Juan 14:1 - Samarenyo Meaning-Based Bible (1984)

¹ Nagsiring ha ira hi Jesus, “Ayaw kamo kabaraka ngan kagupong. Too kamo han Dyos ngan too man kamo ha akon.

Juan 14:1 Iomraidhean Croise

Mga Salmo 43:5

Kay ano nga mabidoon man ako? Kay ano nga nasasamok man ako? Maglalaom ako han Dyos, ngan ha makausa pa pagdadayawon ko hiya akon magtaralwas ngan akon Dyos.

Mga Salmo 77:10

Niyan amo ini an ak' iginyakan, “Amo ini'n labaw nga ak' nabidoan— Nga an Ginoo nga Labaw han Ngatanan, ini nga Dyos diri na ngay-an gamhanan.”

Isaias 26:3

Ikaw, O Ginoo, an nahatag hin hingpit nga kamurayaw ngadto hadton mga magrig-on an panuyo ngan mga nasarig ha imo.

Jeremias 8:18

Diri mapupuypoy an akon kabidoan; masakit an akon kasingkasing.

Juan 11:33

Hinkit-an hiya ni Jesus nga nagtatangis, sugad man an mga Judiyo nga upod niya; nabantad an iya kasingkasing ngan inalpan hiya hin kalooy.

Juan 12:27

“Mabidoon gud ako yana, ngan ano an akon isisiring? Masiring ba ako, ‘Amay ko, palabya anay ha akon ini nga takna’? Diri, kay amo ini an hinungdan nga kinmanhi ako, basi karawaton ko ini nga takna hin pag-antos.

Juan 12:44

Namulong hi Jesus hin dako nga tingog, “An bisan hin-o nga natoo ha akon; natoo diri la ha akon kundi ha iya liwat nga nagpadara ha akon.

Juan 13:19

Ginsusumat ko ini ha iyo yana, nga diri pa ini nahinanabo, basi kon mahinabo na ini, tumoo kamo nga hi ‘Ako Amo Ako.’

Juan 16:24

Ngada yana waray pa kamo mangaro hin bisan ano ha akon ngaran; pangaro ngan makarawat kamo, basi mahingpit an iyo kalipay.

Juan 16:3

Bubuhaton nira ha iyo ini nga mga butang, kay waray hira makakilala han Amay o ha akon.

Juan 16:6

Ngan yana nga ginsumatan ko na kamo, nagmamabidoon kamo.

Juan 5:23

basi magpasidungog han Anak an ngatanan, sugad han ira pagpasidungog han Amay. Bisan hin-o nga diri nagpapasidungog han Anak, diri man nagpapasidungog han Amay nga amo an nagsugo ha iya.

Juan 6:40

Kay amo ini an karuyag han akon Amay: nga makaangkon han dayon nga kinabuhi an ngatanan nga nakilala han Anak ngan natoo ha iya; ngan babanhawon ko hira ha kataposan nga adlaw.”

2 Mga Taga-Corinto 2:7

Kundi yana, kinahanglan pasayloon ngan dasigon hiya niyo basi diri hiya mabido hin duro ngan mawad-an hin paglaom.

Mga Taga-Efeso 1:15

Tungod hini, tikang ako makabati han iyo pagtoo han Ginoo nga Jesus ngan han iyo paghigugma han ngatanan nga mga tawo han Dyos,

2 Mga Taga-Tesalonica 2:2

nga diri kamo malisang dayon o kalasan tungod han sumat nga inmabot na daw kono an Adlaw han Ginoo. Bangin may nagpanagna o may nagwali hito o bangin may nagsiring nga iginsurat ini namon.

1 Pedro 1:21

Pinaagi ha iya nasarig kamo han Dyos nga nagbanhaw ngan nagpasidungog ha iya; sanglit ibinutang niyo didto han Dyos an iyo pagtoo ngan paglaom.