus nga taga-Nazaret, an Hadi han mga Judiyo.”

Juan 1:46

Nagpakiana hi Natanael, “May-ada ba maupay nga matikang ha Nazaret?” “Tana, ngan kitaa,” nagbaton hi Felipe.

Mateo 21:11

Binmaton an hugpo han mga tawo, “Amo ini hi Jesus, an manaragna nga taga-Nazaret, ha Galilea.”

Mateo 2:23

ngan nag-ukoy hiya ha Nazaret nga bungto, basi matuman ini nga iginsiring han manaragna: “Tatawgon hiya nga Nazareno.”

Jeremias 8:12

Mga tawo ko, naawod ba kamo tungod nga ginbuhat niyo ini nga makapupungot nga mga butang? Waray, waray gud kamo mahikaawod; diri ngani kamo napihaw hin kaawod! Sanglit mapupukan kamo sugad han pagkapukan han iba; kon pagkastigohon ko na kamo, kataposan na ini niyo. Ako nga Ginoo an nagyakan.

Isaias 3:9

An ira mga pagpalabilabi amo an saksi kontra ha ira. Nagpapakasala hira ngan waray na kaawod han ginbuhat han mga tawo han Sodoma. Maghihikaraot hira ngan hira la ngahaw an sadang pagbasolon.

Juan 18:4

Maaram hi Jesus han ngatanan nga mahinanabo ha iya, sanglit gintapo niya ngan ginpakianhan hira, “Hin-o an iyo ginbibiling?”

Juan 18:6

Han pagsiring la ni Jesus, “Amo ako,” inmisol hira ngan nagkatutumba ha tuna.