Juan 13:9 - Samarenyo Meaning-Based Bible (1984)

⁹ Nagbaton hi Simon Pedro, “Kon amo man ini, Ginoo, diri la an akon mga tiil, kundi ilakip liwat hin paghugas an akon mga kamot ngan ulo!”

Juan 13:9 Iomraidhean Croise

Mga Salmo 26:6

Naghuhunaw ako, O Ginoo, pagpakita nga waray ko sala ngan naglilibot han imo altar hin pagsingba.

Mga Salmo 51:2

Hugasi an ngatanan ko nga karat-an ngan linisi ako han akon sala!

Mga Salmo 51:7

Kuhaa an akon sala, ngan magmamalinis ako; hugasi ako, ngan magmamabusag ako labaw pa hin gapas.

Jeremias 4:14

Jerusalem, linisi an karat-an tikang han imo kasingkasing basi matalwas ka. Tubtob san-o an pagpadayon nimo han imo magraot nga panhunahuna?

Mateo 27:24

Han pakasabot ni Pilato nga kawang la an pagpadayon, ngan bangin la mahinabo in kasamok, kinmuha hiya hin tubig, naghunaw hiya ha atubangan han mga tawo, ngan nagsiring, “Waray ko labot han kamatayon hini nga tawo! Iyo ini karuyag!”

Juan 13:10

Nagsiring hi Jesus, “An human na kumarigos, malinis na an iya bug-os nga lawas, sanglit diri na kinahanglan maghugas pa ha iya ngahaw, kundi an iya mga tiil na la. Malinis na kamo kundi diri ngatanan.” (

Juan 13:8

Nagsiring hi Pedro, “Diri gud ako matugot nga mamusa ka han akon mga tiil!” Nagbaton hi Jesus, “Kon diri ako mamusa han imo mga tiil, diri ka na magigin tinun-an ko.”

Hebreo 10:22

Sanglit dangop kita han Dyos upod in tangkod nga kasingkasing ngan marig-on nga pagsarig, upod in mga kasingkasing nga nalinisan na tikang hin salaan nga konsensya ngan panhunahuna, ngan mga lawas nga nahugasan na hin limpyo nga tubig.

1 Pedro 3:21

nga amo in usa nga tigaman han pagbunyag nga nagtatalwas ha iyo yana. Diri ini paghugas hin lawasnon nga buring, kundi an saad nga ginhimo han Dyos tikang hin maupay nga konsensya. Nagtalwas ha iyo an bunyag pinaagi han pagkabanhaw ni Jesu-Cristo,