Juan 13:8 - Samarenyo Meaning-Based Bible (1984)

⁸ Nagsiring hi Pedro, “Diri gud ako matugot nga mamusa ka han akon mga tiil!” Nagbaton hi Jesus, “Kon diri ako mamusa han imo mga tiil, diri ka na magigin tinun-an ko.”

Juan 13:8 Iomraidhean Croise

Genesis 42:38

Kundi nagsiring hi Jacob, “Diri makakaupod ha iyo an akon anak; patay na an iya bugto ngan hiya nala an nahibilin. Bangin la may mahinabo ha iya dida ha dalan. Lagas na ako, ngan makakamatay ha akon an kabidoan nga iyo paghihimoon ha akon.”

2 Samuel 20:1

Nahinabo nga didto ha Gilgal may usa nga bastos nga tawo, hi Seba nga anak ni Bicri, nga sakop han tribo ni Benjamin. Nagtrompeta hiya ngan ginmoliat, “Mapukan hi David! Diri kami masunod ha iya! Mga tawo han Israel, panguli kita!”

1 Hadi 12:16

Han pakasabot han mga tawo nga diri gud mamamati ha ira an hadi, naggogliat hira, “Mapukan hi David ngan an iya panimalay! Ano gud an ira nabuhat para ha aton? Mga tawo han Israel panguli kita! Pasagdi na la hi Reboam!” Sanglit sinmupil an mga tawo han Israel,

Mga Salmo 51:2

Hugasi an ngatanan ko nga karat-an ngan linisi ako han akon sala!

Mga Salmo 51:7

Kuhaa an akon sala, ngan magmamalinis ako; hugasi ako, ngan magmamabusag ako labaw pa hin gapas.

Isaias 4:4

Pinaagi han iya gahom huhukman ngan pupurogon han Ginoo an nasod ngan huhugason an sala han Jerusalem ngan an dugo nga gin-ula didto.

Ezequiel 36:25

Wawarikwikan ko kamo hin limpyo nga tubig ngan lilinisan ko kamo tikang han ngatanan niyo nga mga diyosdiyos ngan han iba pa nga nakahugaw ha iyo.

Zacarias 13:1

“Kon umabot na ito nga panahon,” nasiring an Ginoo nga Labi Kamakagarahum, “matubod in burabod nga maglilinis han mga tulin ni David ngan han mga tawo han Jerusalem han ira sala ngan pagsingba hin mga diyosdiyos.

Mateo 16:22

Ilinain anay hiya ni Pedro han iba, ngan sidngon hiya, “Diri unta itugot han Dyos nga mahinabo ini ha imo!”

Mateo 21:29

Binmaton ini hiya, ‘Diri ako magtratrabaho!’ kundi naliwat an iya hunahuna, ngan kinmadto hiya ha urubasan.

Mateo 26:33

Nagsiring hi Pedro kan Jesus, “Diri gud ako mabaya ha imo bisan pa kon bayaan ka han ngatanan!”

Mateo 26:35

Binmaton hi Pedro, “Diri gud ako maglilirong ha imo bisan kon patayon ako upod ha imo!” Ngan amo man an iginsiring han ngatanan nga mga tinun-an.

Juan 13:6

Hinmarani kan Simon Pedro nga nagsiring ha iya, “Ginoo, mamumusa ka ba han akon mga tiil?”

Juan 13:9

Nagbaton hi Simon Pedro, “Kon amo man ini, Ginoo, diri la an akon mga tiil, kundi ilakip liwat hin paghugas an akon mga kamot ngan ulo!”

Juan 3:5

Nagbaton hi Jesus, “Susumatan ko ikaw hin tinuod: waray tawo nga makakasulod han Ginhadian han Dyos labot kon matawo hiya pinaagi hin tubig ngan han Espiritu.

Mga Buhat 22:16

Ngan yana ano pa an imo ginhuhulat? Buhat ngan magpabunyag ka, basi mahugasan ka han imo mga sala pinaagi hin pagtawag ha iya ngaran.’

1 Mga Taga-Corinto 6:11

An iba ha iyo hadto sugad hini nga mga tawo. Kundi ginlinisan na kamo han sala; igintubyan na kamo ngadto sa Dyos; ngan gin-isip na kamo nga matadong sa Dyos pinaagi han ngaran han Ginoo Jesu-Cristo ngan pinaagi han Espiritu Santo.

Mga Taga-Efeso 5:26

Ginbuhat ini niya para hin paghalad han singbahan ngadto sa Dyos pinaagi han iya pulong, katapos paglinisi niya pinaagi hin paghugas niya hin tubig,

Deuteronomio 12:12

Pagmalipayon kamo didto ha iya atubangan kaupod han iyo mga anak, mga surugoon, ngan han mga Levita nga nag-uokoy didto han iyo mga bungto; hinumdomi niyo nga diri magtatag-iya an mga Levita hin tuna nga ira kalugaringon.

Mga Taga-Colosas 2:18

Ayaw kamo tugot nga paghukman kamo hin bisan hin-o nga nagpapakalabaw ha iyo tungod hin ira linain nga mga panan-awon, ngan nagpipirit pagpakita hin diri tinuod nga pagpaubos ngan han pagsingba hin mga anghel. Hin waray ano man nga hinungdan naparayaw la in sugad hito nga tawo pinaagi han iya panhunahuna,

Mga Taga-Colosas 2:23

Matuod, in sugad nga mga turumanon baga buhat hin kinaadman nira pagkit-on ha ira pinirit nga pagsingba hin mga anghel, ngan diri tinuod nga pagpaubos, ngan pagkastigo han lawas; kundi waray hira tinuod nga kapulsanan hin pagpugong han lawasnon nga mga balatian.

Tito 3:5

gintalwas kita niya. Diri adto tungod hin ano man nga mag-upay nga mga buhat nga aton gintuman, kundi tungod han iya kalugaringon nga pagkalooy nga gintalwas kita niya pinaagi han paghugas han Espiritu Santo nga nahatag ha aton hin bag-o nga pagkatawo ngan bag-o nga kinabuhi.

Hebreo 10:22

Sanglit dangop kita han Dyos upod in tangkod nga kasingkasing ngan marig-on nga pagsarig, upod in mga kasingkasing nga nalinisan na tikang hin salaan nga konsensya ngan panhunahuna, ngan mga lawas nga nahugasan na hin limpyo nga tubig.

Ginpadayag 1:5

ngan tikang kan Jesu-Cristo, an kasasarigan nga saksi, an bugtong nga Anak nga lalake, nga ginbanhaw tikang han mga minatay, ngan amo liwat an punoan han mga kahadian han tuna. Nahigugma hiya ha aton ngan pinaagi han iya kamatayon gintalwas kita han aton mga sala,

Ginpadayag 7:14

Binmaton ako, “Diri ako maaram. Ikaw an maaram.” Nagsiring hira ha akon, “Amo ini an mga tawo nga nakailob han makalilisang nga pag-antos. Ginlabhan nira an ira higlawig nga mga bado ngan ginlatakan hira han dugo han Kordero, sanglit nagmabusag.