Juan 15:8 - Samarenyo Meaning-Based Bible (1984)

⁸ Ginhihimaya an akon Amay tungod han iyo pamunga hin damo; ngan pinaagi hini, nagigin mga tinun-an ko kamo.

Juan 15:8 Iomraidhean Croise

Isaias 60:21

Pagbubuhaton han ngatanan mo nga mga tawo an matadong, Ngan pagtatag-iyahon nira ha kadayonan an tuna. Gintanom ngan ginhimo ko hira, Basi ipadayag nira an akon pagkagamhanan ngadto han ngatanan.

Isaias 61:3

Paghatag ngadto hadton mga mabidoon didto ha Sion Hin rayhak ug kalipay nga liwan hin kabidoan, Hin usa nga kanta hin pagdayaw nga liwan hin kabido. Masusugad hira hin mga kahoy Nga igintanom han Ginoo ngahaw. Pagbubuhaton nira ngatanan an matadong, Ngan pagdadayawon nira an Dyos tungod han iya ginbuhat.

Hageo 1:8

Yana sagka kamo ngadto han kapungtoran, pamulod kamo hin mga kahoy, ngan tindoga na liwat niyo an Templo; niyan malilipay ako ngan pagsisingbahon ako niyo sugad han angay nga pagsingba ha akon.

Mateo 5:16

Ha sugad nga paagi, kinahanglan an iyo suga magmapawa ha atubangan han mga tawo, basi hikit-an nira an iyo maupay nga buhat, ngan pagdayawon nira an Amay niyo ha langit.

Mateo 5:44

Kundi yana nasiring ako ha iyo: higugmaa an iyo mga kaaway ngan ig-ampo an mga nagpapakuri ha iyo,

Mateo 9:8

Pakakita hini han mga tawo kinulba hira ngan nagdayaw hira han Dyos nga naghatag hin sugad nga gahom ngadto han mga tawo.

Lucas 6:35

Diri! Higugmaa an iyo mga kaaway ngan buhata an maupay ha ira; pahuram ngan ayaw pagpaabot hin bayad. Mamamay-ada kamo dako nga balos, ngan magigin mga anak kamo han Gihahataasi nga Dyos. Kay maupay hiya hadton mga bungalos ngan hadton mga magraogdaog.

Juan 13:35

Kon magsihigugmaay kamo, mahibabaro an ngatanan nga akon kamo mga tinun-an.”

Juan 15:5

“Ako an balagon ngan kamo an mga sanga. Mabunga hin damo an bisan hin-o nga magpabilin didi ha akon, ngan ako dida ha iya, kay waray niyo mahihimo kon bulag kamo ha akon.

Juan 8:31

Sanglit nagsiring hi Jesus ngadto han mga Judiyo nga tinmoo ha iya, “Kamo an tinuod ko nga mga tinun-an, kon tumanon niyo an akon igintutdo,

1 Mga Taga-Corinto 10:31

Sanglit bisan ano an pagbuhaton niyo, ma ha pagkaon o ha pag-inom, buhata ito ngatanan hin pagpasidungog han Dyos.

1 Mga Taga-Corinto 6:20

mahal an paglukat ha iyo. Sanglit gamita niyo an iyo mga lawas hin pagpasidungog han Dyos.

Mga Taga-Filipos 1:11

Mapuno unta an iyo mga kinabuhi han mga mag-upay nga mga hiyas tikang kan Cristo Jesus, para han himaya ngan pagdayaw han Dyos.

Tito 2:10

o mangawat ha ira. Lugod, kinahanglan magpakita hira nga dayuday maupay ngan matinumanon hira, basi makahatag hin maupay nga bantog han pagturon-an mahitungod han Dyos nga aton Magtaralwas dida han ngatanan nga ira ginbubuhat.

Tito 2:5

pagpugong han ira kalugaringon ngan pagkaputli, ngan pagkamaupay nga mga asawa han panimalay, nga nagsusugot han ira mga bana, basi waray magyakan hin maraot han mensahe nga natikang han Dyos.

1 Pedro 2:12

Kinahanglan maupay gud an iyo panggawi kon tampo kamo han diri mga natoo han Dyos, basi kon igsumbong kamo nga nagbuhat kamo hin maraot, makita hira han iyo mag-upay nga mga buhat, ngan magdadayaw hira han Dyos ha Adlaw han iya pag-abot.

1 Pedro 4:11

An magwarali kinahanglan magwali han mga pulong han Dyos; an nag-aalagad kinahanglan mag-alagad ha kusog nga iginhahatag ha iya han Dyos, basi pagdayawon an Dyos ha ngatanan nga mga butang pinaagi kan Jesu-Cristo, kay iya an kadungganan ngan kagamhanan ha kadayonan! Amen.