Juan 18:4 - Samarenyo Meaning-Based Bible (1984)

⁴ Maaram hi Jesus han ngatanan nga mahinanabo ha iya, sanglit gintapo niya ngan ginpakianhan hira, “Hin-o an iyo ginbibiling?”

Juan 18:4 Iomraidhean Croise

1 Hadi 18:10

Nagsusumpa ako pinaagi han buhi nga Ginoo nga imo Dyos, nga nagbiniling ha imo an hadi ha ngatanan nga mga nasod han kalibutan. Kon sinusumatan hiya hin punoan hin usa nga nasod nga waray ka didto han iya nasod, ginpapasumpa gud ni Acab an punoan hito nga nasod nga waray ka gud hiagii.

Nehemias 6:11

Binmaton ako, “Diri ako an tawo nga nadalagan ngan natago. Naghuhunahuna ka ba nga tatalwason ko an akon kinabuhi pinaagi hin pagtago didto han Templo? Diri ko ini bubuhaton.”

Mga Salmo 27:3

Kon hin kasondalohan ako alirongan, waray bisan ano nga kahahadlokan; kon an mga kaaway sumulong ha akon, an Dyos an akon tataporan gihapon.

Mga Salmo 3:6

Diri ako nahahadlok han yinukot-yukot nga mga kaaway nga nagpapalibot ha akon.

Mga Darahonon 28:1

Napalagiw an mga magraot bisan waray naglalanat ha ira, kundi an tangkod nga tawo maisog sugad hin liyon.

Mateo 16:21

Tikang hadto ginsiring ni Jesus an iya mga tinun-an: “Kinahanglan kumadto ako ha Jerusalem ngan mag-antos hin damo nga mga kakurian tikang ha kamot han katigurangan, mga puno han kapadian, ngan mga magturutdo han Balaod. Papatayon ako, kundi mababanhaw liwat ako ha ikatulo ka adlaw.”

Mateo 26:2

“Maaram na kamo nga duha na la ka adlaw ngan sasaurogon an Pyesta han Paglabay, ngan itutubyan an Anak han Tawo basi igraysang ha kros.”

Mateo 26:21

Samtang nangangaon hira, nagsiring hi Jesus, “Susumatan ta kamo, usa ha iyo in maglilingo ha akon.”

Mateo 26:31

Niyan nagsiring hi Jesus ha ira, “Yana gud nga gab-i mapalagiw kamo ngatanan ngan babayaan ako niyo kay nasiring an Kasuratan, ‘Papatayon han Dyos an magbarantay ngan magsasarang an mga karnero.’

Lucas 24:44

Niyan nagsiring hiya ha ira, “Amo gud ini an mga butang nga iginsumat ko ha iyo han kaupod pa ako niyo: kinahanglan matuman an ngatanan nga nahisurat mahitungod ha akon dida han Balaod ni Moises, han mga sinurat han mga manaragna, ngan han mga Salmo.”

Juan 13:1

Bisperas na adto han Pyesta han Paglabay. Maaram na hi Jesus nga inmabot na an iya takna hin pagbaya hini nga kalibutan ngan hin pagkadto han Amay. Dayuday ginhigugma niya an iya mga sakop dinhe ha kalibutan, ngan ginhigugma niya hira tubtob gud ha kataposan.

Juan 13:11

Maaram na hi Jesus kon hin-o an maglilingo ha iya, sanglit nagsiring hiya, “Malinis na kamo kundi diri ngatanan.”)

Juan 18:5

Nagbaton hira, “Hi Jesus nga taga-Nazaret.” “Amo ako,” nagsiring hiya. Natindog didto upod ha ira an malingo nga Judas.

Juan 18:7

Ginpakianhan na liwat hira ni Jesus, “Hin-o gud an iyo ginbibiling?” Nagbaton hira, “Hi Jesus nga taga-Nazaret.”

Juan 19:28

Maaram hi Jesus nga natuman na an ngatanan, ngan basi matuman an kasuratan, nagsiring hiya, “Inuuhaw ako.”

Juan 6:64

Kundi may pira ha iyo nga diri natoo ha akon.” (Tikang pa ha tinikangan, maaram na nga daan hi Jesus kon hin-o an diri natoo, ngan kon hin-o an maglilingo ha iya.)

Mga Buhat 2:28

Iginpakita mo ha akon an mga agianan tipakadto ha kinabuhi; ngan magpupuno ha akon hin kalipay an imo pakig-usa ha akon.’

1 Pedro 4:1

Tungod nga lawasnon nga pag-antos an gin-antos ni Cristo, kinahanglan maandam liwat kamo hin pag-antos; kay an hin-o man nga nag-aantos dinhe hini nga kinabuhi binmaya na hin pagpakasala.