Juan 15:1 - Samarenyo Meaning-Based Bible (1984)

¹ “Amo ako an tinuod nga balagon, ngan an akon Amay an magmarangno.

Juan 15:1 Iomraidhean Croise

Kanta han mga Kanta 7:12

Mabangon kita hin sayo ngan kikitaon ta an mga puno hin ubas kon nanaringsing na ini, kon nanmuklad na an mga biyuos, ngan kon nanmukad na an mga granada. Didto igtutug-an ko ha imo an akon paghigugma.

Isaias 4:2

Maabot an panahon nga hihimoon han Ginoo nga an tagsa nga tanom ug kahoy dida han tuna matubo nga matahom ug dagko nga mga kahoy. Malilipay ngan maparayaw an ngatanan nga mga tawo han Israel nga mahisalin nga buhi tungod han mga abot han tuna.

Isaias 60:21

Pagbubuhaton han ngatanan mo nga mga tawo an matadong, Ngan pagtatag-iyahon nira ha kadayonan an tuna. Gintanom ngan ginhimo ko hira, Basi ipadayag nira an akon pagkagamhanan ngadto han ngatanan.

Isaias 61:3

Paghatag ngadto hadton mga mabidoon didto ha Sion Hin rayhak ug kalipay nga liwan hin kabidoan, Hin usa nga kanta hin pagdayaw nga liwan hin kabido. Masusugad hira hin mga kahoy Nga igintanom han Ginoo ngahaw. Pagbubuhaton nira ngatanan an matadong, Ngan pagdadayawon nira an Dyos tungod han iya ginbuhat.

Jeremias 12:10

Ginbungkag an akon urubasan hin damo nga langyaw nga mga punoan; ginhimo nira nga usa nga kamingawan an akon matahom nga tuna.

Jeremias 2:21

Gintanom ko ikaw sugad hin pinili nga ubas tikang han gimamaupayi nga binhe. Kundi kitaa kon ano an imo dinangatan! Sugad ka hin dunot ngan waray pulos nga ubas.

Ezequiel 19:10

Sugad an iroy niyo hin puno hin ubas nga igintanom ha ligid hin usa nga sapa. Tungod kay damo an tubig, naluob an puno hin mga dahon ngan mga bunga.

Oseas 10:1

An katawhan han Israel sugad hin puno hin ubas nga bungaan. Han pagmainuswagon nira, darudamo man nga mga altar an ira gintindog. Han pagdarudamo han mga abot han ira tuna, ginpahuruhusay man nira an baraan nga mga harigi nga bato nga ira ginsisingba.

Zacarias 3:8

Sanglit pamati, Josue, ikaw nga amo an Labaw nga Padi; ngan pamati, kamo nga igkasi niya nga mga padi, kamo nga amo an tigaman hin maupay nga kabubwason: igpapadayag ko an akon surugoon nga tinatawag An Sanga!

Mateo 15:13

Binmaton hi Jesus, “Gagaboton an tagsa nga tanom nga waray igtanom han akon Amay ha langit.

Mateo 20:1

“An Ginhadian han langit sugad han tag-iya hin uma hin mga ubas nga timprano pa ha aga linmakat pangita hin mga tawo nga iya susuholan hin pagtrabaho ha iya urubasan.

Mateo 21:33

Nagsiring hi Jesus, “Pamati kamo hin lain nga pananglitan. May-ada hadto tag-iya hin tuna nga nag-uma hin ubas. Gin-alad niya an uma, nagbuho para hin mulino hin pagpii, ngan nagtindog hin hitaas nga lantawan. Katapos, ginpaagsahan niya hin mga saop ito nga urubasan, ngan naglakaton hiya.

Marcos 12:1

Ngan naghimangraw hi Jesus ha ira pinaagi hin mga pananglitan: “May-ada hadto tawo nga nag-uma hin ubas. Gin-alad niya ini nga uma, gin-ukaban para hin molino hin pagpii hin ubas, ngan gintindogan hin hitaas nga lantawan. Ginpaagsahan ini niya hin mga saop, ngan linmakat hiya ngadto hin hirayo nga dapit.

Lucas 13:6

Ngan nagsumat ha ira hi Jesus hini nga pananglitan: “May hadto usa ka tawo nga may kahoy nga igos nga naturok ha iya uma. Nakadto hiya hin pamiling han bunga, kundi waray makaagi.

Juan 1:17

Ginhatag han Dyos an Balaod pinaagi kan Moises; kundi inmabot an grasya ngan kamatuoran pinaagi kan Jesu-Cristo.

Juan 1:9

Amo ini an matuod nga kapawa—an kapawa nga nakanhi ha kalibutan ngan nakalamrag han ngatanan nga katawhan.

Juan 15:2

Binabanggi niya an ngatanan nga sanga nga diri nabunga. Tinatag-an niya hin paghawan an kada sanga nga nabunga, basi mamunga hin darodamo.

Juan 6:32

Nagsiring hi Jesus, “Susumatan ta kamo hin tinuod: diri tikang ha langit nga pagkaon an iginhatag ni Moises ha iyo; an akon Amay an nahatag ha iyo han tinuod nga pagkaon nga tikang ha langit.

Juan 6:55

Kay tinuod gud nga pagkaon an akon unod, ngan tinuod gud nga irimnon an akon dugo.

Mga Taga-Roma 11:17

Pinanmanggi an iba nga mga sanga han tinanom nga kahoy nga olibo ngan iginpungot ngada hini an sanga hin ihalas nga kahoy nga olibo. Pareho kamo nga mga Hentil hadto nga ihalas nga sanga nga olibo, ngan yana nakakaangbit na kamo han makusog nga espirituhanon nga kinabuhi han mga Judiyo.

1 Mga Taga-Corinto 3:9

Kay nagbubulig kami hin pagbuhat para han Dyos, ngan kamo amo an uma han Dyos. Balay liwat kamo han Dyos.

1 Juan 2:8

Kundi bag-o an sugo nga akon ginsusurat ha iyo yana, kay nakikita an iya kamatuoran dida kan Cristo ngan dida man ha iyo. Kay magpapapas na an kasisidman, ngan sinmidlit na an tinuod nga kapawa.