Juan 16:2 - Samarenyo Meaning-Based Bible (1984)

² Paiiwason kamo nira ha ira mga sinagoga. Maabot an panahon nga an magpapatay ha iyo makakahunahuna nga nag-aalagad hiya han Dyos.

Juan 16:2 Iomraidhean Croise

Isaias 65:5

Niyan nasiring hira ngadto han iba, ‘Pahirayo kamo ha akon kay baraan kami kaupay ngan diri tugot nga kumamkam kamo ha amon!’ Diri ako makakailob hin mga tawo nga sugad hini—an akon kasina kontra ha ira sugad hin kalayo nga waray pagkaparong.

Isaias 66:5

Pamati han igyayakan han Ginoo, kamo nga nahahadlok ngan nagsusugot ha iya: “Tungod nga matinumanon kamo ha akon, napupungot ha iyo in pipira han iyo kalugaringon nga mga tawo ngan diri hira mangingilabot ha iyo. Nagyuyubit hira ha iyo ngan nasiring, ‘Ipakita han Ginoo an iya pagkagamhanan ngan talwason kamo niya basi hikit-an namon nga nagrarayhak kamo.’ Kundi hira ngahaw an pagpapakaalohan!

Daniel 11:33

Adton may kinaadman amo an magpapasabot han damo nga mga tawo bisan mamatay hira pinaagi hin espada ug kalayo. An iba ha ira bibihagon ngan priprisohon.

Mateo 10:28

Ayaw kamo kahadlok han makakamatay han lawas, kundi diri makakamatay han kalag; asay lugod kahadloki niyo an Dyos nga makakamatay han kalag ngan han lawas didto ha impyerno.

Mateo 24:9

“Niyan dadakpon ngan igtutubyan kamo basi kamo pagsirotan, ngan papatayon kamo. Pagdudumtan kamo han ngatanan nga mga tawo tungod ha akon.

Lucas 6:22

“Palaran kamo kon tungod han Anak han Tawo, pagdumtan, igsalikway, pagyubiton, ngan pakaraoton kamo han mga tawo!

Juan 12:42

Bisan pa ngani, damo gihapon nga mga punoan nga Judiyo in tinmoo kan Jesus; kundi tungod han mga Parisiyo, waray hira magpadayag hin paghimangraw ha kadam-an, basi diri hira pagawason ha sinagoga.

Juan 16:25

“Iginsumat ko ha iyo ini nga mga butang pinaagi hin mga pananglitan. Kundi maabot in panahon nga diri na ako magamit hin mga pananglitan, kundi magyayakan ako ha iyo hin yano nga mga pulong mahitungod han Amay.

Juan 16:32

Maabot an panahon, ngan aanhi na, nga magkakaburublag kamo ngatanan, kada usa, ha iya kalugaringon nga urukyan, ngan babayaan ako nga mag-uusaan. Kundi diri tinuod nga nag-uusaan la ako, kay kaupod ko an Amay.

Juan 4:21

Nagsiring hi Jesus ha iya, “Babaye, tuod na la ha akon: maabot an panahon nga diri na an mga tawo magsisingba han Amay dinhe hini nga bukid o didto ha Jerusalem.

Juan 4:23

Kundi maabot an panahon, ngan aanhi na, nga magsisingba han Amay ha espiritu ngan ha kamatuoran an matuod nga mga magsiringba. Amo ini nga mga magsiringba an naruruyagan han Amay nga magsisingba ha iya.

Juan 9:22

Ginyakan ini han mga kag-anak kay nahadlok hira han mga punoan nga Judiyo nga nagkasarabot na nga daan hin pagpagawas ha sinagoga hin bisan hin-o nga magtug-an nga hi Jesus amo an Mesiyas.

Juan 9:34

Binmaton hira, “Natawo ngan nagtubo ka ha sala—ngan karuyag mo magtutdo ha amon?” Ngan ginpagawas hiya nira ha sinagoga.

Mga Buhat 5:33

Han pakabati hini han mga kaapi han Labaw nga Hukmanan, uraura gud an ira kasina, nga karuyag nira ipapatay an mga apostoles.

Mga Buhat 7:56

Nagsiring hiya, “Kitaa, nakita ako nga nabuksan an langit ngan an Anak han Tawo nga natindog ha tuo han Dyos!”

1 Mga Taga-Corinto 4:13

kon ginyuyubit kami, ginbabaton namon hin magnamit nga mga pulong. Sugad la kami hin sighot hini nga kalibutan; mga baya kami han tuna ngada gud hini nga takna!

Mga Taga-Filipos 3:6

ngan kon ha paningkamot hin buhat, ginpakurian ko an singbahan. Kon ha pagkamatadong nga pinasikad han Balaod, gintuman ko an mga sugo han Balaod ni Moises, ngan waray may iginsuson ha akon.

Ginpadayag 6:9

Niyan ginbuong an Kordero an ikalima nga silyo ngan hinkit-an ko ha ubos han altar an mga kalag hadton mga pinanmatay tungod kay iginpasangyaw nira an pulong han Dyos ngan nagmatinumanon hira han ira pagsaksi.

Mga Maghurukom 6:30

Niyan ira ginsiring hi Joas, “Igawas ngadi an imo anak basi patayon hiya namon! Ginruba niya an altar para kan Baal ngan gintumba an ladawan ni Asera nga sapit han altar.”