Juan 17:8 - Samarenyo Meaning-Based Bible (1984)

⁸ Igintutdo ko ha ira an mensahe nga iginhatag mo ha akon, ngan ginkarawat ini hira. Maaram hira nga tikang ako ha imo, ngan natoo hira nga ikaw an nagsugo ha akon.

Juan 17:8 Iomraidhean Croise

Mga Darahonon 1:23

Pamati kon sawayon ko kamo; sasagdonan ko kamo hin maupay ngan babahinan ko kamo han akon hibaro.

Mga Darahonon 1:3

Makakatutdo ini ha imo hin pag-ukoy hin usa nga kinabuhi nga masinaboton, ngan kon uunanhon hin pagkatangkod, pagkamatadong, ngan pagkamaupay.

Mga Darahonon 2:1

Anak ko, pag-admi an akon igintutdo ha imo, ngan ayaw gud hingalimti an iginpabuhat ko ha imo.

Mga Darahonon 4:10

Pamati ha akon, anak ko. Karawta hin kinasingkasing an akon igsusumat ha imo ngan mag-uokoy ka hin hilawig nga kinabuhi.

Mga Darahonon 8:10

Pilia an akon tugon, diri an salapi; pilia an hibaro, diri an mahal nga bulawan.

Mateo 13:11

Binmaton hiya, “Iginhatag ha iyo an paghibaro han mga tinago han Ginhadian han langit, kundi waray ini ihatag ha ira.

Juan 12:49

Tinuod ito, kay waray ako magyakan ha akon la kalugaringon, kundi an Amay nga nagpadara ha akon amo an nagsugo ha akon kon ano an akon igsisiring ngan igyayakan.

Juan 14:10

Diri ka ba natoo, Felipe, nga aada ako han Amay ngan an Amay aadi ha akon?” Nagsiring hi Jesus ha iya mga tinun-an, “Diri natikang ha akon an mga pulong nga iginhimangraw ko ha iyo. Nagbubuhat an Amay nga aadi ha akon han iya kalugaringon nga mga buruhaton.

Juan 15:15

Diri ko na kamo tatawgon nga mga surugoon, kay diri maaram an surugoon han ginbubuhat han iya agaron. Lugod, tatawagon ko kamo nga mga sangkay, kay iginsumat ko ha iyo an ngatanan nga hinbatian ko tikang han akon Amay.

Juan 16:27

kay nahigugma ha iyo an Amay ngahaw. Nahigugma hiya ha iyo kay nahigugma man kamo ha akon ngan tinmoo kamo nga tinmikang ako han Dyos.

Juan 16:30

Maaram na kami yana nga sayod ka han ngatanan; diri ka nagkikinahanglan nga may magpinakiana pa ha imo. Nakakapatoo ini ha amon nga tikang ka han Dyos.”

Juan 17:14

Iginhatag ko ha ira an imo mensahe ngan nagdumot ha ira an kalibutan, kay diri man hira kanan kalibutan, sugad gud nga diri man ako kanan kalibutan.

Juan 17:18

Ginpadara ko hira nganhi ha kalibutan sugad han pagsugoa mo ha akon nganhi ha kalibutan.

Juan 17:21

Nag-aampo ako nga magkaurosa unta hira ngatanan. Amay, mahiusa unta hira ha aton, sugad gud nga aadi ka ha akon ngan aada ako ha imo, basi tumoo an kalibutan nga ikaw an nagsugo ha akon.

Juan 17:23

ako dida ha ira ngan ikaw dadi ha akon, basi magkaurosa unta hira hin hingpit, basi makasabot unta an kalibutan nga ikaw an nagsugo ha akon, ngan nahigugma ka ha ira sugad han imo paghigugma ha akon.

Juan 17:3

Ngan amo ini an dayon nga kinabuhi; nga kumilala ha imo an mga tawo, nga ikaw la an matuod nga Dyos, ngan kumilala kan Jesu-Cristo nga imo ginsugo.

Juan 3:17

Kay waray magsugo an Dyos han iya Anak nganhi hin paghukom han kalibutan, kundi hin pagtalawas han kalibutan.

Juan 3:33

Bisan hin-o nga nakarawat han iya mensahe, nagpapamatuod nga kasasarigan an Dyos.

Juan 6:68

Binmaton ha iya hi Simon Pedro, “Ngain pa man kami kakadto, Ginoo? Ikaw an may mga pulong nga nahatag han dayon nga kinabuhi.

Juan 8:42

Nagsiring hi Jesus ha ira, “Kon matuod nga an Dyos an Amay niyo, mahigugma unta kamo ha akon, kay tinmikang ako sa Dyos ngan yana aanhi ako. Waray ako kumanhi ha akon la kalugaringon nga pagbuot, kundi ginsugo ako niya.

1 Mga Taga-Corinto 11:23

Kay kinarawat ko tikang han Ginoo an pagturon-an nga akon na iginhatag ha iyo: nga ha gab-i han paglingoa han Ginoo nga Jesus, kinmuha hiya hin tinapay,

1 Mga Taga-Corinto 15:1

Ngan yana, kabugtoan ko, karuyag ko ipahinumdom ha iyo an Maupay nga Sumat nga akon iginwali ha iyo, ngan iyo man kinarawat, ngan amo an nakaparig-on han iyo pagtoo.

Deuteronomio 18:18

Ipapadara ko ha ira in usa nga manaragna nga sugad ha imo, nga tikang han ira kalugaringon nga mga tawo; susumatan ko hiya han iya igsisiring, ngan susumatan niya an mga tawo han ngatanan nga akon igsusugo ha iya.

1 Mga Taga-Tesalonica 2:13

Ug amon liwat dayuday, ginpapasalamatan an Dyos. Kay an pagdad-i namon ha iyo han mensahe han Dyos, iyo ini pinamatian ngan kinarawat, diri nga mensahe hin tawo, kundi sugad nga mensahe gayod han Dyos. Kay nagbubuhat an Dyos dida ha iyo nga mga magtinuohon.

1 Mga Taga-Tesalonica 4:1

Ha kataposan, kabugtoan, nahibaroan niyo tikang ha amon an kinabuhi nga nakakalipay han Dyos. Matuod, amo man ini an iyo kinabuhi tikang pa hadto. Ngan yana, ha ngaran han Ginoo nga Jesus, nangangamuyo ngan nagaaghat kami ha iyo nga mabuhi kamo hin labi pa nga makakalipay han Dyos.

1 Juan 4:14

Ngan aton hinkit-an ngan iginsumat ha iba nga an Amay nagsugo han iya Anak nga magin Magtaralwas han kalibutan.

Ginpadayag 1:1

Ginsurat dida hini nga basahan an mga nahinabo nga iginpadayag han Dyos kan Jesu-Cristo, basi ipakita man niya ngadto han mga surugoon han Dyos an kinahanglan mahinabo ha diri na maiha nga panahon. Iginpasabot ini ni Cristo kan Juan nga iya surugoon, pinaagi hin pagsugo han iya anghel,